|
| 
|
إصابات الولادة والوسواس: المهم العلاج يا ناس! م7
الحمدلله على كل حال
الحمدلله والله، يا دكتور من ساعة ما قريت الاستشارة الأخيرة وبدأت حالتي المزاجية ترجع تاني تتحسن نسبيا، بالنسبة للموضوع اللي كان مضايقني بتاع اختلال الآنية دا خف بنسبة كبيرة وإن شاء الله يخف أكثر مع الوقت، وحاجات كتير بدأت أتعافي منها برضه منها الاكتئاب والخمول وانخفاض الشهوة (ودا كان بسبب التوتر اللي كنت فيه)
يمكن الشيء الوحيد اللي لسه زي ما هو والحمدلله برضو مش مكترث بيه زي الأول هو وجود استثارة لما بختبر أو بحط نفسي في موقف شاذ في دماغي، أنا عارف يا دكتور حضرتك هتتجنن من الكلام ذا لأنك قلت لي أبطل أختبر نفسي ههههه، بس والله يا دكتور بقيت أحس أن الموضوع تلقائي بيظهر في دماغي مرة واحدة ولو فيه طريقة أقدر أوقف بها الاختبارات دي من الأساس يا ريت تقولها، لأني اكتشف فعلا أن الاستثارة بتاعتها مكذوبة أو بسبب الخوف زي ما حضرتك قلت لي
النقطة الثانية وهو سؤال ساذج شوية أنا آسف برضه
أنا كنت قريت أن الشخص لو اتعرض لمواقف شاذة كتير أو فضل يشوفها ميوله هتبقي شاذة، وساعات طبعا بيجيلي إحساس إن ممكن من كثر ما في صور وأفكار شاذة جائت في رأسي خلال السنين التي جاء لي فيها الوسواس تخليني شاذ، مع العلم إن رغم وجود الأفكار اللي زي دي ميولي وشهوتي وأفكاري الطبيعية موجودة عادي وعمري ما اتفرجت على حاجة شاذة ولما بشوف حاجة زي كدا بقلب الشاشة على طول، إن شاء الله يكون اللي بقوله دا غلط بس عاوز أتأكد من حضرتك، وشكرا لك يا دكتور
والله يا دكتور اللي مخليني مش عارف أروح للمعالج اللي كنت معاه في الوقت الحالي الحالة المالية
بس أنا حاليا نزلت شغل وإن شاء الله لو لا قدر الله حصل حاجة هروحله، وآسف على تعبك معي يا دكتور
20/7/2022
رد المستشار
الابن الفاضل "Ahmed" أهلا وسهلا بك على مجانين وشكرا على ثقتك، ومتابعتك خدمة الاستشارات بالموقع.
حمدا لله على تحسن أحوالك، ولا تقلق فحصول الاختبارات تلقائيا لا مانع منه لكن لا تواصل ذلك، وإن بدأتها أنت توقف بمجرد الانتباه ... ولا تهتم بالأمر ولا تحاربه فقط تجاهله كلما حدث، عندما يشاهد الإنسان أفلام جنسية فيها شذوذ لا يتحول إلى شاذ لكن رد فعله المبدئي (كالتقزز) يخفت بالتكرار ويصبح أكثر تسامحا مع رؤية مثل تلك المشاهد ... هذا كل ما هنالك، لكن لا شيء يغير ميول الإنسان الجنسية إلا أن يكون بإرادته!
ومرة أخرى أهلا وسهلا بك دائما على موقع مجانين فتابعنا بالتطورات.
ويتبع>>>>>: إصابات الولادة والوسواس: المهم العلاج يا ناس! م9
تعليقات الأعضاء