|
| 
|
حصار معرفي أو وسواس قهري أنا تعبت ! م4
مش قادرة نهائيا
بجد بدون مبالغة أنا مش قادرة أركز لحظة ممكن ماما تناديني أعمل حاجة وأقولها ماشي وأنا مش عارفة هى بتناديني ليه وفي الصلاة مش بعرف أنا في أنهي ركعة ومش بعرف أنا قرأت سور إيه، هو مش عدم تركيز عادي كدا، لا أنا طول النهار عايشة في سيناريوهات بكون وبشكل حاجات محصلتش وكلام اتكلمته مع أي حد بيتكرر مية مرة في دماغي وأنا أعمل حوارات 24 ساعة مع نفسي.
مش قادرة أوقف دماغي والله خالص نفسي أعرف أركز هو كل الناس كدا بجد، بحس بالذنب إني مش قادرة أركز في الصلاة.
طبعا أنا كنت بتعالج من الوسواس القهري وخدت أدوية كتير بس عمرها ما حسنت الموضوع دا نهائيا الموضوع دا من صغري وطبعا كنت بحسب دا الطبيعي بتاع الناس كنت في إعدادى أقعد أخطط هتكلم مع المدرسات إزاي وكنت أروح للدكتور بتاعي أقعد في المواصلات أخطط هقوله إيه وهيرد عليا يقول إيه وأنا هرد ازاي وبعد ما أخلص معاه وأروح، كلامه ينعاد في دماغي وأزود وأعمل محادثة جديدة معاه في دماغي.
بجد بحس إنى عايزة أفصل الكهرباء عن دماغي، وطبعا بنسى بطريقة غريبة ممكن حد يطلب مني حاجة بعد دقائق أنشغل في حاجة تانية ومفتكرتش أصلا أنه طلب مني حاجة ودا بسبب السرحان الرهيب اللي أنا فيه أنا خدت برشام مضاد حيوي 1000 دخلت الحمام وخرجت خدته تاني وأنا أقسم بالله لغاية دلوقتى معرفش حصل ازاي ومش فاكرة نهائيا إنى خدتها وللأسف الجرعة الزيادة عملت لي قيء ودوخة في دماغي ومكنتش مظبوط في اليوم دا.
حاليا بتعالج من ارتجاع المريء والتهابات المعدة أخد الأدوية وبعدين أقول هو أنا خدتها ولا لأ، بجد تعبت
سؤال كمان أنا دكتور الجهاز الهضمي مستغرب من كمية الالتهابات اللى في فم المعدة ومش مستجيبة لأي أدوية
هل الأدوية النفسية اللي كنت بأخدها للوساوس ممكن تكون السبب في ارتجاع المريء والتهابات المعدة علشان حاليا تعبانة جدا بسبب الموضوع دا.
أنا خدت faverin Prozac moodapex arripaprex dogmatil applipex خدتهم خمس سنوات ونص
وخدت قبلهم orab apixidone لمدة ست شهور تقريبا
16/10/2021
رد المستشار
الابنة الفاضلة ".......إخفاء الهوية" أو ".....بدون اسم" أهلا وسهلا بك على مجانين وشكرا على ثقتك، ومتابعتك خدمة الاستشارات بالموقع.
لم توضحي ماذا تتناولين الآن من عقاقير ولا وضحت إلى أي حد كانت تفيدك العقاقير بالاستمرار عليها؟؟ فلا يكفي أن تقولي لم أتحسن لأننا لا نعرف معنى التحسن المنشود في رأيك.
من الواضح أنك لم تتلقي أي تدخل سلوكي معرفي لتتعلمي المهارات اللازمة للتعامل مع ما وصفته من أعراض ولا يبدو حتى أنك عرفت من معالجك ما هي الآثار الجانبية المحتملة للاستمرار فترات طويلة على العقاقير النفسية.
لا تسبب العقاقير النفسية مع الاستعمال طويل الأمد ارتجاعا في المريء لكنها قد تسبب زيادة في الوزن وقد ينتج عنه زيادة في الضغط من تجويف البطن على الحجاب الحاجز خاصة أثناء النوم وهذا قد يسبب ما يسميه الطبيب ارتجاعا في المريء.
كذلك لا تسبب عقاقير علاج الوسواس القهري التهابات في المعدة.... فقط في الأسبوع أو الأسبوعين الأولين لاستعمالها يحدث ارتباك عابر في وظيفة المعدة لكنه لا يصل إلى التهاب ولا يستمر بعد الفترة الأولى.... أي لا يشتكي منه المريض بعد شهور أو سنوات من استخدام الم.ا.س أو الم.ا.س.ا.
الواضح أنك تحتاجين تقييما جيدا لحالتك وعليه ينبني برنامج العلاج السلوكي المعرفي المناسب....الذي سيمكنك من تقليل أحلام اليقظة الوسواسية ومن التعامل مع الأحداث العقلية التسلطية بطريقة صحيحة.
واقرئي أيضًا:
حكاية الم.ا.س والم.ا.س.ا؟ الآثار الجانبية
أحلام اليقظة والواقع : وسواس قهري
أحلام اليقظة من طيف الوسواس القهري
أحلام اليقظة بين الوسواسية والوهامية مؤخرا!
أحلام اليقظة الاكتئابية.
ومرة أخرى أهلا وسهلا بك دائما على موقع مجانين فتابعينا بالتفاصيل.
ويتبع>>>> : حصار معرفي أو وسواس قهري أنا تعبت ! م6
تعليقات الأعضاء