أنا مش طيبة..!؟
أنا آسفة إني كتبت هنا بس كل ما أكون عايزه أبعت مشكلة معرفش فسامحوني واقروا رسالتي لو سمحتم، عندي 23 سنة بعاني من مش عارفه اللي أنا فيه اسمه أيه يمكن اكتئاب يمكن عدم رضا يمكن حقد مش عارفه؟؟؟
دائما عندي إحساس إني حظي قليل(ربنا يسامحني إني بقول كده)حصلت حاجات وأنا صغيرة يمكن تكون هي السبب أولها كان خناقات ما بين أبي وأمي وكانوا بيشتموا بعض وساعات بيضربوا بعض أمامي وبعدها أمي تعبت ودخلت المستشفي كان عندها ورم والحمد لله خرجت وحسيت قد إيه إني مكسورة من غير أمي.
المهم بعد كده انتقلت من المدرسة اللي كنت فيها بسبب ظروفنا في البيت ورحت مدرسه جنب البيت كانت المدرسة كويسه وكانوا بيفصلو الولاد عن البنات كل واحد في فصل وبالتالي مفيش تعامل مع أولاد خالص، أنا بحاول احكي كل حاجه جوايَ لأني نفسي أعرف الخلل فين، ومرة كنا في حصة وكان عندنا مدرس في الفصل وأنا معروفة أني هاديه ومش بنطق المهم كان بيهددنا ويقول اللي هتكلم هوريكوا هعمل في إيه.
المهم جالي إحساس انو هيخترني طبعا وفعلا اخترني ووقفني علي ديسك وقالي شدي ودانك وطلعي لسانك بره ونطي زي القرد وضحك عليا الفصل كله وجرحني اوي
وطبعا مرحتش أقول لحد بس الموضوع حز في نفسي اوي يعني المهم معنديش ثقه في نفسي ديما حسه ان الناس بتتجهلني أمي بتقول أني عندي ديما شعور بالاضطهاد يمكن وبعد ما دخلت الكلية كنت منطوية بتكسف من الولاد جدا ومش عرفه أنا ليه بتكسف وسقط في أول ساناتين لأني مش بذاكر كويس ولأني ايضا كنت مبحبش احضر لوحدي لاني لما بحضر لوحدي بحس لني مهزوزه وخايفه وكمان السكشن فيه ولاد علي بنات وكلهم بيكلمو بعض وانا مش بكلم حد لان اصحابي في سكشن تاني ورحت لدكتوره نفسيه وحكيت لها وقالت اني بدلع ومعنديش حاجه امل كل الضيق ده ايه وكمان بخاف لدكتور يسئلني او يوقفني في السكشن.
وكان عندي قريبه ليه كنت فكراها بتحبني لأننا كنا في سن بعض اكتشفت من واحد قريب مني ومنها بيقول لي انها بتتكلم عليه من ضهري ملام وحش في حقي بتقول ان الناس مخدوعين فيه واني مش ذي ما الناس شيفاني طيبه وكويسه واني قلبي اسود المهم موجهتهاش بالكلام اللي قالتوا لكن سكت بس غضبت من جوايا وعرفت قد ايه هي مش ذي ماكنت فكره وياتري بتقول ايه عليا تاني لأني لقيت أصحابها لما شافوني كانو مش حابيني مع انهم ميعرفنيش ومره سمعتها وهي بتتكلم عليا مع مامتها المهم بعد كده كل ما حد يفول عنها كلام كويس أحس أني متغاظه منها لأني مش شايفاها كده.
