|
| 
|
وساوس كفرجنسية سرية واستغفار قهري ! م8
وسواس قهري
السلام عليكم، أنا بدأت أني أتبع علاج سلوكي بس عايزة أسأل بس علشان أطمن ومش هسأل ثاني إن شاء الله وأتجاهل هل ممكن أقول كلام كفر لو أنا بيجيلي أفكار كفرية علشان أذهب لأصلي وأنا بتجاهلها لأن الذي يحصل أن مثلا أبقى ضاع علي صلاة الظهر مثلا وصليت العصر في آخر وقته وكذلك المغرب فأحس أني مقصرة لأني مش محافظة على الصلاة ده غير أن علي صلوات فائتة بحاول أصليها مثلا ممكن فرض كل يوم أو يومين وهكذا أشعر أني مقصرة في الصلاة فتيجيء الأفكار تقول لي لازم أروح أصلي في وقت العشاء فأنا بيبقى في نيتي أني هصلي ولكن مش علشان الفكرة جاءت لي فبحاول أتجاهلها فبيجيلي وسواس أني ممكن أقصد أي كلام فيه كفر في الوقت ده لأني مقصرة وكمان مش هروح أصلي وبيبقى مشكلة بالنسبة لي لو بعد اللي حصل ده صليت الصلاة في آخر وقتها أو راحت علي الصلاة أنا عارفة أني كررت السؤال أكثر من مرة ولكن كل مرة كنت بحس أني مش وضحت اللي عايزة أقوله.
بالنسبة لسؤالي في الاستشارة السابقة عن استحلال الحرام هل ممكن يكون الكلام اللي قلته بسبب الوسواس وهل ممكن يحصل مني استحلال حرام من غير وسواس يعني بقصد مني أم أن وسواسي الكفري يتضمن أيضا استحلال الحرام وأي شيء يؤدي إلى الكفر
هل يجب أني أحاول أفتكر إيه اللي حصل بالضبط لأني بحس أني مش بأحاول أفتكر يعني بقول اللي فاكراه على بالي علطول مش بذهب للموقف وأحاول أني أتذكره جيدا فهل علي ذنب في كده أم ده أيضا من الوسواس وما الحكم إذا كنت تلفظت بالكلام وكنت متأكدة أني تلفظت ?? أنا غالبا قلت أنا بعمل حاجة حلال أو كويسة
طب هل لو أنا بفتكر وعدت الكلام في نفسي وخايفة أكون قلت الكلام على أساس أني بستحل الحرام وأكون بكده باستحل الحرام وأنا بفكر
إيه الحكم ؟؟
28/3/2021
وبعد يومين أرسلت مستدركة :
وسواس قهري
السلام عليكم، بالنسبة لاستسارة استحلال الحرام أنا افتكرت أني تلفظت بالكلام اللي هو (هو أنا بعمل حاجة حرام ده أنا عايزة أعمل حاجة حلال) وأنا عايزة أعرف بس هو اللي بسأل فيه ده له علاقة بالوسواس؟؟
أنا خايفة إنه يكون ده مني أنا مش له علاقة بموضوع الوسواس
يعني لو كنت تلفظت وكان الكلام كفر يبقى مش علي حكم زي الأسئلة السابقة ؟؟
30/3/2021
رد المستشار
الابنة الفاضلة "رنا" أهلا وسهلا بك على مجانين وشكرا على ثقتك، ومتابعتك خدمة استشارات مجانين بالموقع.
اطمئني ما ورد هنا وما فات وما سيلي لا حكم فيه إلا أنك موسوسة، كل ما تتقلبين فيه وسوسة كله له علاقة بالوسواس القهري، وواضح من إفاداتك العشر (على الأقل) أنك معجونة بماء الوسوسة!!ّ ولا يُطمئن أبدا في حالة مثل حالتك أن تقولي (أنا بدأت أني أتبع علاج سلوكي).... لا يكفي العلاج السلوكي في مثل حالتك بوضوح لا يكفي فلابد من دعمه بالعقاقير..... خاصة وأن مستوى أغلب ممارسي العلاج السلوكي المعرفي في بلدك لديهم قصور في مناجزة حالات الوسواس القهري الديني..... لذا لابد من العلاج تحت إشراف طبيب نفساني ولن تجدي طبيبا نفسانيا يوافق على علاج حالة شديدة كحالتك دون عقاقير.
لا جديد حقيقة في كل ما ورد في إفادتك هذه يا ابنتي وقد وضحنا لك أن الموسوس بالكفر لا يستطيع أن يكفر وهذا حكم شامل لكل مريض وسواس قهري -ما دام وسوس بالكفر- وكل ما يبدر منه يأخذ نفس الحكم أي يعتبر وسواسا، وأما سبب تكرارك الأسئلة هو كما ذكرت (أنا عارفة أني كررت السؤال أكثر من مرة ولكن كل مرة كنت بحس أني مش وضحت اللي عايزة أقوله).... فهو متعلق بالوسواس لأن أحد صور خبرة اللا اكتمال هو الشعور بأن الأفكار لم يتم التعبير عنها بشكل جيد.... يعني مهما درت حول نفسك لن تشعري بأنك عبرت كما يجب..... فمن فضلك تأكدي أنك عبرت عما تريدين جيدا جدا وكأحسن ما يكون التعبير..... وراجعي طبيبا نفسانيا من فضلك لا تضيعي الوقت.
واقرئي أيضًا:
وسواس الكفرية : لا كفرت ولا يمكنك أن تكفر !
وسواس الكفرية : لا ولم ولن تكفر مهما حصل !
وسواس الكفرية والتفتيش في الدواخل !
وسواس الكفرية : إعفاء من المسؤولية ! م
وسواس الكفرية لا إرادة ولا تعمد ولا نية ! م
وسواس الكفرية يعبث بالعقل وبالنية !
وسواس الكفرية : الإيمان بالعقل لا العواطف !
وسواس الكفرية : لا شيء يؤدي للكفر !
وسواس الكفرية : حتى النطق بالكفر ليس كفرا
ومرة أخرى أهلا وسهلا بك دائما على موقع مجانين فتابعينا بالتطورات.
ويتبع >>>>>>: وساوس كفرجنسية سرية واستغفار قهري ! م10
تعليقات الأعضاء