|
| 
|
ضياع
السلام عليكم، طيب القصة وما فيها أني تخرجت جديد لكن هذا الشعور اللي حاسة فيه من زمان بمر فيه وهو أنو بحس أني ضايعة وشوي مكتئبة يمكن بسبب أني مش قادرة أحدد شو بدي أكون ولا قادرة أحدد هويتي ومين أنا وكذا!!! فحسيت أني محتاجة مساعدة وبتمنى أنكم تقدروا تساعدوني.
بحس حالي مش قادرة أعمل اشي بحياتي زي كأني عالقة بهذا المكان ومش قادرة أمشي والمشكلة قاعدة بتزيد لأني قاعدة أندم على الوقت اللي بضيعه وبنفس الوقت كثير متوترة وقلقانة من المستقبل، مش عارف شو الـ actions اللي ممكن أعملها حتى أطلع من هذا المكان، وعنجد بتمنى حد يساعدني أفهم حالي أكثر، هسا شغلة مهمة أنا مدخنة وبدي أوقف دخان ومش قادرة حاسة، كمان لسا ما بشتغل فكثير عندي فراغ وحسيت إنه بيزيد المشكلة وقاعدة أدور على شغل وما عم يزبط معي غير أنه فيه ضغوطات من أهلي والناس اللي حولي أني أتوظف كمان.
بس حتى المشكلة بحس ما بعرف شو بدي أتوظف شو بدي أكون، في مرات حسيت حالي خلاص بدي أقتل حالي وأنهي حياتي بس قدرت أتحكم بالموضوع، حاسة حالي طول الوقت بفكر زيادة عن اللزوم وقاعدة أوصل لأماكن بالتفكير مش صح أوصل لها لأنها بتضيعني أكثر، ملاحظة كمان أنا مش طول الوقت حزينة لكن بحس ما فيه اشي صار يسعدني ولا يرضيني.
وكمان شغلة أنا يعني عشان كثير بفكر بحس صار عندي وعي بأفكاري أكثر من قبل، حاسة بدي خطوة عملية عشان أطلع من هالموضوع يعني أنا قاعدة أكتب بس حاسة أنه قَدْ ما أوصف الشعور صعب يوصل لأنه جد كثير ضايع ومتوتر وقلقانة وندمانة وما بعرف كثير مشاعر سلبية مع بعض مش عارفة أرتب حالي ولا أفكاري ولا حياتي.
بس بنفس الوقت نقطة لازم أذكرها أنه بحس بالأمل ودايماً بدعي أطلع من هاي الدوامة،
يعني برضو مش طول الوقت يأس، بتمنى تساعدوني وشكراً كثير.
15/10/2021
رد المستشار
شكراً على مراسلتك الموقع.
ما ينتبه إليه الموقع في كل استشارة هو احتمال وجود اضطراب نفساني في المستشير، قراءة الرسالة وبالذات الفقرة الأخيرة منها يشير إلى عدم وجود اضطراب نفساني. لذلك يجب وضع تفسير نمط حياتك وقلة نشاطك وغموض طموحك بسبب اضطراب نفساني جانبا والتركيز فقط على ظروفك البيئية وسماتك الشخصية.
هدف الإنسان في الحياة يتم تحديده فقط من قبل الإنسان نفسه، لم تصرحي ما هي أهدافك في الحياة، وما هي مؤهلاتك، والحصول على شهادة جامعية لا معنى له بدون الانتقال من مرحلة التعليم إلى مرحلة العمل والإنتاج. لذلك خطوتك الأولى يجب أن تكون البحث عن عمل والخروج من الفراغ الذي تعيشين فيه. العمل بحد ذاته هو الخبرة الحقيقية الوحيدة التي تساعد الإنسان على تطوير نفسه والتواصل السليم مع الآخرين والتعلم منهم.
كذلك لم تتحدثي عن ظروفك البيئية في الاستشارة واكتفيت فقط بطرح مشاعرك الذاتية، ربما هناك ظروف بيئية تلعب دورها في شل طموحك في هذه المرحلة، ولكن في نهاية الأمر لا يرسم خريطة الحياة سوى الإنسان نفسه، ولا يحتاج لمشورة الآخرين ولا إسقاط اللوم عليهم.
ابحثي عن عمل وتواصلي مع الآخرين وواجهي تحديات الحياة الجديدة.
وفقك الله.
تعليقات الأعضاء