|
| 
|
إصابات الولادة والوسواس: المهم العلاج يا ناس! م1
هل دا وسواس ؟!
عاوز يا دكتور وائل حضرتك تفهمني اللي بيحصل لي علشان أنا بقالي أسبوع مخنوق ومش عارف إيه اللي بيحصل، أنا هحكي لحضرتك وأتمنى تجاوبني على كل حاجة هسأل فيها:
دلوقتي أنا الفترة الأخيرة (بقالي شهر أو شهرين تقريبا) بيحصل لي حاجة مش عارف تفسيرها، وهي أنا ساعات بحس إن أنا مش أنا يعني لو حاجة بفكر فيها في دماغي مش من تحكمي، لما مثلا أبص لنفسي في المراية أو أقلع هدومي وأنا بستحمى مثلا بستغرب وبحس إن دا مش جسمي وإن دا جسم غريب!!! بس أنا حاسس إني رجل عادي
بس طبعا للسبب دا بيجيلي شك تاني وفكرني باضطراب الهوية ورجعت الفكرة دي تاني بعد ما كنت نسيتها فترة ويجيلي فكرة بتقول أنت بتحس بكده عشان دا مش جسمك!!! رغم إن والله إحساسي الداخلي بحس إني رجل عادي.
مش عارف إيه سبب اللي بيحصللي دا!!! أنا ساعات بقول ممكن يكون دا بسبب إني بتخيل نفسي في عقلي بشكل غير اللي أنا عليه في الحقيقة ولا دا إيه؟ ساعات بحس إني إنسان داخل عقلي بس وإن من بره دا مش أنا. اللي خوفني أكتر إني كنت قريت إن اضطراب الهوية الجنسية ممكن يجي في سن متأخر وأنا الوسواس جاء لي وأنا عندي 17 يعني كنت صغير برضو
مش عارف إيه اللي بيحصل لي قبل الوسواس وحتى بعد الوسواس قبل ما يجيلي دا ماكنتش بحس بكدا خالص مش عارف إيه اللي حصلي كده مرة واحدة!!!!
أنا حتى مش عارف أفسر لحضرتك من كتر ما الموضوع أنا مش فاهم إيه دا
بداية الفكرة دي يا دكتور جاءت لي لما افتكرت إني كنت قريت عن مرض اضطراب الهوية الجنسية من حوالي سنتين وإنهم بيحسوا إن ميولهم مش بتتوافق مع أجسادهم فاستغربت وقتها وفحصت نفسي هل أنا كده!! بس لا لاقيت إني متوافق مع جسمي عادي والحمد لله وهو دا شكلي اللي متعود عليه، بس من شهرين لما دخلت الحمام علشان أستحمي افتكرت الفكرة دي وقلت أشوف نفسي هل أنا متوافق مع جسمي ولا لأ حسيت بشعور غريب وكأن الجسم اللي أنا شايفه دا جسم حد تاني وأنا مجرد عقل في الدماغ فقط!!! بس والله حتى رغم كده تفكيري الداخلي رجولي وصورتي حتى عن نفسي رجولية بس الموضوع دا مش عارف بيحصل بسبب إيه!!
أتمني يا دكتور حضرتك تطمني هل دا وسواس ولا طبيعي؟ وهل فعلا اضطراب الهوية ممكن يجي في سن متأخر؟
أنا عارف إن حضرتك يا دكتور قلت لي أروح لطبيب نفسي بس للأسف خايف أروح لدكتور ويشخص لي حاجة غلط ويزود الشكوك في.
لو حضرتك تعرف دكتور كويس في اسكندرية ياريت ترشحهولي
وأنا إن شاء الله هتابع معاه. وآسف يا دكتور عارف إني تاعبك معايا
6/2/2022
رد المستشار
الابن الفاضل "ahmed" أهلا وسهلا بك على مجانين وشكرا على ثقتك، ومتابعتك خدمة الاستشارات بالموقع.
يا سلام يا أستاذ "ahmed" !! يا سلام لما تسألنا حضرتك بعد 30 سنة وسواس كما ذكرت في أولى استشاراتك: (هل دا وسواس ولا طبيعي؟) يعني ولا كأنك تعلمت شيئا .. لست ألومك بل إن لذلك الضعف في القدرة على التعلم دورا في إطالة المعاناة في أغلب حالات الوسواس القهري ولذلك أسباب بيولوجية مثبتة.
ثم تكرار السؤال المكرار (وهل فعلا اضطراب الهوية ممكن يجيء في سن متأخر؟) وقد أجبناك مرتين بما عرفت، لكن المشكلة باقية كما في كثير من المرضى (إذ يتوهون معذبين مذبذبين من وساوس وقهور إلى وساوس وقهور وتتدهور حالاتهم مع الأسف ... وسبب ذلك ليس الشذوذ ولا اضطراب الهوية الجنسية ولا التحول الجنسي وإنما هو عدو واحد اسمه اضطراب الوسواس القهري ... والذي ليس (مجرد أفكار فقط) في عين المريض ...)
الحالة التي تستغربها ليست إلا حالة اختلال إنية عرضية ... نوع من الأعراض الانفصالية العابرة التي تشيع في مرضى القلق والوسواس والهلع ...إلخ وهي ارتبطت أولا بصدمتك التي أشرت إليها حين بدأ وسواس الهوية ... وبشكل عاجل إن أردت خيرا بنفسك ... توقف عن كل ما تقوم به من محاولات استشعار مشاعرك القديمة والتعرف على نفسك في المرآة ...إلخ من أساليب التحقق التي توقع مريض الوسواس حين يراقب إنيته المختلة! فيضيف وسواسا جديدا مزعجا لنفسه!
لا تتحجج بالخوف من الحصول على تشخيص خاطئ لأن هذا لم يعد يحدث وقد أصبح الوسواس القهري بمثل الأمور التي توسوس بها حاليا مشهورا لدى غالبية الأطباء النفسانيين! ... وأكرر ما قلت آخر متابعتي الأولى معك (التوقف عن حالة استهياف الوسواس القهري التي تمارسها يا ولدي يا "ahmed" ... وأنت لآخر لحظة ما زلت تقول (أنا لو تأكدت بنسبة 100% أن اللي عندي وسواس مشكلتي كلها هتتحل) ؟ في حين أن الوسواس يستطيع بامتياز أن يحرمك التأكد 100% من أي شيء! وأنت تراه شيئا تافها.
تحرك في طلب العلاج السلوكي المعرفي و/أو الدوائي من طبيب ومعالج نفساني بأي سبيل يمكن من التواصل المثمر لتتعلم كيف تتعامل مع قابليتك للوسوسة.)... ألا هل بلغت .. اللهم فاشهدْ.
ومرة أخرى أهلا وسهلا بك دائما على موقع مجانين فتابعنا بالتطورات.
ويتبع >>>>>>: إصابات الولادة والوسواس: المهم العلاج يا ناس! م3
تعليقات الأعضاء