|
| 
|
مساء الخير عليكم
موقع دمه خفيف بس لغته صعبة، لكن أنا عندي مشكلة مصيرية بجد عندي 26 سنة ليسانس آداب تاريخ لكن وحيدة أو بقيت وحيدة... وتايهة
المهم أنا دلوقت في مكان سهر ملهى ليلي بعد ما أخوي مات بخمس شهور معي أبي وأمي والاتنين للأسف رجعوا يشربوا ويسكي ثاني كأن ولا حاجة حصلت.
من ساعة موت أخي الوحيد وأنا صابرة وراضية لكن اليوم أول مرة أبقى مخنوقة بزيادة كده أنا لا أفضل نفسي على أهلي ولا أنا أحسن من أي حد أنا فقط لدي حاجات أحاول ألا أفعلها أنا مؤخراً مبقتش عارفة أتبسط في أي مكان مش عايزة أسهر مش عايزة أعمل حاجة غلط، من زمان واحنا أسرة مش مقفلة وكل واحد بيعمل اللي هو عايزه بس أنا أخويا مات في البيت يعتبر من غير سبب ومخفناش بس أنا مرعوبة عليه مع أني واثقة في ربنا مفيش مرة سابني لوحدي
والثبات اللي أنا فيه ده مش عشان أنا جامدة والدنيا عادي بالعكس أنا متأكدة أن ربنا هو الذي يريح قلبي أنا رضيت بكل حاجة وبرغم أي حاجة ربنا لسه بيكرمني
أنا بس بكتب كده دلوقتي عشان أنا مكنتش عايزة أبقى هنا أنا عايزة أهلي يبقوا مبسوطين
مش عايزة الدنيا تقف بس مش عايزة أبقى كده نفسي أبقى أحسن…
نفسي مكنتش أبقى هنا.
27/6/2025
رد المستشار
وفقني الله لأبدأ أكبر وأهم صفحة استشارات على الإنترنت من خلال صفحة «مشاكل وحلول» على موقع إسلام أونلاين من زهاء الربع قرن!!
من الطريف أن البعض كان يعتقد أننا نؤلف نصوص الأسئلة لغرابة التفاصيل، وتعقيد المسارات، لكن الصفحة علمتنا أن الحياة أعجب وأكثر ثراءا وإدهاشا.
أعزيك في وفاة أخيك، والأخ الجدع سند وعون، وصدمة الموت تبدأ كبيرة ثم تبرد وتنكمش مع مرور الوقت، والاستعانة بالله.
قد لا تستطيعين الإمساك بزمام أمور حياة والديك، لكن حياتك هي مسؤوليتك، ومنطقة عملك، ووعيك وسيطرتك.
لم تذكري شيئا عن هوايات أو اهتمامات ثقافية أو روحية أو فنية أو اجتماعية تتواصلين فيها مع آخرين لهم ولهن نفس الاهتمامات!!
لم تذكري شيئا عن العمل أو عن أي دور تقومين به في الحياة!!
لم تذكري شيئا عن أشكال التواصل وحضور الله في حياتك وكيف تمارسين هذا التواصل فرديا أو جماعيا!!
أصدق رغبتك في أن تكوني أفضل، أو تكوني في مكان أفضل، لكنك لم تذكري شيئا عن مساعيك للسير خطوات باتجاه هذا الأفضل!!
تابعينا بأخبارك، وقولي لنا عن خطوات سعيك التي قد تبدأ متعثرة وبسيطة، كما هي البدايات!!
دمت بخير.
تعليقات الأعضاء