|
| 
|
وساوس الحروف والمذي
السلام عليكم، أنا شخص من صغري بحب أني أوصل لأفضل حاجة فدا عملي وسواس في المذاكرة ثم في الدين ثم بقى الصلاة والطهارة وكدا، فاللي فضل معايا هو وساوس في الطهارة والصلاة ولكن بعرف أطنش حاجات كتير والموضوع بيخف بس بيبقى في أثر للأسف وفيه حاجات معرفش إجابتها:
1- أول حاجة وساوس الحروف.. أنا قعدت فترة كبيرة في الموضوع دا وهو لسه عندي بس ضعيف لكن سايب لي مشكلة قوية في إني مابعرفش أقول كلمة (التحيات) في التشهد.. بقول كدا بظبط ات.... وأفضل كدا في شدة التاء مبعرفش أفتح بقي خالص وبعد فترة.. المشكلة إني برة الصلاة ولو بصلي السنة مبيحصلش وحاجة خفيفة أوي يعني لكن في الفروض مفيش فايدة وبحس بإني مشدود في الفروض غير باقي الصلوات وعامة يعني فدي إيه حلها؟
2- أنا شخص مذاء.. المذي دايما بينزل مني بسبب وبدون سبب.. فكان الحل إني بلف الذكر بمنديل تخين (أربع لفات من البكرة) وبفضل بيه وكل ما آجي أعمل حمام بشيله وبغيره، الغريب إني لما بلفه الموضوع بيقل وكتير أوي مبينزلش حاجة أساسا (قبل كدا مكنش وسوسة كان يقين وبشوف النقطة عادي) فطبعا بيحصل إن لو نزل مذي إن المنديل بيبقى في العرق اللي هو من غير بلل بيبقى بمعنى إن المنديل مش زي الأول يعني ممكن نقول عرق من غير مياه.. لكن بيبقى واصل من برة المنديل من عند فتحة الذكر وطبعا كل المنديل لكن المذي بلاقيه من جوة وموصلش لبره وكمان بيبقى على المنديل أكن المنديل مشربوش عشان هو تخين فهل كده العرق اللي واصل لبره دا ليه علاقة بالمذي اللي على المنديل من جوة وفتحة الذكر؟ أنا بحس إنه مختلطش بيه لأن كده كده مفيش بلل حقيقي للعرق لكن المذي بيبقى نقطة فعلا أكن العرق ليه رطوبة قوية كده.
3- ممكن دي ليها علاقة برقم واحد كان عندي مشكلة في كلمة (نستعين) بقرأها نست..عين باخد فترة إني أفتح بقي من التاء أكني بقرأها مشددة وساعات كانت بتطول لكن دي خفت وبخففها بإني بهرش في وشي وأي حاجة غير حركات الصلاة عشان أهدى (الحركة دي بستخدمها عامة عشان بكون مشدود في الصلاة)
وشكرا جدا مقدما
وآسف على الإطالة
22/2/2022
رد المستشار
وعليكم السلام ورحمة الله تعالى وبركاته يا "حسين" وأهلًا وسهلًا بك على موقعك مجانين
بالنسبة لوسوسة الحروف، فقد بلغت فيها مرحلة جعلتك تعجز عن فتح فمك، أي أصبحت كالعلة الجسدية. لهذا انطقها كيف شئت وهي مقبولة، فلا يكلف الله نفسًا إلا وسعها، ولا تدقق في تشديد ولا غيره.... انطقها كما في كلامك العادي، وهي مقبولة بإذن الله
أما المذي، فسأعلمك طريقة أفضل، وهي أن تدخل قطعة منديل صغيرة تسد بها فتحة الذكر، (وهذا لا يفسد صيام الرجل عند الحنفية). وبذلك تمنع خروج المذي، أو نقطة البول منذ البداية.
وأما مشكلة التعرق مع نجاسة رطبة، فأشكلت علي قليلًا، لكن حتى لو قلنا إن رطوبة التعرق تنقل نجاسة المذي فصلاتك صحيحة عند المالكية في أحد قوليهم، فعفى الله عما مضى، واعمل بما نصحتك به وأرح رأسك.
بارك الله بك وصرف عنك الأمراض والأدواء
تعليقات الأعضاء