|
| 
|
السلام عليكم
أنا بنت عندي 23 سنة. من وأنا صغيرة، بالذات من أول سن ال 13 سنة وأنا عندي وسواس قهري كان بالذات في الدين وكان عندي وسواس في أني أجرح أي حد. وكنت بنت ضعيفة ومكنتش بذاكر ولا مهتمة بالمذاكرة ولا مهتمة بمظهري بين الناس في الحياة ولا بطور من نفسي. وكنت بقبل بالإهانة من الناس ومش بعرف أرد. وكان كل تفكيري في الوسواس وكنت بقعد أقول لنفسي أنا بس لو شفيت من الوسواس هبدأ أركز مع نفسي وأطور منها وهنسى الماضي وهبقى السنة جديدة.
مؤخرا من سنة كده الحمد لله الوسواس اتحسن عندي إلى حد ما فبدأت أركز في الحياة أكتر وأركز في مظهري بين الناس وأني أحفظ كرامتي. ولكن بعد ٩ سنين كنت أغلبهم مقضياه مع الوسواس دلوقتي اتخرجت من الجامعة وبقيت بشتغل وبالرغم من أني تعرضت لمواقف وحشة في طفولتي ومراهقتين ولكن برضو مكنتش متخيلة إن الدنيا صعبة كده أنا دلوقتي بشتغل وحاسة إن آه بدأت أركز أني أحافظ على كرامتي بس برضو أوقات بسرح وأقعد أفكر كتير وبتوتر وبحس إن شكلي بقى وحش قدام الناس وأنا أصلا حاسة أني مابقتش بحب الناس حاسة إن أنا مش عايزاهم وحاسة إن أنا مش بحب نفسي أنا مش جميلة ومعنديش شخصية وضعيفة ومترددة وبقالي كام يوم الأحاسيس دي زايدة معايا أوي وحاسة أني نفسي أموت وأني عمري ما هبقى مبسوطة غير في الدنيا
أنا تعبانة أوي وحاسة إن كرامتي ضاعت بسبب استسلامي في مواقف كتير وعدم إصراري للتحسين من نفسي بالذات المشاعر دي حاسها في السنة الأخيرة لأن أنا بقالي سنة الوسواس قل عندي عن الأول إلى حد ما بعد ما بدأت العلاج ومع ذلك أنا مش بجتهد كفاية أني أطور من نفسي وخايفة كرامتي تضيع أكتر من كده وخايفة من الدنيا وحاسة أني مش قادرة أكون فيها ودايما راسمة في خيالي كل حاجة حلوة وجميلة راسمة صورة مش واقعية ومش عارفة أقبل صور تانية غير اللي في خيالي، هو أنا في ناس مرت بظروفي؟ في ناس اتحسنت؟ أنا تعبانة أوي ونفسي مبقاش تعبانة. أنا حتى قلت لنفسي أني مش هتجوز لأن مفيش راجل في الدنيا يستاهل إن مراته تكون مهزأة زيي ولا في ابن وبنت في الدنيا يستاهلوا إن أمهم تكون عاملة كده.
ولو هتسألني عن دكتوري والعلاج فحاليا أنا سبت العلاج لظروف ما وممكن أجعله قدام بس حاليا مش بروح لطبيب نفساني وعدد المرات اللي رحتهم كان ٣ مرات وماشية بس على دواء واحد كان الدكتور كاتبهولي بتاع الوسواس القهري وفعلا اتحسنت عليه إلى حد ما الحمد لله وبعض الاستشارات اللي قرأتها هنا فرقت في طريقة تفكيري.
11/10/2023
رد المستشار
تحمل رسالتك كثيرا من الأفكار والمشاعر السلبية تجاه نفسك.. مثل نظرك لذاتك بأنك لست جميلة.. وأنك وحش قدام الآخرين.. وكذا التقليل من شأنك، مثل أنك ضعيفة وليس لك شخصية.. وكذا خوف غير مبرر من أن كرامتك ضاعت.. وكذا نظرتك السوداء مثل تتمثل بأعراض الاكتئاب مثل فقدان الشعور بالسعادة واليأس والإحساس بالموت.. ونجد الوسواس واضحا بين أحرف رسالتك.
ما أود قوله لك ببساطة.. هو أن تخرجي من وحدتك، وأن تشغلي وقتك، فستجدين حينها بأن ذهنك قد انشغل بأشياء أخرى كثيرة، وسيصبح للحياة عندك معنى، فتحبين نفسك وتتصالحين معها، وحينها سيزيد تقديرك لذاتك، وستتولد لديك مشاعر إيجابية كثيرة تعطيك متعاً دائمة، وتعوضك ما مضى.
انظري للحياة بتفاؤل وحب، ومن تجاربك السابقة أن تكون نبراسا لك يضيئ حياتك. اخلقي علاقات طيبة مع الآخرين .. انظري كيف يفكر الآخرون .. تعلمى من تجاربهم.. كوني عونا لمن يحتاج مساعدة.. اجعلى من الحب أساس في تعاملك وخاصة الأسرة.
• أرجو منك أن لا تهملي علاج الوسواس بمراجعة الطبيب بين حين وآخر.
• أحسني الظن بالله ولا تنظري إلى هذه المشكلة باليأس والحزن.
• قوي صلتك بالله.
• لا تستسلمي للفراغ والتحقي بالأنشطة الحسنة وطوري من قدراتك وإمكانياتك.
• اعتني بجمال نفسك ومظهرك واحترمي ذاتك وطوريها للأحسن بالقراءة والهوايات المفيدة.
• حاوليً استعادة ثقتك بنفس من جديد.
• لا تتعجلي الزواج في هذا الوضع النفسي الحالي، وستأتي اللحظة التي تجدين نفسك غارقة في حب لإنسان يملئ حياتك ويبادلك حبًا صادقًا ومشاعر حقيقية.
ويمكنك عمل الاتي:
• التواصل مع الأصدقاء وأفراد العائلة أو الانضمام إلى مجموعة توفر فرصًا لتحسين مهارات التواصل.
• ممارسة أنشطة ممتعة أو مهدئة، مثل الهوايات،
• تذكري نجاحاتك، ولا تركزي فقط على اخفاقاتك وفشلك.
• كلما شعرت بالارتباك تذكري الهدوء "وخذ نفساً للاسترخاء"
• كافئي نفسك، عندما يكون أداؤك الاجتماعي جيداً.
وقليل من بعض التمارين:
• الاسترخاء: تساعدك علي تقبل الموقف قبل التعرض للموقف.
• التنفس: بأخذ شهيق عميق وحبسه لثوان ثم زفير ببطء ، ويكرر ذلك عدة مرات يوميًا.
بالتوفيق.
تعليقات الأعضاء