|
| 
|
مشكلة ما تمت! قلت انتحار فطار!! م
انتحار
الوضع بيزداد سوءا مفيش حاجة بتتحل الناس بتصلح حياتها عشان تعيش أحسن وأنا كل ما أصلحها تبوظ أكثر من الأول حضرتك استغربت لما قلت في الاستشارة اللي فاتت أنها 4 سنين اكتئاب وأني عايزة أنتحر بس حقيقي لولا أنه حرام كان الواحد خلص من نفسه أنا مش كورة ضغط عشان الكل لما يضايق أو يتعصب يطلعوا فيا مهما كان مين أو شخص حتى مش لاقي شماعة لمشاكله بيرميها عليّ وزي ما تيجي تيجي
ليه دايما حتى لو مليش طرف في الموضوع أنا بس اللي يتزعقلي ويتقل مني ليه لو الواحد عمل 99 حاجة صح كله يمسك في الواحد الغلط، حقيقي الموضوع متعب لما يبقى الاكتئاب ملوش مصدر واحد جي من البيت ومن المدرسة ومن المدرسين والدروس ومن مذاكرته ومن كل حاجة في حياته وعايزين الواحد يفضل عادي وهادي ومش متضايق معتش عندي أي طاقة أو قدرة أكمل بها أي حاجة، لا المسابقة اللي دخلتها بحماس ولا مذاكرتي المتكومة ولا أوضتي اللي عايزة تترتب ولا مشاعري اللي ضربت
الـ ـPanic Attack زادت تاني أنا معنتش عايزة أعمل حاجة ممكن يسيبوني نايمة وخلاص لسنين ضوئية أظن أريح ومتقولش إني فاشلة في المواجهة بس في أوقات لو واجهت حد فيها هنخسر بعض يا إما هيبقى عاقة قلت لي بردو أن الموضوع مينفعش يبقى سر وأني محتاجة أقول لحد طب أنا معاك أجيب منين الحد ده.
أنا مبعرفش أنسى بفتكر عادي حاجات حصلت من سنين بأدق التفاصيل وأنا تقريبا في تانية ابتدائي كان عندي مرض السرقة أول لما أهلي عرفوا كان يتصنف من أبشع أيام حياتي لحد النهاردة من الصعب إنك تعيش مع أهل أغلب الوقت متعصبين. هما أصلا عندهم أمراض نفسية ومش عارفين
أنا عمري ما حبيت القراءة بس أول مرة قريت فيها كنت حابة أعرف كل حاجة عشان أعالج نفسي عشان مضيقهمش أكتر قبل ما أعمل حاجة بفكر فيهم الأول بس كدا كتير بعمل كل حاجة بعيدا عن نفسي ساعات لمجرد إني أشوفهم فخورين بي بس ده بيفضل لوقت مؤقت بعد كدا يرجع اللوم حقيقي تعبت ومعدش عندي طاقة قلت لك إني ضد مبدأ العياط بس كان عيني حالفة لتفضحني الفترة دي أي حاجة بتضايقني عادت بتدمع في ثانية متعرفش إنت صعب أسيطر ازاي على عيني وصوتي وأنا برة في وسط الناس وحد قالي حاجة ضايقتني أنا مش ضعيفة إني أدافع عن نفسي أنا بس زهقت ومعنتش شايفة فائدة
هم تعودوا مني علي الحلو بس
تفتكر لو الواحد مات هيفتكروا له الحلو ولا هيفضلوا ماسكين في 1 في المائة الوحش عندي!
15/9/2022
رد المستشار
الابنة الفاضلة "سلمى" أهلا وسهلا بك على مجانين وشكرا على ثقتك، ومتابعتك خدمة الاستشارات بالموقع.
ليس النوم حلا للمشكلات يا "سلمى" ولا يمكننا النوم سنينا ضوئية (لا أدري هل مدتها تختلف عن السنين الصوتية مثلا؟!) .. عليك تحديد المشكلات بوضوح وعدم التعجل في الاستنتاج وإطلاق الأحكام.
من الواضح أنك تحتاجين إلى إقامة علاقة علاجية مع معالج سلوكي معرفي محترف، ويبدو أن الأسرة لسبب ما لا يستطيعون تقديم ما يلزم من فهم وقبول واحتواء واحترام وهو ما تتطلبه هذه المرحلة منهم، لكن هذا الوضع يا ابنتي منتشر في كثير من بيوتنا ... ورغم أن الأولى باستشارة المختصين هم ليعرفوا كيف يتعاملون مع زهرة رقيقة مثلك لكنهم مع الأسف لا يعيرون الأمر اهتماما ... ولهذا التقصير من جانبهم لا شك دورٌ في تعقيد مشكلاتك حتى وصلت ما وصلت من اضطراب ومعاناة، وبالتالي نطلب منك أنت أن تطلبي العلاج.
ومرة أخرى أهلا وسهلا بك دائما على موقع مجانين فتابعينا بالتطورات.
ويتبع>>>>: مشكلة ما تمت! قلت انتحار فطار!! م2
تعليقات الأعضاء