علاقات محرمة واعتداء في الصغر.. ثم؟!!

 مشكلة جنسية من الصغر
 
 وأنا صغير تعرضت لاعتداء جنسي من شخص مقرب مني جدا، ولما كبرت شوية وكنت طفل برضو حاولت الاعتداء على شخص برضو مقرب لكن قاومني بس متكلمش بعدها
 كبرت وفي مرحلة الثانوية اكتشفت أن والدي بيساعد والدتي على علاقات محرمة مع أصدقائه وكنت دائما بسمع مكالمات أو مواقف، وتقريبا على طول بفكر في الموضوع ده، مع أني تفوقت في دراستي واشتغلت وتفوقت في شغلي وبنيت نفسي ومنجرفتش في موضوع الشذوذ ده
 
 كبرت وتزوجت وهنا بدأت المشكلة في الأول كنت دائما بشك فيها، وبعد كده بقيت أتخيل علاقاتها بحد وأني موافق لدرجة أني أثناء العلاقة دائما بذكرلها الموضوع ده وهي عشان تراضيني بدأت تطاوعني لدرجة أني عملت أكونت على الفيس نتكلم منه وبقى شغفي بالموضوع ده دائم
 ساعات نتخانق ساعات توافق، بس وأنا لوحدي بفتح الأكونت وأتكلم مع ناس في الشذوذ والعلاقات المحرمة ومش قادر أبطل، الموضوع أثر على شغلي وتقدم في شغلي وقف عند حد معين مع أنه كان ممكن يتضاعف مرات ومرات بس أنا بقى وقتي كله للموضوع ده
 
 بقيت على طول حاسس بالندم وهقابل ربنا إزاى بس مش قادر أبطل لدرجة أن من خوفي من الموت بقت تجيلي أعراض وأروح أكشف ومالقيش حاجة لدرجة وصلتني للتفكير في الانتحار
 
 اللى اعتدى علي مقرب مني وفعليا مبرداش أرفض له طلب حاليا من ناحية طلبات عادية لأن موضوع الاعتداء ده متكلمناش عمرنا فيه
 
 والدى علاقتي بيه كويسة وعمري ماواجهته باللى حصل ولا والدتي
 الكل شايفني مستقيم وكويس بس أنا داخليا منهار وتعبان أنا قرفت من حياتي ومش عارف أغيرها
 
 كاره الكل وفي نفس الوقت بحس أني لازم أعاملهم كويس عشان أظهر أني كويس
 مش عارف الحل إيه؟
 6/7/2024