|
| 
|
السلام عليكم
أنا متجوزة بقالنا حوالي ١٠ سنين ومتجوزة من رجل محترم وطيب وحنين وبصراحة مقدرش أقول أقل من كده لأن ذي هي الحقيقة.. زي أي راجل هو عنده عيوب زي مثلا عدم قدرته على إدارة الفلوس والمصروف وبرضه بسبب كرمه وإنه دائما مش عايز يحسسنا إننا ناقصين حاجة وزي حاجة أنا بقوم بيها بالرغم من أنها ضغطتني جدا لأني دايما بحس إني مسؤولة عن كل حاجة وإن كان دايما مفيش أي تحويشة بس بتعدي..
أكتر سبب يمكن يكون قفلني منه وده من زمان مش دلوقتي هو حبه الشديد للأكل وإنه معندهوش أي هواية أو أي حاجة مفيدة يقضي وقته فيها فبيقضي وقته دائما على الكنبة ما بين الموبايل والتلفزيون.. الموضوع ده خلا وزنه يزيد جدا لحد ما عدي ١٢٠ كيلو وبقى شكله بالنسبة لي صعب جدا مع العلم إننا لما اتجوزنا زمان كان وزنه زيادة برده بس عمل دايت وخس وكان عنده إرادة وبيروح الجيم وعنده حياة وده كان من ضمن الحاجات اللي حببتني فيه كل ده بقى اختفى بعد الجواز...
حاولت كل حاجة ومفيش فايدة ممكن أكون بعمل أكل صحي في البيت وينزل يأكل من ورايا عادي جدا.. الموضوع ده بجد قفلني منه بشكل مش طبيعي وتكلمت معه وتخانقنا ومفيش أي تحسن.. الفكرة إني أحاول أحافظ دائما على وزني وأتحرك وقلت أركز أنا مع نفسي بس مش قادرة أتقبل شكله كده قدامي طول الوقت!
الموضوع ده مخليني محسش معاه بأي رجولة خصوصا أنه معندهوش عضلات، دايما بينهج، هدومه كلها مبهدلة،.. بكره نفسي إني بفكر بالشكل ده وأقول أركز على بقية المميزات بس مش قادرة بحس دايما أنه مش قادرة حتى آخده على محمل الجدية وده لأنه معندهوش أي إرادة من وجهة نظري..
المشكلة دلوقتي أننا يعتبر في مفترق طرق وأنا بجد محتاجة حد يكون جنبي لأني نفسيا مش أحسن حاجة بس حتى دي مش قادرة أحكي له ولا أتكلم معه فيها بسبب الموضوع ده.. ساعات بحس بضغط مش طبيعي خصوصا أوقات الإجازات لأني بكون نفسي آكل مثلا حاجة معينة أو حاجة بس مش بقدر أجيبها أو بعرف أجيبها بسببه لأني متأكدة إنه هايكلها حتي لو هو لسه واكل وشبعان..
ده غير إنه بالليل ممكن يقوم يأكل برده عادي جدا.. إحنا عندنا أولاد والموضوع ده رعبني إنهم ياخدوا منه الصفة دي وده موترني أكتر وأكتر.. أنا ممكن يبان الموضوع تافه بس والله الموضوع مخليني مش مرتاحة تماما.. من ضمن الحاجات إنه عامل عملية تكميم معدة قبل الجواز بكتير جدا فده مش أوبشن، إني اتكلمت معاه أكتر من مرة في كل اللي يشرحه فوق ده فبقى كلامي يا إما مش بيأثر أو بقيت بجد قليلة الذوق ودي حاجة أنا مش حاباها في نفسي.. أنا بس نفسي أفهم من وجهة نظر الرجالة، ليه بيكون عندهم حافز وإرادة لحد ما يتجوزوا وبعدين كله ده بيضيع؟!!
