|
| 
|
كيكو وحبيبه وإنستجرام ولهيبه !
الفيوم
السلام عليكم، أنا كريم وسألت الموقع قبل كده على موضوع بتاع حبي للراجل بتاع الانستاجرام. أنا فعلا بطلت أتكلم معاه وهو بطل يكلمني أساسا تقريبا عشان عنده ناس تانية يكلمها، فأنا كويس جدا في الموضوع ده واتعلمت إن هو خلاص ١٠٠% بيستعملني وأنا اتعملت من نوع الناس الاستغلالية قبل كده كتير بس بقيت أعرف اشخصهم وقلت لنفسي إن هما مش بيحبوني مية في المية وبس بيستعملوني.
لسا مابدأتش دراستي بس أنا واخد مادة واحدة بس السنة دي وفي قوة كبيرة إن أنا أبقى أعلى واحد فيها عشان أنا نفسي لما أكبر أسافر انجلترا وأعيش حياتي هناك، بس ده قرار ربنا طبعا وأنا مش قلقان منه أوي.
المشكلة بقى في نفسي. أنا قولت قبل كده إن أنا بحب نفس الجنسومش يعني "sexually attracted" للجنس التاني. أنا قولت إن أنا بقرف من جسمه موصعب أوي إن أنا أبص عليه وأتأمل بيه. بس أنا بحب جسم الذكور أكتر ومعجب بيهم جنسيا ورومانسيا... أنا عارف إن دي مشكلة طبعا ومع الوقت عرفت إن ده ابتلاء من ربنا عشان هو بيحبني جدا وعايزني أدخل الجنة وأنا فاهم ليه هي مشكلة عشان الحب بين الذكور معظم الوقت بيبقى شهوة ومش حب ولا اهتمام ولا حنان ودي حاجة أنا محتاجها بس عارف إن أنا عمري ما حشوفها في حياتي.
المهم المشكلة إن أنا عارف إن أنا شاذ وعايز أعيش حياتي لوحدي وأموت من غير ما أعمل علاقات تغضب ربنا وحاجة أنا مكنش حاببها. كل يوم على الفيسبوك بشوف ناس طول الوقت بتقول مثلا:
- علموا أبنائكم إن الموضوع ده غلط
- قصة سيدنا لوط عليها السلام كأمثال للشذوذ 24/7
- ناس بتقول إن هما بيكرهوا الشذوذ وفرحانين
أي بوست عن الشذوذ بيكون فيه طاقة سلبية دايما بالذات من العرب، يعني هما مش متجوزين وفرحانين وعايشين حياتهم وعندهم ولاد دول كمان بيضحكوا علينا عشان احنا مش زيهم والصراحة من كتر البوستات دي نفسي أمسح الفيسبوك وأريح نفسي.
فأعمل إيه أنا؟ مينفعش أمسح الفيسبوك عشان والدتي بتقولي عيب عشان كده أنت بتقطع علاقتك مع الناس بس في نفس الوقت البوستات دي بتخرجني عن شعوري وبتخليني أعوز انتحر والله بس أنا لحد دلوقتي ماسك نفسي عشان ربنا... ممكن طرق تبعد عني أي تفكير سلبي للشذوذ؟ أنا بصلي كتير الأيام دي عشان أنا عارف إن الله سبحانه وتعالى هو صديقي الوحيد اللي أنا أقدر أثق به فعلا عشان هو فاهم اللي أنا حاسس بيه فعلا، ومش واثق بحد تاني غيره ... مفيش حد في عيلتي عارف عن الموضوع ده طبعا وأنا عايز أخلي الموضوع سري بيني وبين ربنا بس.
فيه مشكلة تانية إن أنا بعمل العادة السرية. هي حاجة غلط وأنا مقتنع إن هي غلط. بعملها تقريبا ٥ مرات كل أسبوع. بحاول على قد ما أقدر أبطل بس لازم أعملها لو معملتهاش لوقت طويل. المشكلة الأسوء إن أنا بعمل العادة السرية للفيديوهات الشذوذ مش العادي وحاولت كل مرة أغصب نفسي إن أنا أتفرج على العادي بس بقرف ومش بحبه. ممكن طرق برده إن أنا أبطل العادة السرية؟
قولت طريقة من الطرق اللي ممكن تساعدني إن أنا أركز في المذاكرة جامد جدا، بس محتاج طريقة أعملها في دماغي تبعدني عن التفكير ده، مثلا أعد من ١ ل ١٠وأي طريقة تانية أقدر أعملها في أي وقت.
شكرا جدا على الرد على الاستشارة اللي قبل دي جدا
أنا بحب الموقع ده أوي وحاسس إن أنا لما أكبر حطلع "psychologist".
26/6/2022
رد المستشار
شكراً على مراسلتك الموقع.
مسألة توجهك الجنسي قضية خاصة بك وموضوع المثلية الجنسية لا علاقة له بالطب النفسي ولا جدوى من الخوض فيه. ما يهم الموقع من الزاوية النفسانية هو أنك عرضة للاستغلال من قبل الآخرين وعليك الانتباه إلى ذلك.
خير وسيلة للمذاكرة هي المذاكرة نفسها وتنظيم جدول يومي تلتزم به يومياً وهذا أفضل بكثير من المواقع الاجتماعية. لا توجد طرق نفسانية تستحق الذكر تحسن من أداء الإنسان في التعليم .
هداك الله.
تعليقات الأعضاء