عودة سباعيات المجنون الفصيح(8)
*ع الدوار 8
راديو بلدنا فيه أسرار
بيقول إن أبيب متربّى
من أول ما اتعلم يِحبي
ع العنف وعلى ضرب النار!!
كان والده المأمور بيجيب له..
طيارة فانتوم ويقول له..
العب بيها ف أرض الجار!!
عجبي
***
*ع الدوار 9
راديو بلدنا فيه أسرار
بيقول إن أبيب عفريت..
لابس جسم بلاد الزيت..
وعشان يخرج محتاج زار!!
قلت ماهوش محتاج غير شيخ..
يخزق عينه الحمرا بِسيخ..
وان عصلج.. يحرقه بالنار
عجبي
****
*ع الدوار 10
راديو بلدنا فيه أسرار
بيقول إن أبيب متقنزح
على حِس المأمور متسلح
بقنابل عناقيد النار...
قلت أنا ما نسلّح نفسينا
قال الراديو ومين يدينا...
مِن بعد اللي حصل في أيار؟!!
**أيار= شهر سبتمبر
عجبي
ويتبع >>>>>>>>>>> : عودة سباعيات المجنون الفصيح(10)
واقرأ أيضا:
خصام الحبايب/ الحب القاس/ استشارة مجانية في الوسواس القهري/ عودة سباعيات المجنون الفصيح(4)/ إلى مدمن!!!/ إلى مريض الهوس/ إلى مكتئب/ إلى مريض الفصام/ إلى مريض الوسواس
تعليقات الأعضاء