نصائح وهمية (1) ..!!

(1)للآنسات حتى لا يصبحن عانسات

أولاً: 
الولد بيحب البنت الرقيقة.. رفعوااا صوتكوا يابنات.. وأول ما تشوفي حاجة وحشة سورقي على طول (يغمى عليكي يعني).. عيطي كتير العياط دليل الحس المرهف.. أوئي له.. نكدي عليه.

ثانيًا: 
الولد بيحب البنت الرومانسية.. سبلي له.. اسرحي كتير. سهمي وكلمي نفسك زى الهطل.. كلميه دايمًا عن القمر والنجوم.. وطي صوتك وإنت بتكلميه خليه على طول يقولك.. هه.. هه..؟؟

ثالثًا:
الولد بيحب البنت المؤدبة.. قولي له إنه أول واحد ف حياتك.. حتى لو كنتي متجوزة قبل كده وحامل ف توأم.. قولي له دي غازات وانتفاخات أصلي واكلة بصل...؟؟؟

رابعًا: 
الولد بيحب البنت الاستايل.. كل ما تشوفي حاجة قلديها.. يقولو لك الموضة الشعر الأصفر.. أضربي شعرك أصفر.. الشعر القصير إضرابيها موووس.. خليها زيروووو.. ولو مش عارفة الموضة قلدي أي مذيعة تليفزيون.. أو بطلة أي كليب حتى ولو لشعبان عبد الرحيم..

خامسًا: 
الولد بيحب البنت الدلوعة.. إتدلعي ياختي متبقيش دكر.. نظاام والنعمة مأنا.. تشي اختشي مني أشلي واخشه شبلوم شجااارة

سادسًا:
الولد بيحب البنت الجذابة التى تكون محور اهتمام الآخرين.. أديله أرجوك أوعى تغير أنا حاوالايا كتير كلميه عن معدل الإنتحااار اللي زاد في حتتكم من كتر اللي نفضتي لهم.. اضربيله جوابات هيام وغرااام من معجبيكي

سابعًا:
الولد بيحب البنت اللي بتحسسه برجولته وتحسسه بنفسه.. إيه ده كل دي عضلات؟.. دي أحلى عضلات شفتها ف حياتي.. شواجينايزر إيه ياروحي دا جنبك غطا قله.. إيه الشياكة دي إنت أشيك واد ف روكسي..

ثامنًا: 
الولد بيحب البنت المتواجدة دايمًا في حياته.. اللي ماليه عليه حياته.. ألزقي له.. اكبسي دايمًا على نفس أمه.. موبايلات.. رسايل.. نت.. شات.. خليه يقول جوزوهالي بقه بدل الصدااااع اللي أنا فيه ده..

آنساتي الأعزاء أرجو أن تسعدواااا بهذه النصائح الذهبية.. ونركم قريبًاااااااا في محكمة الأسرة..؟؟؟ 
ويتبع >>>>: نصائح وهمية (2) ..!!
واقرأ أيضاً:
في بلدنا (4) / ليست شرم الشيخ وحدها.. ياريس..