وبعدها تقدم لي واحد وحبينا بعض وافتكرت إن الدنيا أخيرا ضحكت لكن فجأة وبدون مقدمات كلمني وقالي إن مامته قلبها مقبوض مني وإن مش هينفع نكمل طب ليه طب ايه السبب؟؟ أنا عملت حاجه قال مامته بتحلم بكوابيس كل ما تصلي استخاره وسابني وانهرت وعدت مرحلة الانهيار لكن لسه قلبي مكسور وبعدها على طول هي (قريبتي) اتخطبت لمهندس وبيحبها جدا وبتحضر شقتها فرحت لها والله العظيم لكن بكيت على حالي هي نجحت في كليتها وأنا بقالي 6 سنين، هي اتخطبت وأنا حبيبي سابني لأني وشي مش حلو عليهم مع أنها آذت مشاعري من غير أسباب والله العظيم كان نفسي تكون أخت لي لكن هي اللي بدأت.حسه إني بقيت حقودة هل أنا فعلا حقودة؟؟؟
أنا آسفة إني طولت بس الحاجات دي صعب أحكيها لحد ودعيت ربي يخفف عني ويبعد عني شر نفسي وما زلت أدعوه وبفضفض للموقع الجميل ده وللدكتوره علشان يسعدوني
أنا بحاول أبعت من سنة ومش عارفة أرجوكم تردوا عليا.
10/7/2006
رد المستشار
لو استطعنا أن نقتحم الماضي بأيدينا لنتمكن من الأخذ بالثأر مما أزعجنا فنغيره ونحوله لما نحب ونريد لكان الغرق في الماضي والعودة إليه أولى واجب علينا!!! ولتقاتلنا جميعا للوصول إليه لنمحو ما جعلنا نندم سواء بفعله أو بعدم فعله ولضاعفنا نصيبنا مما كنا نريد ونصبو إليه ولكنه........... المستحيل بعينه.
فمن منا لا يتألم من قضية ما أو موقف أو شخص أو حتى قصة حب لم تكتمل. فتجرع الماضي لا يزيدنا إلا حسرة وضعفا فتمتد الخسارة إلى اليوم والمستقبل فهل هذا ما ترتضينه لنفسك؟ ولكن ما الحل إذن؟؟؟
الحل ألا تقعي في الأخطاء الثلاثة التالية:
1. خطأ يرتبط بالوقت... إما بضياعه فيما لا يفيد أو عدم استثماره أصلا فعدم شغلك للوقت سيعصف برأسك ويأكلها فلا تنهضين من الغرق فيما فات، بل وسيجعلك تلهثين دوما وراء الحصول على إجابة لتساؤلات متناثرة هنا وهناك لن تطفئ لك ظمئا. فانسي تماما تلك الأحداث الفائتة وأغلقي وراءها بابا غليظا يمنعك من الرجوع إليها...
2. خطأ يرتبط بعدم حفظك لنفسك..... فلتحنو عليها ولتهذبيها برفق فهي أولى بمجهودك فلقد عبرت اثنين وعشرين عاما من عمرك فهيا تعلمي كيف تنظرين إلى نفسك من جديد دون أن تكيلي لنفسك الاتهامات ولكن بالتعامل معها عن بينة.
ولا تقارنيها بأحد فلقد خلقنا الله متميزين عن بعضنا البعض لا لنتشاجر أو نتعذب فيما ليس لدينا مما لدى الآخرين ولكن لنتكامل فتزدهر حياتنا. فتعاستنا تكمن في عدم استغلالنا لأرخص وأفضل دواء في الأرض وهو "العمل" العمل على أنفسنا أو على هدف نرجوه أو حلم نتمناه فالعمل كثير ولكن من يقوم به هذه هي المشكلة.
3. خطأ يرتبط بما نراه ضررا.... فرب ضارة نافعة فاليتم والمرض والغربة والفقر قد يكونون أسبابا للإبداع والإنجاز. والأبناء والثراء قد يكونان سببا للشقاء.
فلقد ألف ابن الأثير كتبه الرائعة مثل كتاب النهاية لأنه "مقعد" وأعظم فتاوى ابن تيمية كتبها وهو محبوس ولقد جمع المحدثون مئات بل وآلاف الأحاديث لأنهم فقراء غرباء وكذلك دوسيتوفسكي وتولستوي، ولو تركت نفسي لأسرد لك مئات الأسماء ما كفتني صفحات الموقع .
"شيريهان"... أنت تحتاجين أن تفكري في التغيير، تغيير حياتك وتغيير نظرتك لنفسك وشكل حياتك، فانشغلي بهما وحينها ستجدين الأمور تزداد ضياءا فقط ابدئي فورا.
وفي ذلك أنصحك أن تراجعي ثقتك بنفسك من خلال ما أسهبنا فيه من إرشادات أو غيره. وتابعيني بأخبارك.