|
| 
|
الشخصية الحَدِّيَّة ممكن تعمل كده؟ والحل؟
السلام عليكم ورحمة الله وبركاته... أنا متزوجة من 15 سنة، ومُلتَزِمَة دينيًّا، ولديَّ ثلاثة أطفال... بدأت حياتى تتغَيَّر مع ولادة الطفل الثالث، وحدثت مشاكل كثيرة نتيجة انفعالي مع زوجي على تفاهات.
من سنة بدأت أطلب الطلاق، وتدَخَّل الأهل من طَرَفِه وطَرَفِي لتوضيح أنَّه لا يُوجَد ما يَسْتَدْعِي، فقَاطَعْتُ كُلَّ من تدَخَّل من أهلي لأني حسِّيت أنهم مش واقفين جنبي (زي طول عمري ما بحس)، وكان نفسي أعيش عمري اللي ضاع مع العيال.
ذهبت مع زوجي لطبيب علاقات زوجية بناءً على طلب زوجي، وعرفت أنَّه أخبر زوجي أنِّي مُصابَة بـ "اضطراب الشخصية الحَدِّيَّة" ومحتاجة آخد دواء لظبط كيمياء المخ... وفي نفس الوقت دخل شخص في حياتي عن طريق الموبايل، وبدأت مكالمات عادية، ثم تطَوَّر الأمر في شهرين حتى طلب مِنِّي مقابلته في شَقَّتِه، وذهبت إليه، ووَقَعْتُ في الزنا، ورجعت البيت مَذْهُولًة، حتَّى فُؤجِئْتُ بهِ بيبعت فيديو للِّي حصل وبيطلب فلوس، فَحَسِّيت بصاعقة على دماغي، وأمَّا فلوسي خلصت قالِّي إنُّه هجيب فلوس من جوزي، ولكن جوزي حسَّ بتغيُّر من ناحيتي وواجَهَنِي، فاعترفت بكل حاجة وبوست إيده ورِجْلُه ميحرمينش من عيالي ويسامحني وإنِّي تُبْت، وفُجِئْتُ بتَصَرُّفُه _وهو الشخص الغَيُور الحّاجّ بيت الله_ خد مِنِّي رقم الشخص المُبْتَز وهدَّده، وقال لِّي "هتُقْعُدِي فى البيت مع عيالك عشان مستقبلهم ومحدش يِعَايِرْهُم في المستقبل"، وسأل أكثر من شيخ ومُفْتِي وقالوا "بما أنِّي تُبْتُ فالسَّتْرُ عليَّ أَوْلَى"، وفعلًا حَسِّيت إنِّي بشوف جوزي لأَوِّل مَرَّة، وبستَغْرَب إزَّاي كل الناس كانت بتُشْكُر في زوجي وأنا كنت عايز أتطَلَّق على تفاهات.
سؤالي لحضراتكم:
1- هل ممكن اضطراب الشخصِيَّة الحَدِّيَّة يعمل كد؟.. حاليًا أنا خدت دواء لظبط كيمياء المخ، وبستغرب إزَّاي عملت كد وأنا اللِّي طول عمري مَحَدِّش بيشوف جسمي إلَّا جوزي!، وإزَّاي وَثَقْت في شهرين إنِّي أَرُوح لشخص أول مرة في شَقِّتُه وأعمل معاه كده؟!
2- إزَّاي أتعامل مع جوزي وأنا شايفاه بيتعَذِّب قُدَّامِي، وهو اللِّي وَفَّر لي كل إمكانيات الحياة،، وميستحِقِّش كده؟
3- زوجي بيسأل أسئلة ذكورية من غِيظُه عشان يِرْضِي غُرُورُه (أنا فاهمة) زي: مين الأحسن في السِّرِير؟ وعمتلوا إيه؟.. أقول إيه (عايزة أَرَيَّحُه ومش عارفة)؟
4- هل هنقدر نِعَدِّي الأزمة دي وحياتنا تستمر؟
أنتظر الرد بفارغ الصبر
ولكم الشكر
17/3/2021
رد المستشار
شكرًا على مراسلتك الموقع.
لا يستطيع الموقع التعليق على التشخيص، ولكن استنادًا لروايتك لا يمكن استبعاد إصابتك بنوبات هوس ما بعد الولادة، أو اضطراب ذُهَانِي يُفَسِّر التغيير في شخصيتك والسلوك المُتَهَوِّر الأحمق.
١_ من الصعب القول بأنَّ اضطراب الشخصية الحَدِّيَّة سببه تغيير في كيمياء الدماغ، وعلاجه هو علاج نفساني بَحْت.
٢_ تتعاملين مع زوجك كما يجب أن تتعامل أي امرأة مع زوجها، ومن الأفضل أن يُرَاجِعَ الزوج طبيبًا نفسانيًّا أو مُعَالِجًا نفسانيًّا.
٣_ استجواب الزوج لزوجته لا فائدة منه، وما عليك إلَّا أن تُعْلِمِيه بأنَّ الخطوة القادمة لإصلاح الزواج ستكون خطوته، وهذه الخطوة هي الكَفِّ عن أسئلة جَوابها لن يُرْضِيهِ مهما كان.
٤_ وأخيرًا الزمن سيُصْدِر حُكْمَه على الزواج، وليس المَوْقِع.
وفقك الله.
واقرأ أيضًا:
استشارات عن الشخصية الحدية
تعليقات الأعضاء