بعد 5 سنوات زواج: الخوف وعدم الأمان المادي!

السلام عليكم ورحمة الله
 
أنا امرأة متزوجة من خمس سنوات وأحب زوجي جدًا وهو يحبني وأنا بخير، مشكلتي أنني أشعر دائمًا بالخوف وعدم الأمان المادي لأن وظيفته غير مستقرة ونحاول معًا، والحمد لله ساعدته كثيرًا، ولم أنكر ذلك أبدًا، لكن المشكلة الآن أنه لديه مشكلة في العمل وفي عام 2015 فيه مليون ونصف راحوا لأن كان مشغل فلوس والدي وحصل مشكلة وراحوا والحل دلوقت عشان نرجع الفلوس أن أبيع كل ذهبي والعربية التي اشتريتها بفلوسي وكل فلوسي وفلوسه
 
أنا حاسة بغضب وحزن وعدم أمان إن تعبي كله راح عشان أتدارك ما حصل له وفي نفس الوقت بقول لازم أكون ست أمان لجوزها وأن أسانده بس أنا بقيت حاسة إني أنا دائما بلحقه مش هو اللي بيلحقني حتى كنا متفقين آخذ بريك من شغلي فترة ولأن الشغل معدش مناسب لي من نواحي كتير بس بعد ما حصل أنا بقيت حاسة إني مسجونة في شغل مش قادرة أكمل فيه بسبب وضع أنا مش السبب فيه.
 
أرجوكم مش عايزة هجوم أنا عايزة نصيحة وإزاي أتخلص من إحساس أن أنا اللي بنقذه مش العكس لأن مع الأسف الأوضاع المادية مش تمام من بداية جوازنا وأنا مش بلومه على ده لأن ده وضع مصر بس اللي مزعلني إن تعبي وشقاي خمس سنين هاضيعه عشان ننقذ الموقف

لدرجة إن بقيت حاسة بعدم أمان وإن مش هاقدر أعتمد عليه
أنا عارفة إنه مش قصده ومش بيتكل عليّ بس الحياة اضطرتني لده
17/3/2025