وسواس الكفرية : الذنب والخزي والدونية ! م2

وسواس الكفرية: الذنب والخزي والدونية! م1
 هو دا وسواس
 
أنا بعت لحضرتك الاستشارة تاني عشان عاوزة أضيف حاجة كمان يا دكتور، يا دكتور وأنا ببعت لحضرتك الاستشارة دخلت على الإيميل عشان أدخل على لينك الموقع منه.. وأنا من ساعة ما بعت لحضرتك الاستشارة الأولى وقرأت المقالات هديت ومبقتش أفكر في الذنب، ولما بصيت لكلامي اللي بعته لحضرتك خفت، خفت لا يكون فعلا حسيت بشهوة ساعتها، قفلت الاستشارة على طول وقلت متفكريش في اللي فات ولا تفتشي خلاص، ابعتي الاستشارة الجديدة وبس.
 
مقدرتش يا دكتور، جواي حاجة بتقولي لاحسن تكوني ساعتها حسيت بالشهوة وقلت للدكتور كلام بالكذب يحسسه إنك مش متأكدة وإنت ساعتها كنت متأكدة، فتحت الاستشارة، قرأت لحد جملة "افتكرت إني حسيت بإحساس الميل للخاطر الجنسي قلت أكيد أنا ميلت للذنب الكفري ثاني بالرغم أني فعلا مكنتش بفكر في الهاجس بتاع الذنب دا أصلا ولما بفتكره بخاف وبعيط كمان بس حاجة جوايا بتقولي إني ملت جنسيا للخاطر دا، بحاول أفتكر، ولكن دون جدوي وأساسا أنا مفكرتش في تفاصيل الذنب دا مجرد طيف ولما بفتكره بلاقي جوايا بيقول الذنب أو الفعل الكفري من غير أي تفاصيل"
 
قلت من غير تفاصيل إزاي؟! جئت أتخيل لاقيتني وتخيلت وأنا بقول الذنب الكفري اللي عملته من سنين وبسترجع شعوري اللي كتبت بسببه الاستشارة الأولى لحضرتك، يعني بدل ما أفتكر شعوري زي ما أنا شرحاه لحضرتك من غير تفاصيل الذنب، لا، افتكرت جوايا اللي قلته في الذنب الكفري دا بس وأنا بفتكر هل حسيت بشهوة ولا لا، كنت بحاول أفتكر، ولقيت جوايا حاجة بتقولي عاوزة أعمل حاجة أستغفر الله العظيم يارب مع الشيطان، حاجة وحشة يعني، كشرت وقرفت جدا واستعذت بالله من الشيطان وحسيت بحركة في الفرج قلت يبقي دا إحساس بالشهوة.
 
قفلت الاستشارة بسرعة، وفضلت أقول إنت السبب، إنت السبب، لو مكنتيش فتحتيها من الأول مكنش كل دا حصل، وعيطت، يا دكتور أنا قريت في شرح حديث إن الله تجاوز عن أمتي ما حدثت به نفسها أنه "فمن خطر له الكفر مجرد خطران من غير تعمد لتحصيله ثم صرفه في الحال فليس بكافر ولا شيء عليه" وأنا اللي حصل معايا كانت تعمد لتحصيل الخاطر صح؟ أصل أنا اللي فتحت الاستشارة بإرادتي، وأنا اللي تخيلت بإرادتي
 
بس اقسم بالله كل دا كان مجرد محاولات إني أعرف حسيت فعلا ساعتها بشهوة ولا لا!! ولما لاقيت الخاطر اللي خفت منه دا وحسيت بعدها بالشهوة قفلت التليفون على طول وياليتني ما حاولت، ياليتني، عاوزة أعرف هو دا كدا وسواس برضه؟ وربنا هيحاسبني اللي بعمله دا؟ أنا عاوزة أعرف هو دا كدا وسواس؟
 
 أرجوك.. أستحلفك بالله ترد على استشارتي دي أول حاجة
 لأني مرعوبة وخايفة
 14/4/2022