الموضوع ده ممكن يؤدي للانفصال لأني مش حاسة بأي قوامة من ناحيته علي وأنا عارفة نفسي كويس أوي والحمد لله بحافظ على نفسي
وعمري ما أفكر أبص لحد بره بس أكيد ده ها يحصل مع الوقت لأن الشخص اللي معايا مش قادر يفهم أو يصدق قد إيه الموضوع ده مؤذي!
14/1/2025
رد المستشار
شكراً على مراسلتك الموقع.
الرسائل بسبب المشاكل الزوجية تصل إلى الموقع من طرف واحد في جميع الاستشارات ومحتواها يتضمن دوماً إسقاط اللوم على الطرف الآخر. الحقيقة هي أن المشكلة هي مشكلة من يراسل الموقع وليس الطرف الآخر. تبدأ استشارتك بوصف صفات زوجك الحميدة ثم بعد ذلك يظهر النقد حول إفراطه في الكرم وشراهته في الأكل وتراكم الوزن في جسده وبالتالي هذا ما يثير اشمئزازك. السؤال الذي يطرح نفسه هو ما سبب عدم قدرتك على إقناع زوجك بالحفاظ على صحته بسبب السمنة المفرطة.
إقناع الزوج بتغيير أكله والحفاظ على صحته يحتاج إلى تواصل سليم بين الزوجين وهناك الحاجة إلى مراجعة أسلوبك في التواصل معه وتجاوز نفورك العاطفي. ربما ما يلاحظه زوجك هو نفورك العاطفي منه بدلا من تعاطفك معه وحرصك على صحته. كذلك أنت صيدلانية وعلى علم بالخطوات الصحية التي يجب اتخاذها لعلاج السمنة المفرطة.
لو تواصلت مع معالج نفساني فسيكون التركيز على ما يلي:
• السيطرة على مشاعر الغضب والنقد والتركيز اهتمامات أعمق، مثل القلق بشأن الصحة، أو خيارات نمط الحياة، أو التغيرات في طبيعة العلاقة.
• التواصل المفتوح والصادق هو أمر حيوي. هناك الحاجة إلى التعبير عن مشاعرك بطريقة بناءة، تركزين على مخاوفك بدلاً من الانتقاد. يمكن أن يؤدي إطار الحوار حول الحب والدعم إلى تعزيز الحوار الإيجابي.
• التمييز بين الدعم والنقد. تشجيع العادات الصحية وتقديم الدعم يمكن أن يؤثر بشكل إيجابي على احترام الذات والدافع لدى زوجك. من ناحية أخرى، يمكن أن يؤدي النقد إلى الدفاعية والابتعاد العاطفي.
• إدراك التحديات التي تأتي مع السمنة. قد يكون الزوج يعاني من مشاكله الخاصة، مثل صورة الجسم، أو احترام الذات، أو الصحة النفسية. يمكن أن يؤدي الاقتراب من الموضوع بتعاطف إلى محادثات أكثر سليمة.
• العمل معًا على تحديد أهداف مشتركة بشأن الصحة والرفاهية. قد يشمل ذلك العثور على أنشطة يمكن الاستمتاع بها معًا أو البحث عن مساعدة مهنية، مثل الاستشارة.
• إذا استمرت مشاعر الغضب والنقد وأثرت على العلاقة، فإن طلب المشورة الزوجية أو العلاج الفردي يمكن أن يوضح الطريق لمعالجة القضايا الأساسية وتحسين التواصل.
وأخيراً أكرر بأنك صيدلانية وحاولي على تشجيعه لاستعمال الحقن الأسبوعية الحديثة للتخلص من البدانة.
وفقك الله، وتابعينا بأخبارك
واقرئي أيضًا:الأكل الليلي أو المسائي Night (Nocturnal) Eating
إدمان الأكل Food Addiction
ماذا يجعلنا نتوقف عن الأكل
القشم القهري والوسواس أنا بدينٌ، إذن: أنا متميز!!
تعليقات الأعضاء