من وسواس لاكتئاب لقلق متعمم م23

من وسواس لاكتئاب لقلق متعمم م22
السلام عليكم
 
استفسار وده إيميل بديل للقديم لأني مش عارف أدخل بيه ناسي اليوزر نيم حقه ً وأنا استشاراتي القديمة باسم أحمد سليمان أيضا، قبل أي شيء أنا مش عارف أدخل بإيميلي القديم بدخل الباسورد بيقولي خطأ أو اسم المستخدم خطأ وبعمل تذكر الباسورد بيقولي اسم المستخدم .... والباسورد فقط اللي بيظهر،  لجأت ال للإيميل هذا حتي أطلب الاستشارهً.
 
بداية السلام عليكم أنا تشخيصي في الاستشارات السابقة خلطه قلق واكتئاب
الاستفسار الأول: والهام جدا رغم ما مررت من أعراض عديدة جسدية سنوات وأنا مدرك تماما أنها من القلق العام وتأثير الجهاز العصبي على أعضاء الجسد لكن مؤخرا ظهر لي عرض صعب أوي لأنه مستمر (طنين الأذن) عملت الفحوصات وقالي فيه التهابات وراحت وزيادة اطمئنان قالي اعمل رسم سمع في مركز سها الدكتورة قالت لي تردد 4000 عندك فيه مشكله ... قولت أروح لمركز نوح قالي أمورك زي الفل لكن فيه ضغط على قناة استاتيوس وكتب علاج لي والحمد لله الدكتور قالي راحت ... قالي عايز تروح مركز سها تاني تطمن قولت مفيش مشكلة، رحت قالت لي كل أمورك تمام بس عندك تردد 8000 آلاف فيه مشكلة بسيطة!! قولتلها من شهر كان 4000 وخف دلوقتي بقا 8000!! قولتلها أنا رحت مركز تاني قالي كله تمام قالت ومين قالك إنك عندك مشكلة التردد ده حاجة عادية ملهاش علاقة بضعف العصب السمعي قولتلها بس فيه دكتور قالي معناها ضعف عصب قالت لأ خالص ... عملت طبعا رنين على الأذن علشان لو حاجة في المخ ضاغطة على العصب الحمد لله تمام.
 
معاناة الطنين مستمرة في الهدوء وعند الدخول للنوم خصوصا (الأذن اليمنى وقليلا ما تكون في الإثنين) وأحيانا بحسها في رأسي ً
الطنين قلقني أوي خصوصا ناس بتكتب إنها عايشة بيه من 15 سنة و20 سنة وأخشى أكون مثلهم علما أن الطنين بقاله سنة وشوية معايا ... (السؤال وبكل أمانة) أرجو الرد وبصراحة لو لم تظهر أسباب عضوية (هل طنين الأذن أحد أعراض القلق النفسي أو العام أو المتعمم) أم أن الطنين لا يوجد له تفسير؟؟ وهل ستظل المعاناة مستمرة إلى متى؟ ولماذا لم يظهر الطنين طوال ما ممرت بيه سنوات من القلق العام وإن ظهر يظهر يوم أو إثنين زمان وبيروح ويزول ... مؤخرا ألاحظ نبض في الأذن غير متوافق مع نبض القلب فقط في الأذن مع الطنين المستمر طبعا في الهدوء، لكن لو مع العائلة أو بره مش بيظهر ومرعوب منه خصوصا عند النوم.
 
ملحوظة هامة: دكتوري دكتور وائل لما انتهى البروثيادين من الصيدليات قالي أستخدم مكانه تريبتزول وظهر الطنين فظننت أنه من التريبتزول وأوقفته لكن ظل الطنين ما يعني أن التريبتزول لم يكن السبب لكن لم ألاحظ فرق بين تناولي الدواء وتركت التريبتزول لما اكتشفت مفيش فرق أصلا بين تناوله أو عدم تناوله وبعد إيقاف الدواء فظللت على لوسترال فقط ومؤخرا الطبيب أخبرني بإيقافه أيضا ً هو قالي أنت بقالك فترة كبيرة تتخطي 10 سنوات في الدواء حان الوقت توقف الدواء مع بعض الإرادة منك لن تحتاجه وبالفعل لأي متعلم وبناء على كلام الدكتور أنا بوقف اللوسترال ببطئ شديد حتى لا تحدث أعراض انسحابية.
 
 لكن فيه سؤال بسيط أنا كنت باخد بروثيادين 10 سنوات متواصلة ووقفته طبعا لما أتوقف في السوق فهل إيقاف البروثيادين السبب في ظهور الطنين أو عمل الطنين بمعني أصح؟؟ أم مجرد صدفة ظهور الطنين بعد إيقاف البروثيادين؟ وهل دواء البروثيادين أثر على حاجة سببت الطنين ده؟؟؟
 
السؤال الثاني: مؤخرا لاحظت تعب في بطني رحت لدكتور باطنة قالي التهابات في القولون وجدار المعدة وعندك ارتجاع مرئ طبعا قولت أتكلم مع دكتور وائل قالي دي جسدنة طبعا سمعت الكلمة من هنا ومنمتش قولت جسدنة هو أنا ناقص أمراض تانية ومازاد ارتباكي دكتور اسمه محمد نجم قالي عندك اضطرابات الجسدنة من أربع سنوات قالي الكلمة دي ولما. روحت لدكتور وائل قالي معندكش الكلام ده بس وأنا عند دكتور وائل من شهر قالي الدكتور ده شكل كلامه هيطلع صح ولا إيه في وشي أصفر من الخضة والخوف لا يكون عندي جسدنة وخوفت لا يكون دكتور وائل عنده تشخيص لحالتي والدكتور محمد نجم عنده تشخيص تاني وفيه مشكله كده عندي علما أن طبيبي الرئيسي دكتور وائل ونادرا ما أستشير الطبيب الآخر في حالة غياب دكتور وائل أو تواجده بمصر مع الإحترام لكل القامات الطبية لكن الاستمرار مع طبيب أفضل من التعدد منعا لتعدد الأدويه التي أعلم تماما أنها بتساعد المرض لكن لا تشفيه والشفاء يأتي من الإرادة!! وقريت على الجسدنة والإغماء والتحويل و و... رحت ليه تاني يوم قالي الجسدنة حاجة واضطراب الجسدنة حاجة تانية خالص وما أقصده من الجسدنة الأعراض الجسدية للقلق فأرجو التوضيح لأني عارف إن إستفساراتي بيشاهدها آلاف على الموقع.
 
 أريد أيضا (اسم أفضل دكتور علاج معرفي سلوكي بمصر) ولو موجود في الشرقية ياريت بس يكون أفضل واحد أو غير متاح ومتاح بعيد عني فلا مانع لدي من الذهاب إليه خصوصا مع ترك العلاج أريد تأمين نفسي من شدة الأغراض في حالة قدومها.
 أخيرا ً ربنا يبارك فيكم كأطباء ويشفي كل مريض اللهم آمين.
 
 ويحفظ كل الأطباء الراغبين في رفع معاناة المرضى
 وخالص تقديري لدكتوري دكتور وائل كل عام وأنتم بخير
 3/5/2022