|
| 
|
السلام عليكم...
أتمنى ترد عليَّ في الاستشارة دي يا دكتور.
عندي واحد قريبي عمره 22 سنة، كان سليم صحيًّا وبدنيًّا وعقليًّا جدًّا، وفجأة من سنة جاء له تعب في بطنه شديد وضيق تنفس، واتحجز في المستشفي، وبدأ يخف شوية، بس بعدها بأقل من شهر جاءت له حالة اكتئاب وعزلة ومبقاش بيكلم حد ولا بينزل الشغل، لحد ما تطورت العزلة وبقت تجيله وساوس وأفكار وحشة بتُسِئ إلى ربنا، والمشكلة إن الافكار دي مُتلَازمة معاهو مش بتفارقه أبدًا حتى في نومه، ووصلت لدرجة إنها مش بتخليه ينام من كتر الزَّن، وكذا مرة حاول يرمي نفسه قصاد عربية من كتر ضغط الوساوس عليه إنه يسب ربِّنا، وساعات بيحس إن فيه كائنات حواليه بتتحرك، وبقى مش حابب يقعد في بيته وحاسس إن البيت شكله غريب، وفيه زغللة في عينه، وأطرافه بتنَمِّل، وفيه حاجات تاني كتير بس دي أكتر الحاجات اللي بيشتكي منها... وهو راح للدكاترة كتير وأخد علاج بس مجبش أي فايدة، وكل دكتور بيشخَّصه بمرض غير التاني...
أتمنى حضرتك ترد عليَّ،
وشكرًا مقدمًا لحضرتك.
30/1/2021
رد المستشار
شكراً على رسالتك.
لا يستطيع الموقع أو غيره تشخيص مرض عقلي بدون فحص الحالة العقلية للمريض على أرض الواقع... ما هو واضح في رسالتك هو: عمر المريض ٢٢ عاماً، يعاني من وُهام وهلاوس، هناك عدم توازن وجداني، تم حجزه في مستشفى.
والاحتمال الأكبر أنه يعاني من اضطراب ذهاني مُزمِن قد يكون الفصام أو الفصام الوجداني.
كذلك لم يستجيب للعلاج كلياً إلى الآن لسبب أو آخر... تذكَّر كذلك أن الاستجابة للعقاقير تحتاج إلى فترة طويلة أحياناً والاستمرار على العلاج لعدة أعوام.
هناك الحاجة إلى علاجه في المستشفى لفترة ليست وجيزة.
وفقك الله.
تعليقات الأعضاء