ما بين الآهة والضحكة
جمعت ألوف من الكلمات
وبضي نيلك ضفرت لك عقد نغمات
ورسمت لك بدل الطريق.......طريقين
أجمل ما فيهم...ضحكتين
أنا وأنتِ
أنا المصري في كل عصر وأوان
أنا اللي باصم عـلى الـقنال كفي
حاسس أني بأحن للتوهان
بانده عليكي في كل دعوة وكل أوان
في أي حتة وأي مكان
تحت أضواء الفانوس في السيدة والحسين
ريحة التاريخ ويا البخور مهفهفة
شميت ما بينها ضحكتك
قلتي يا ولدي: عيش أيامك اللي جاية
واللي راحت
وامشي ثابت في المكان
لو قابلت حواديت زمان
هتضحك مره..مرتين
يمكن ثلاثة في السنة
مصر أمي مش أنا
بحب طعم الضحكة بلسانك
باحب نورك وهرمك وسرحانك
باحب فيكي الوداعة
باحب صوت المطر وهو نازل علي نيلك
بيزغرد..
وبحبك يا مصر
****
واقرأ أيضاً:
الصمـــت
تعليقات الأعضاء