|
| 
|
أنا؟؟؟؟؟ 22 سنة - أسرة متوسطة
كانت بداية القصة أني كنت في الثانوية العامة - وكنت طالب عادي زي كل الناس وكنت من صغري بحب بنت خالتي هي كانت أصغر مني بثلاث سنوات أنا عرفتها إني بحبها بس هي قالت لي شيل الموضوع من دماغك ورفضت أنا بعد كده حصلي ظروف صعبة وبدأت أشرب سجاير وأنحرف وفشلت في الثانوية ودخلت معهد فني تجاري في الفترة دي أنا سافرت بلدهم وهي قالت لي لو في أي حاجة في دماغك بطل السجاير أنا سامعة عنك كلام مش كويس وأنا على طول في مشاكل في البيت عندكم بسببك طبعا ابتدت هي تأخذ عني فكرة أسوء من الأول مع إن إحنا كنا دايما بنتكلم مع بعض وكانت بتعتبرني مش أكتر من صاحب جامد بس أنا كنت بحبها وهي كانت عارفة؛
طبعا أنا خلصت المعهد وهي دخلت كلية تجارة انجليزي وأنا بقيت فاشل حتى في حياتي العملية ومش عارف أشتغل في أي شغل مش عارف ليه بس كل ما كنت بشتغل شغل أسيبه بعد أقل من شهر ودي مشكلة ثانية طبعا أنا عرضت عليها الموضوع تاني وقلت لها إني هبقى كويس هي برضه قالت لي أنا بعتبرك صاحب عمري وأنا مش عايز أعلقك معايا وتندم بعد كده أنا كنت بكلمها على النت في حوالي الخمس شهور اللي فاتت وحاولت أعتبرها زي صاحبتي أو بنت خالتي فقط بس مش عارف لأنها وهي مش بتعاملني على أساس إني صاحبها؛
طبعا هي بتكذب عليا عشان مش بتقولي على كل حاجة هي بتعاملني على أساس إني ابن خالتها اللي بيحبها أنا بقالي في القصة حوالي ست سنين وأنا بعاني بالرغم من إني بحبها جدا بس حاسس بالأمل في ربنا هي معادلة صعبة أنا طبعا في نفس الفترة التزمت شوية وبطلت سجاير وبطلت أسمع أغاني بس فاضل مشكلة الشغل لأني الحياة في مصر غير مجادية أنا أخويا مقيم في الكويت وهسافر في القريب العاجل هرجع تاني لمشكلتي معاها الأساسية إني كنت بكلمها كتير جدا على النت بالساعات قبل كده،
لما كنت بكلمها في البيت عندهم كنت بكلمها بالساعات بس لما حصل موضوع النت اتكلمنا مع بعض أكتر والسبب اللي مش عايز أكلمها تاني إني طلبت منها بصورة غير مباشرة دعوة كاميرا رفضت وحتى ومرة أخواتي اتكلموا فيها على النت هي رفضت إنها تظهر في الكاميرا على أساس إني ممكن أكون أنا قاعد معرفش هي بتعمل كده عليه أنا طبعا خدت موقف إني مسحت الإميل بتاعها وملكمتهاش تاني وهي حاولت تكلمني كتير في عدة مرات بس أنا كنت بفرض وهي مش عارفة أنا زعلان ليه وحاولت توسط ابن عمتها عشان يعرف إني زعلان ليه بس مرضتش أقوله على حاجة وحولت تتصل بي بس أنا مردتش وآخر مرة كان امبارح كلمت أختي على التليفون وقالتها كلاميني على الميل بتاع أخوكي اللي هو أنا حضرتك ممكن تقول إني الموضوع مش مستاهل بس ده موضوع تراكم وأنا مش عايز أكلمها أو محتار حتى عشان هي في مرات كتير بتجرحني بكلام رخم ومش عارف هي عايزة تكلمني المفروض هي الطبيعي بتاعتها إنها تكبر دماغها لو فعلا مش عايزني أرتبط بيها مع العلم إني بحبها موت ومحبتش غيرها محتار جدا أنا آسف طولت عليك بس الموقع معقد أنا حاولت أختصر بقدر الإمكان وفيه تفصيل أكتر بس ده الموضوع بالإيجاز أتمنى الرد عاجلا أو آجلا.
