|
| 
|
أعاني من اضطراب نفسي
السلام عليكم ورحمه الله وبركاته، حضراتكم كانت محتاج استشارة نفسية في حالة نفسية أنا دخلت فيها وكنت حابب أعرف إيه هي الحالة دي وطرق العلاج منها إزاي؟؟
من أربع أسابيع كنت جالس على الكمبيوتر عادي كأي يوم طبيعي لفترة كبيرة جداا جه أخويا الكبير فحسيت بشعور غريب في وقته وهو شعور إنه غريب وأنا حسس نفسي غريب بس شكيت إن ده عرض من أعراض أمراض عضوية مكنش عندي دراية كافية لمعرفة إيه ده!! فخُفت فدخلت على اليوتيوب في اليوم ده وبحثت جالي فيديو بيتكلم عن اختلال الانية مع إني الفترة دي اللي حصل فيها الشعور ده كانت فترة صغيرة جدا بس الخوف هو اللي خلاني أبحث عنه المهم بقيت مشغول أووي باختلال الانية جداا تاني يوم قومت بطاقة حلوة أووي كنت رايح أبدأ في مشروع بسيط جدا وأبدأ في التخطيط ليه بس وأنا جالس على الكمبيوتر أنا وأخويا الصغير جه فكرة سيئة جدا وهي إنك هتموت واللي حصل معك ده من عرض اختلال الانية بداية وقلبي نبض مرة واحده وعرق شديد وخوف غريب وبقيت خايف جداا وقلق فظيع جدااا ودي كانت بداية الحالة من ساعتها وأنا مش عارف مالي خوف بدون سبب قلق بدون سبب وبقيت دايما أفكر وأحس إن العالم ده غريب وشكله غريب وبقيت خايف جداا ومش بعرف أنام من الكوابيس وخلال الفترة دي أشوف فيديوهات عن اختلال الانية والحالة تزيد عندي.
وبقيت بفكر كتير ومتضايق بدون سبب لحد ما افتكرت إن ممكن أكون جالي اكتئاب شوفت فيديو عن الاكتئاب بس إزاي يجيلي اكتئاب وأنا كنت شخص متفائل وخلال الفترة دي جالي وسواس أفظع وهو إنك مش عارف أخوك الصغير هو مين ده وبقيت هتجنن إزاي مش عارفه وبقيت أفكر نفسي بس كل شوية ولما أشوف وشه أفكر نفسي بيه مع إني عارفه كويس جدا بس ليه بحس إنه مش موجود مع إني بتقولي هتنسى أخوك الفلاني بقيت مستغرب هل ده حقيقي وممكن أنساه فعلا ولا ده مجرد وهم وبقيت خايف وسبب إني بخاف أوي على أخويا الصغير وشديد التعلق بيه كلمت دكاترة من على الفيس وعلى اليوتيوب والواتس وكلهم قالوا عندي قلق وسواس بقيت بشك هل الكلام ده حقيقي ولا دي أعراض الفصام ولا إيه بالظبط؟؟
أنا سمعت فيديو عن تجاهل اختلال الانية والوسواس هي بتجيب نتيجة معايا بس برجع تاني بسبب الشعور الرخم الناتج عن الأفكار وبقيت بفكر احنا عايشين ليه وسبب وجودنا على الأرض وأسئلة أنا عمري ماسألت نفسي الأسئلة دي بل كنت عارف هدفي كويس جدا مع العلم أنا بحاول في تبطيل العادة السرية قدر المستطاع وربنا يكرم ونقطع عنها تماما فرد حضراتكم إيه على الكلام ده؟؟ وهل ممكن أفقد الذاكرة فعلا أو هتجنن وإزاي أرجع زي ما كانت قبل ما يحصل كل ده؟؟
معلومة مهمة (أنا من بداية أزمة كورونا وأنا جالي خلال الفترة دي الخوف من الإصابة من فيروس كورونا فقاعد في البيت بسبب الموضوع ده سنتين وحولت الشغل من المنزل وخلال الفترة دي مش بتعرض للشمس بصور كافية أو باكل أكل غير صحي كله مش منتظم في النوم كنت بسهر بصورة صعبة وعندي وسواس الخوف من السهر الكتير)
الأعراض الجسدية
وجع في الرقبة، صداع خفيف، الإحساس بدوخة خفيفة، طنين في الأذن، حساسية الجيوب الأنفية معايا من قبل الموضوع ده بتعملي ضيقة خفيفة في التنفس، تعب في البطن، الإحساس بعدم التركيز الكافي ولا كأني عايش في عقلي قبل الموضوع ده كان عندي هرش شديد مع ظهور حبوب في جسمي لم أتعرض لموقف انفعالي أو محرج وتوتر شديد.
وشكرا بجد ليكم وآسف على طول الحديث
بس أنا حبيت أشرح كل شيء بتفاصيل،،، رجاء منكم المساعدة
10/5/2022
رد المستشار
شكراً على مراسلتك الموقع.
الذي حدث معك كان قلق الصحة مع جائحة كورونا كما هو الحال مع أغلبية البشر. لكن ما بدأ بقلق صحة تطور تدريجياً إلى قلق متعمم يصاحبه سلوك تجنبي. بالطبع لا يمكن نفي إصابتك باضطراب الاكتئاب. لا يوجد في رسالتك ما يشير إلى إصابتك بالفصام.
عليك أولا أن تخرج من زنزانتك وتواجه الناس وتذهب إلى مقر عملك. توقف عن البحث عن تفسير للأعراض فهي جميعها بسبب القلق ومنها اختلال الانية. تمارس تمارين استرخاء بصورة منتظمة٬ وإن لم تتحسن خلال أربعة أسابيع فيجب مراجعة استشاري في الطب النفساني.
وفقك الله.
تعليقات الأعضاء