كيكو وحبيبه وإنستجرام ولهيبه !

الفيوم

ماشي أنا العربي بتاعي مش حلو أوي بس ححاول.. أنا اسمي كريم 16 سنة طالب في مدرسة دولية بنظام دراسي اسمه igcse أنا عايش مع ماما وبابا .. أنا عندي أخت أكبر من أخويا وهي مش متجوزة وأخ أكبر مني ومتجوز .. علاقتي مع ماما حلوة أوي بس مش قوية أوي مع بابا .. مفيش ذكور كتيرة أوي مهتمين بيا في عائلتي عشان كدا أنا ساعات بشوف رجالة أكبر مني في السن على النت وبحبهم وبكون عايز أكلمهم ونبقى أكتر من صحاب زي مثلا أب وابن عشان أنا معنديش مثل أعلى أكلمه ويعبرني.

بابا بيضايق ماما كتير .. بيعمل حاجات غلط كتير وماما بتزعل وأنا بزعل عشان ماما مهتمة بيا أوي .. أنا في المدرسة ولد كويس ومش بعمل مشاكل خالص والمدرسين بيحبوني بس أنا هادي وساكت ومش بحب أقعد مع ناس كتيرة ومعنديش صحاب كتير عشان مش بحب أتكلم عشان صوتي العادي هادي ومش عالي زي باقي الولاد فساعات بيتنمروا علي ويتريقوا على صوتي .. حتى المدرسين كانوا بيعملوا كده، بس ده كان في المدرسة القديمة وبيقولوا لي أخلي صوتي أرجل وعادي بس ده صوتي العادي
أنا عمال أكبر وداخل في سن الجواز ودي مشكلة عشان أنا مش مايل للبنات أوي .. آه أنا بحب البنات عشان الشخصية وكان عندي صحاب بنات كتير كنا صحاب مقربيين بس مكنتش بحب نبقى أكتر من كدا خالص، بس صداقة عادية.

أنا بقرف من جسم البنات جدا مع احترامي ليهم وبحاول بأقصى طرق مابصش عليهم وقت طويل ولا حتى قصير .. أنا بحب الرجالة أكتر من البنات بحب جسمهم وشكلهم بس شخصيتهم مش جدا .. وأنا صغير كنت بسأل ليه عمري مابشوف راجل مع راجل؟ مع الوقت كبرت وعرفت إن ده حرام وكنت زعلان أوي الصراحة عشان أنا كنت بحب الرجالة الأكبر مني جدا وأنا صغير، بحب الولاد في سني دلوقتي بس نادرا جدا عشان هما طفوليين ومش بحسهم كبار خالص .. أنا بحب الرجال عشان بحس إن هما أبويين ورجوليين وعاطفيين جدا ودي حقيقية بس إن راجل يبقى مع راجل كنت فاكر إن دي حاجة عادية .. اللي أنا عايز أوصله إن أنا مش عارف أنا مثلي الجنس ولا لأ!!!

أنا فيه راجل على الانستاجرام شكله عجبني وتابعته وشُفت صوره .. الراجل ده شافني وبعت لي وكان عايز نتعرف .. طبعا قبلت وكنت فرحان أوي بس خايف عشان مفيش راجل حب يتعرف علي قبل كده .. قولت له حاجات عني وهو قالي حاجات عنه .. مع الوقت اتكلمنا أكتر وأنا كنت بحبه وهو كان بحبني وطلب نتكلم فيديو قبل كده .. أنا وافقت وشُفنا بعض .. كان قلبي بيدق بسرعة جدا وقلبي بدأ يوجعني .. تقريبا من كتر الأدرينالين اللي عمال يطلع .. كان عايز يوريني عضوه الذكري وأنا وافقت وشُفته وعجبني .. بس أنا كنت متضايق جدا عشان حسيت إن أنا أغضبت ربنا.

كان الراجل ده بيسألني نتكلم بالليل عشان ندخل الحمام ونعملها سوا .. عملتها معاه 3 مرات بس كنت زعلان جدا .. مع الوقت عرفت إن هو مش مثلي الجنس بس كان عايز يتجوز بس مش عارف عشان معندوش فلوس .. أنا عملت له "block" كام مرة بس زعلت عشان أنا عارف إن ده كان تصرف غلط، عشان هو راجل حاجة وثلاثين سنة وطبيعي إن يكون عنده شهوة وصعب طبعا إن هو يتحكم فيها .. هو الراجل ده من كام يوم جاب وظيفة جديدة وشكلها بتدفع فلوس كتير .. مش عارف اسمها بالعربي بس هو تقريبا بيكتب أسامي الناس اللي بتدخل وتطلع والأوقات بتاعتهم .. هو عايز يتجوز (مش يتجوزني أنا) وأنا مش عايز أتجوز .. بس لما عرفت إن هو عايز يتجوز، أنا كمان بقيت عايز أتجوز!!!

أنا بحبه جدا لدرجة إن أنا عايز أبقى زيه في كل حاجة، هو خلاني أحب الجواز، ولو هو اتجوز أنا كمان حعوز أتجوز!! ومش حاجة صعبة عليّ الحمد الله إن أنا أتعرف على بنت عشان في بنات كتيرة جدا بتبحني بس أنا طبعا مش بحبهم بنفس الطريقة .. الراجل دا بيشرب سجاير عشان صحابه جروه، وأنا زعلان أوي عشان ده بيجيب السرطان وأنا خايف عليه ومش عايزه يموت عشان أنا أصلا نفسي أنتحر كتييييييييير بس بعد لما قابلته هو اداني سبب إن أنا أعيش .. فأتعامل معا إزاي؟ أنا ولد 16 سنة وهو حاجة وتلاتين .. احنا عادي بنكلم بعض بحب وحنية ورومانسية شوية بس أنا عايزه يبطل اللي بيعمله عشان حرام وأنا عايزه يدخل الجنة .. أعمل إيه طيب لحد ما يجيب فلوس كتيير ويعرف يتجوز؟؟

عايز أسعده بأي طريقة
بس احنا على النت فمش بعرف أعمل حاجات كتيرة غير إن أنا أكلمه.
20/5/2022