وساوس العدوان والخوف والبرهان !

 هموت من الخوف
 
من شهر 7 جاتلي فكرة أن أقتل أخويا بالسكينة وإن حد بيحرضني بعد كدة لقيت نفسي برتعش وضربات قلبي زادت ومش عارفة ليه كنت حاسه إني هقتل أهلي بجد فضلت ليل نهار نايمة ومش عاوزة أقوم وأمي تقول فين بنتي بنتي مكنتش بتنام كل ده أنتي مش سارة كنت بكتم نفسي بمخدة وكنت هموت بس أبويا دخل علي الأوضة وشلتها، مريت بالأفكار دي من يوم 24 شهر 7 لحد دلوقتي.
 
والأفكار بتطور لأفكار تانية ومحرجة زي أن أقول حاجات غصب عني أو أسيب الدرس وأمشي أو أرمي نفسي من الشباك أو أقتل أمي وأبويا وأخويا وأروح المطبخ وأمسك سكينة مش عارفة أسيطر على أفكاري ومش هقول اللي كان بيحصلي بالتفصيل لأن دي حاجة مختصرة مش هكتب كل ده
 
المهم كان يوم الأستاذ بيسألنا في البرهان الهندسة المهم كل واحدة لازم تسمع فجأة حسيت نفسي خايفة كل ما يقرب دوري وضربات قلبي فجأة زادت حسيت بحاجة بتنفض في قلبي وكأن عليا جن بيتحرك جوايا لقيت وشي بيتهز أول ما جه دوري جيت أجاوب صوتي ارتعش وانقطع مع أني عارفة الإجابة ولقيت وشي بيتهز ميلت رأسي على أيدي عشان ميشفونيش وكل صحابي جروا علي وهما مقتنعين إنها أنيميا والموضوع اتكرر تاني يوم في درس العلوم والدروس بقت فوبيا بالنسبة لي
 
مع العلم أني شاطرة وعارفة الإجابة بس ده اللي حصلي وبفكر بالانتحار وخايفة يجي ميعاد الدرس
وقاعدة بحسب  في الساعة وعندي درس يوم الأحد الساعة 1 وهنتحر قبل ما أروح
18/5/2022