03/08/2007
رد المستشار
السلام عليكم ورحمة الله وبركاته؛
مرحبا بك أخي الفاضل في موقع مجانين ونشكركم على ثقتكم بنا.
أخي الكريم الحب من أجمل المشاعر الإنسانية وأصدقها حسا وشعورا.. ويعتبر الحب للإنسان مصدرا للقوة التي تدفعه نحو التقدم والنجاح بالحياة لأنه يكسبنا الأمل والرغبة في العيش والتخطيط للغد.. وأنا هنا أتحدث عن الحب عندما يكون متبادلا بين الطرفين فيدعم كلا الطرفين الآخر نفسيا وروحيا.. إنه الحب الممزوج بالأمل والصدق والشفافية والتمني..
ولكن الحب يا أخي أحيانا يكون مصدرا للضعف وذلك عندما يكون من طرف واحد.. فيكون بلا أمل وبلا غد وقد يشعر الفرد بالذل ويشعره بالهوان مما يجعله تبعا لذلك الشعور متأخرا في كل شيء وربما يفشل في الحياة... وهذا إذا ظل هذا الطرف منتظرا لحب الطرف الآخر.. وينسى ما هو أهم وهو صناعة المستقبل والحياة وخاصة في مثل سنك... أخي أنت تنتظر وهما فهي لا تحبك أو لا تقدر حبك وهى قالتها لك.
ليس بالكلمة ولكن يكفي التصرفات والتلميحات لتقول لك: لست أنت من أريده... لقد انتظرتها سنوات وبلا جدوى ولا أنصحك أن تنتظر كثيرا فما مضى منك كنت خاسرا فيه.. وتعرضت لخبرات فاشلة وصارت هي الأعلى منك شأنا كما تنظر لنفسها.. وتخاطبك بلهجة لا تلوح بالحب المنتظر كما ذكرت... فماذا أنت فاعل أخي؟؟
هل تنتظر المزيد من السنوات؟؟ أخي.. انظر إلى مستقبلك الآن فأنت على مشارف العشرينات سن صناعة المستقبل ولا تلتفت إلى ما هو يأخذك للخلف وانظر إلى الأمام دائما ودع الأمور تجرى على أعنتها.. أي دع الأمور لتصرفها الأقدار كما يشاء الله وأوصيك بنفسك ولا تدعها أسرا لهذا الحب.
واعلم أخي أن هذه الفتاة وأنا لا أعلم عنها شيئا وما يدور في رئسها نحوك ولكن هي ما زالت في سن التغيرات العاطفية فهي في مرحلة المراهقة وإلحاحها بأن تحادثك يؤكد ذلك.. الآن سافر للعمل واهتم بعملك.. وبالنسبة لقلبك فدعه يخفق كما يشاء لمن يشاء ولكن لا تلغى عقلك لأنه يساعدك في نيل ما تتمنى... أقصد أن نجاحك في العمل سوف يضيف بريقا إلى شخصيتك ويكسبك الثقة.. وأدعو الله أن يوفقك ويرزقك رزقا طيبا وزوجة صالحة تحبها وتبادلك الحب أيضا.. وأوصيك أخي بصلاة الاستخارة وذكر الله ليطمئن قلبك.
بسم الله الرحمن الرحيم..(ألا بذكر الله تطمئن القلوب)..صدق الله العظيم
واقرأ على مجانين:
جنون العشق
الحب من طرف واحد
ويتبع .....: الحب حين يكون ضعفا × فشل مشاركة
تعليقات الأعضاء