عودة سباعيات المحنون الفصيح (11)
- العزبة
العزبة يا عمدة ما هيش ملكك
ازاى ها تورثها لابنك؟؟!!
بترابها ونيلها وبهايمها...
لجل يغرّقها ف مشاكلها
واللي انت بنيته يضيع بعدك!!
ولّه العزبة دي ما ولدتشى..
راجل غير المحروس ابنك؟!.
عجبي
********
- قريتنا
قريتنا بلد هادية وماشية
بالبركة وحسب التساهيل..
والناس مش في دماغها سياسة
بكفاية تعمّر في الطاسة
وتركّز مع فيلم جميل
بالذّمة مش العمدة بيتعب..
في حكم شوية مـساطيل!!
عجبي
********
- فقر وجهل
فقر وجهل مرض زحمة
والناس متعايشة مع الأزمة
مبسوطة وبالـمقسوم راضية
وبنعمة ربنا حاسين!!
وفحب وطنهم هايمين!!
أمّال الناس دي لو اتعاملت
فى بلادها معاملة بنى أدمين؟؟!!
عجبي
ويتبع >>>>>>>>>>> : عودة سباعيات المجنون الفصيح(13)
واقرأ أيضا:
أغنية للأم/ خصام الحبايب/ الحب القاس/ استشارة مجانية في الوسواس القهري/ إلى مدمن!!!/ إلى مريض الهوس/ إلى مكتئب/ إلى مريض الفصام/ إلى مريض الوسواس
تعليقات الأعضاء