|
| 
|
وسواس الحسد وسواس الكفر و.ذ.ت.ق م2
السلام عليكم
بعرف إن هاي خامس مرة تقريبا بس ظهر موقف جديد وهو إنه كان في أحد من يلي بجيبوا لنا أغراض على الدار المهم إنو أنا بعرف إن الوظيفة هاي ما بتخلي الإنسان يكون مرتاح ماديا بس بسم الله ما شاء الله تبارك الله يلي بوصلنا الحمدلله ربنا رزقه فأنا أعجبتني سيارته وهيك وقلت ما شاء الله تبارك الله، المهم بس طلعت على بيتي جاءتني فكرة سيئة أنه هو بسم الله ما شاء الله يصرف على أهله ومخليهم مرتاحين ماديا مع شعور بالإعجاب لفكرة إن أغنياء أو شعور زي إنه إعجاب بأنهم أغنياء وبحياتهم والشعور كان مدموج مع شعور تاني أنا أترجمه بأنه زي ضرر للشخص يلي بفكر فيه الشعور بعرفش كيف بس إن أنا تخيلت والد هاد الشخص وحسيت كأني مركزة عليه مع هداك الشعور الغريب ولما أنا قلت هيني ما حسدتهم ولا تمنيت إنو تروح النعمة ولا استكثرتها معناها شو هاد الشعور.
المهم بعدها تخيلت الأب مع هداك الشعور يلي بحس إنه ضرر لأنه سيء بس فش فيه حسد أو يمكن جد حسد بس بدون تمني زوال واستكثار المهم أني أنا حسيت حالي لساتني عالقة جوا الفكرة وقمت من مكاني ورحت ذكرت ربنا وبحس لما فكرت بالأب إلا ذكرت ربنا بعد ما حسيت إنه الشعور ضرر وحسيت إني عملت هيك عمد إني فكرت فيه وجبت الشعور مع شعور أن هو ضرر عشان أرتاح أو ما بعرف كيف وبعدين نسيت الموضوع ويمكن ذكرت ربنا بنفس اللحظة هاد الإشي يلي بحاول أتذكر ومخوفني إني ما ذكرت ربنا بنفس اللحظة الاحتمال الأكبر المهم بعدما قمت وذكرت ربنا نسيت القصة إلا بعد ٢٥ يوم الأب أصيب بجلطة دماغية وظل بغيبوبة لشهر ومات الله يرحمه.
المهم أحس أني أكيد قتلته وهسا قرأت استشارة لكم إنه العائن بكون عارف حالو وأنا حاسة أني قتلته جد بس بقول إن الأغلب أن العين بتصيب مباشرة بس برضه المدة يلي بين تفكيري وبين الجلطة قليلة يعني ٢٤ يوم شيء هيك بس اكتشفت أن الأب كان مريضا من سنتين بشيء بعرفهوش يمكن أكن بالمستشفى ولا ليه الناس تعلق الله يشفيه مش عارف بصراحة.
أنا حاسة إني قاتل وكل ما أحاول أتجاوز قصة بتطلع لي واحدة ثانية بس أنا بقول لو عين فأنا أعجبني أنهم أغنياء المفروض يبطلوا أغنياء بس بعدين بتذكر إنه أعجبتني حياتهم إنهم أغنياء مع شعور الضرر هداك هسا هاي عين قاتلة ولا حاسدة لأني مش عارفة بصراحة وجد مابدي أكون قاتل وبحس إنه يمكن لأني تأخرت فعلا كانت عيني سبب باللي صار ومش عارفة والله جد الموضوع بخوف وبدايق.
وآسفة على رسائلي الكثيرة بس خلص أنا أحس إني استسلمت وإن كل المواقف القبل كانت مش صح
وهسا هاد الموقف حقيقي وأنا فعلا عملت هيك والشعور كان قوي وحاولت أترجمه بيلي حكيته.
16/9/2024
رد المستشار
الابنة المتابعة الفاضلة "Lenas" أهلا وسهلا بك على مجانين وشكرا على ثقتك، واستعمالك ومتابعتك خدمة الاستشارات بالموقع.
المفيد في إفادتك هذه هو أنها تفضح كيف تفكرين بشكل منحاز دائما إلى الأسوأ والذي يعني أنك مذنبة، فبينما الرجل مريض بما يستدعي التردد على المستشفى وتسمعين آخرين يدعون له بالشفاء، إلا أنه ينتظر عينك أو حسدك (وبالأحرى وسواسك) ليقتله!
تقولين (أنا حاسة إني قاتل وكل ما أحاول أتجاوز قصة بتطلع لي واحدة ثانية) وهذا مع الأسف سيناريو سيستمر مادمت تفكرين بنفس الطريقة الخرافية ولا تبحثين عن العلاج المطلوب لمثل حالتك.
إذن عليك كما قلت سابقا: سرعة التحرك للحصول على الكشف الطبي واستكمال التشخيص ثم الحصول على العلاج، ولا يمكن حل مشكلتك بالتواصل النصي مع المواقع الإليكترونية.... عليك أن تنفذي ما نصحنا به ثم عاودي الإرسال بالجديد.ويتبع>>>>>>>: وسواس الحسد وسواس الكفر و.ذ.ت.ق م4
تعليقات الأعضاء