|
| 
|
فيه ناس بتكلمني في دماغي 24 ساعة وبتتحكم فيه
السلام عليكم، فيه ناس بتكلمني في دماغي 24 ساعة وبتتحكم فيه ودي حاجة اسمها تخاطر وقراءة الأفكار موجودة على النت ومعروفة من زمان فيهم عيال أعرفهم وعيال معرفهمش العيال ذي أنا كنت شغال معهم في أكثر من مكان وفيه عيل منهم كان معي في ثانوي وفيه أماكن كنت شغال فيها وكنت بدخل على مواقع مش كويسة وبتفرج على أفلام مش كويسة ولما كنت بمسح سجل التصفح كنت بدخل تاني يوم بلاقي نفس المواقع والأفلام التي تفرجت عليها متسجلة هي بالضبط
وكانوا مهكرين موبايلاتي في أكثر من مكان وكل لما افرمت الموبايل أو أشتري موبايل جديد كانوا بيهكروه وكانوا بيشوفوني وأنا بعمل الاستمناء وشافوني وأنا من غير هدوم خالص من الخلف والأمام ومعاهم فيديوهات وصور ليه كثير وأنا من غير هدوم وكنت صورت نفسي من الأمام والخلف وكنت عايز أشوف الجزء اللي في الخلف اللي بنعمل منه وبقالي على كده سنيين
ورحت السعودية عملت عمرة وقلت مش هعمل حاجة ثاني بيفضلوا يعملوا فيه حاجات يخلوني أرجع أعمل الحاجات ذي ثاني بيفضلو يضغطوا عليه ويشتغلوا لي في دماغي وخلوني عملت حاجات مع بنات عمري ما فكرت أعملها ولا أروح الأماكن دي عملت معاهم كل حاجة بدون ملابس خالص ما عدا الإدخال في الفرج.
وفيه مول كنت شغال فيه وكان فيه بنتين عاجبني كلمت الأولى بغرض الجواز وأهلي رفضوا والثانية كانت في نفس المول بس كانت شغالة بعيدة عنها وأنا كنت أتعامل باحترام كنت بقف في الشارع أستناها وهي خارجة من الشغل وكانت بتهرب مني وكانت لما بتشوفني بتمشي من مكان ثاني وفضلت على كذا أكثر من كذا شهر مش فاكر كام بس كانوا كثير وأنا مكنتش بعرفها بسبب المكياج واللبس كانت بتغير في شكلها كل شوية.
ولما جيت أكلمها وأقول لها أن عايز أخطبها بعثت لي اثنين شغالين معها وقالوا لي ذي مخطوبة ولما جيت أكلمها شفتها أول مرة قالت الواد ذا خول وأنا مسمعتهاش وكانت على طول بتعلي صوتها وبتشتم وبتلقح لي بكلام قذر وشتيمة هي والبنت الأولى والواد الذي كان معي في ثانوي بعثته مكان شغلها بحجة أن احنا بنشتغل في البرامج علشان لما جئت قلت لها نيتي خير قالت لي خليها لك وقالت لي إنت بتحور علشان كدا خليته يجيء على أساس أن أنا جد ومبحورش علشان قلت لها في الأول إن أنا بشتغل في البرامج الحسابية وكنت بفتح حوار معها
وبقالي أكتر من سبع سنيين وهما بيكلموني في دماغي 24 ساعة وبيتحكموا فيه وبشوف صور ومخيلات واكتشفت أن هما كانوا عارفين بعض وكانوا بيغفلوني من ساعة لما كنت في المدرسة بسبب الواد ده والبنت دي كانت شغالة جنبي في أكثر من مكان وأنا مكنتش بتعامل معها وهي من أول ما قابلتها مكنتش بتديني وش ومكنتش بتتكلم معايا وعلى طول كانت بتلقح لي بكلام قذر وشتيمة وهما عيال ملهاش لازمة وعبط مش فاهمين حاجة ولا يعرفوا ربنا وكانوا بيفضحوني ويسيئون لسمعتي ويمسخروني وبيتسلوا بي وبيتريقوا عليّ وأنا مكنتش أعرف وكنت بتغفل وكانت بتكلم كل اللي شغالين معي في كل الشركات والأماكن التي اشتغلت فيها وعمرها ما تكلمت معايا وأسلوبها قذر وزبالة
أنا دلوقتي مش فارق معايا كل اللي كان بيحصل فيه ربنا ظهر لي الحقيقة وقطعت علاقتي بهم من قبل ما يبدؤوا يكلموني في دماغي وبيرويني كانوا بيعملوا فيّ إيه وكانوا على طول بيشتموني وبيلقحوا لي بكلام قذر وشتيمة وكانوا بيقولوا عليّ خول ونجس وسكساوي والكلام ده حصل فعلا بس أنا مبهتمش بالكلام ده ولا بشغل بالي
وأنا عمري ما تكلمت على أحد في غيابه ولما بتكلم على أحد بتكلم عليه بالخير وقليل لو اتكلمت على حد وحش إلا لما أكون على آخري منه وببقى عايز أفضفض أنا مش عارف أجيب حقي إزاي النسيان نعمة هم كل شوية يفضلوا يحكوا لي الحاجات اللي كانوا بيعملوها فيه سواءً خير أو شر، عايز ربنا يبعدني عنهم مش عايز منهم حاجة هما فاكرين أن هما بيعملو خير اللي هو بيستخدموا التخاطر في الخير
أنا راضي عن نفسي وعن اللي ربنا خلقني عليه عايز أنام وأصحى ألاقيهم اختفوا من دماغي ومشفهمش
علشان كل شوية بيروشوني وبيفضلوا كل لما أروح مكان بيبقوا موجودين فيه عايز حل
18/4/2025
رد المستشار
الابن المتصفح الفاضل "A" أهلا وسهلا بك على مجانين وشكرا على ثقتك، واستعمالك وإن شاء الله متابعتك خدمة الاستشارات بالموقع.
