جاي لك يا شبرا ..

جاي لك يا شبرا ..

أصرخ وأقولها ..

لقلوب في شبرا ...

لبيوت في شبرا ...

أنا نفسي أزورها ...


جاي لك يا شبرا ...

أصرخ وأقولها ...

لعيون في شبرا ...

أنا نفسي أطولها ...


علي ناصية شارع (الكركي) حب أتولد ..

بنت وولد ..

ومعاني شوق مالهاش عدد ...


شاهد خلوصي على القصه ...

وبنت ثانوي في مدرسه ...

الحب كان أول حصه ...

جاي لك يا شبرا ...


شبابيك (طوسون) مفتوحه لنسمة صيف ...

عبد المسيح عيان ....

جاي له يزوره عبد اللطيف ...


علي قهوه بلدي في (مسره) وحوار لطيف ..

محمود وكريم وبيتر ...

عناب .. وحلبه وشاي خفيف ..

جاي لك يا شبرا


(روض الفرج) ..

روض الفرح ...

قلبي في فرح ..

بين كل شبر وشبر بستان إنطرح ...

هناك مكان مخصوص لكل قلب إنجرح ...


جاي لك يا شبرا في يوم ..

عنك هقول أجمل حكايه ...

الحب في قلوب الشبراويه إتملى ...

وحنيني لأهل شبرا مالوش نهايه ...


جاي لك يا شبرا
 

واقرأ أيضا :
عِندَ السقوطْ ! / رسائلُ إلى ريم / وجوهٌ شتي !! / حَــيْـضٌ ! / عفوا يا سيدتي! /  مبايعة / ثـورَةُ العشرين !!