رأيت هذا النص على الفيس بوك ورغم رفضي الكتابة بالعامية إلا أنني آثرت نشره لأهميته وطرافته ومرارته الشديدة في آن واحد:
_هو اللي قتل الــ25 جندي الإخوان ؟
_لا دا واحد محكوم عليه بالإعدام في قضية أحداث تفجيرات دهب وطابا كان هارب من الحكم وقام بتمثيل الجريمة.
_والراجل اللي بيحدف الناس من عالسطح اتحقق معاه؟!
_لا بس حلق ذقنه وطلع معاه كارنيه حزب وطني.
_والكنائس معدتش بتتحرق ليه مع إن مظاهرات الإرهابيين لسه شغاله ؟!
_أصلهم مسكوا البلطجية اللي كانوا بيحرقوها.
_هو تفويض الحرب على الارهاب نضف سينا من الإرهابيين؟!
_لا بس كفاية أنه فض اعتصام رابعة والنهضة.
_ آه صحيح هم لقوا السلاح الكيماوي اللي كان هناك؟
_لا بس كان فيه صندوق فيه سلاح جوه والهبل سابوه وخرجوا يحدفوا بالطوب !!
_هو سد النهضة اتوقف خلاص ولا لسه؟
_لا لسه اصلهم رافضين المفاوضات مع الحكومة.
_وايه أخبار الحكومة والكاريزما والحاجات دي؟
_ رئيس كاريزما كاريزما يعني ووزراء زي الفل خصوصا وزارات الداخلية والبترول والكهرباء .
_طب أخبار زواج القاصرات اللي كانوا بيقولوا عليه ايه؟
_هههه كان فيه من يومين فرح طفلة في خامسة ابتدائي من السنبلاوين!!
_وايه أخبار الحرب على الاسلام اللي صدعونا بيها؟
_كدب طبعا دول تجار دين بس الصراحة كام مسجد اتقفل على كام قناة إسلامية ولغوا المواد الإسلامية من الدستور وأول جريدة شيعية (آفاق مصرية) صدرت.... إلخ.
_وأخبار منظومة التموين ؟
_بيوصل ناقص ورغيف العيش مايتاكل بس اصبر كله هيتظبط.
_وأخبار الكهربا ...بتقطع لسه ولا خلاص؟
_ آه بتقطع تاني زي الأول بس فيه ضغط على المحولات.
_وأخبار الاقتصاد إيه أظنه منتعش اليومين دول؟
_بصراحة البورصة بتخسر والسياحة واقفة تماما وفيه مصانع قفلت وشركات خسرت والاحتياطي النقدي انخفض بس ده طبيعي بعد أي ثورة.
_طب ليه ما يعملوا وقفات احتجاجية وفئوية؟
_لا طبعا الكلام ده أيام مرسي دلوقتي احنا عاوزين البلد تمشي بقى
_وايه أخبار الوضع الامني؟
_البلطجية في الشوارع وفيه حالة طوارئ وحظر تجوال بس دي فترة معينة.
_وايه أخبار الانقسام الشعبي ، انتهى ؟
_لا هو زاد الصراحة ومفيش حد عايز يتنازل عن وجهة نظره.
_طب تسليم السلطة حددوا معاده ولا لسه؟
_لا لسه بس اهو اختاروا لجنة خمسين غير منتخبة لتعديل نفس الدستور المعترض عليه.
_ويا ترى استكملتوا أهداف ثورة يناير؟
_بالنسبة للعيش فكل حاجة بقت غالية وبالنسبة للحرية فمبارك خرج براءة وبالنسبة للعدالة فالحد الأدنى والأقصى بيناقشوه لسه ومفيش إقصاء لأحد بالمرة!!
_هو شفيق رجع مصر ولا لسه؟
_لسه بيؤدي مناسك العمرة.
_طب والبرادعي؟
_لا دا طلع خاين وهيتحاكم يوم 19 سبتمبر.
_سيبك من كل ده المهم العالم كله منبهر بالثورة صح؟
_هو الصراحة مفيش حد معترف بيها غير السعودية والإمارات واسرائيل.
_طب وبعدين؟؟؟؟
_ياعمي المهم مرسي مشي
واقرأ أيضًا:
تعليقات الأعضاء