من المؤكد أنك تعاني معاناة شديدة، ولا أدري كيف تتحمل مثل هذا الوضع طوال كل هذه السنوات دون أن تبحث عن دعم ومساعدة، كما توضح المعلومات فإنك في أوائل العقد الرابع من عمرك حصلت على شهادة البكالوريوس ويظهر النص أنك عملت في أكثر من مكان -وهو ما يعني تغيير مكان العمل أكثر من مرة- لكنك الآن بدون عمل لا نعرف منذ متى وأنت بدون عمل؟، لم تتزوج بالرغم من رغبتك في ذلك، وتشعر أو تعتقد أن هناك من يحول بينك وبين ذلك، وهناك من يراقبك ويصورك ويتابع أفعالك وليس واضحا لا مصدر دخلك الحالي أو مع من تعيش ولا ما إن كنت تواصلت مع طبيب نفساني ليساعدك.
ما تذكره من أعراض تشمل:
1- سماع أصوات منها أصوات سب وشتيمة Insulting Voices وأصوات تتحاور فيما بينها Voices Heard Arguing وأخرى تعلق على سلوكك اليومي Running Commentary وهذه كلها هلاوس سمعية تقول أنت أنها مستمرة 24 ساعة،
2- تصف لنا مشاعر وخبرات التأثرية Passivity Experiences أي الشعور بأن الإحساس، الاندفاعات، والأفعال الإرادية هي من جراء فعل قوة خارجية أو أناس آخرين كذلك الإحساس بسيطرة خارجية على الجسم أو ما يسمى التأثرية الجسدية Somatic Passivity
3- وهام الاضطهاد أو وهامات اضطهاد متعددة منها التجسس عليك وإرغامك على فعل ما لم تكن لتفعل.
هناك عملية ذهانية زورانية مستمرة منذ سنوات، والطبيب النفساني سوف يشخص حالتك: اضطراب الفصام المزمن وسيصف لك عقاقير مضادة للذهان وربما أيضًا للاكتئاب، ولا أدري هل لديك تاريخ تواصل مع طبيب نفساني لكنك أغفلت ذكره أم لا؟ فلا أتخيل أنك تعاني كل هذه المعاناة لسنوات سبع -على الأقل- ولا يهتم بك أحد فيأخذك إلى الطبيب النفساني أو حتى غيره، على كل إن كنت تواصلت مع طبيب نفساني وتركت علاجه فلابد أولا أن تعود للعقاقير التي كنت تتناولها وثانيا أن تعاود التواصل مع طبيبك، وإن لم تكن عُرضت على طبيب نفساني من قبل فالأمر لا يحتمل الانتظار تحرك بسرعة إلى أقرب مكان يقدم خدمة التشخيص والعلاج النفساني مثلا أقرب مستشفى جامعي من محل إقامتك.
واقرأ على مجانين:
عملية زورانية وأفكار اضطهادية!
حيرة ثم حيرة: ذهان نشط مستمر!
عقل لا يكف عن الضجيج: ذهان نشط!
الفصام النشط في العراق
الفصام النشط في الكويت أيضًا
سنتان عملية زورانية في اسطنبول!
ومرة أخرى أهلا وسهلا بك دائما على موقع مجانين فتابعنا بالتطورات.
تعليقات الأعضاء