|
| 
|
لماذا تتهرب مني؟
السلام عليكم
أنا عاوز الأول أشكر كل القائمين علي الموقع الممتاز ده على المجهود الكبير اللي بتقدموه للأعضاء والزوار وأتمنى لكم مزيد من التقدم.
أنا شاب مصري 30 سنة وأعمل كطبيب خارج بلدي ومكنش عندي أي تجارب عاطفية سابقة، من سنتين تقريبا طلبت فتاه من الأقارب للزواج ومحصلش نصيب، بعدها بسنة تقريبا تعرفت علي فتاة أخرى من بلد عربي تاني عن طريق مواقع التواصل الإجتماعي وكان كلامنا في الأول في حدود الدراسة أو العمل، بعد فترة أخدنا علي بعض وحكت لي أنها لسه خارجة من قصة حب استمرت 4 سنوات مع شاب مصري تاني وكانت أساسا علي الانترنت بس اتقابلوا 3 مرات في الحقيقة.
حكت لي كل تفاصل القصة القديمة وأنا احترمت صراحتها وإنها مش ملزمه تحكي لي حاجة، بعد حوالي 6 شهور صارحتها إني عاوز أرتبط بيها ومكنش عندي مشكلة مع قصتها القديمة ولا أخذتها على كرامتي باعتبار إنها ماضي وانتهى على حسب كلامها وقلت لها إني ممكن أسافر لها بلدها وأطلب إيدها من أهلها بس حسيت بتررد من ناحيتها يعني أول ما نوصل للجد نرجع لنقطة الصفر تاني وميحصلش أي جديد.
أنا فهمت في الأول إنها رافضة الإرتباط مني وقررت ما أفتحش موضوع الإرتباط ده تاني معاها وأشوف إيه هيحصل، كملنا مع بعض عادي وقالت لي إن قلبها مرتاح لي ولاحظت في الفترة دي إنها بتغير عليا لو بكلم حد تاني أو قلت لها إني بدور علي عروسة، بعد فترة لقيتها بتلمح لموضوع الارتباط تاني وبتقول لي إن نفسها تشوفني في الحقيقة عشان لو طلعت زي الصورة إللي واصلاها هنتجوز فورا فاتحمست إني أفتح موضوع الارتباط تاني قالت لي إنها خايفة على حسب كلامها مش خايفة مني بس من الجواز عموما وقالت لي إني كويس وناس كتير ترضى بي. فحاولت أعرف سبب خوفها إي بالظبط بس مقتنعتش بالكلام بتاعها
.
قولتلها إني مش فاهمها كويس وإن في حاجز بيني وبينها وإني فهمت إنها بتتعمد تعمل كده عشان أسيبها والموضوع ينتهي قبل ما يبدء أصلا قالت لي إنها مش رفضاني وأقسمت بكده
.
أنا عاوز أعرف رأي حضراتكم إيه؟ هل فعلا ده رفض بس مش عاوزه تقوله بصراحه؟ بس لو رفض أبسط حاجه إنها متكلمنيش وخلاص أو تقولي صراحة إنها رافضة لما طلبت منها تتكلم بصراحة.
ولا الموضوع القديم مأثر عليها؟ مع العلم إني قولت لها إن الدنيا قصيرة ولو لسه في أمل ترجعوا لبعض ارجعوا قالت لي إن مفيش 1% أمل وإنها بتخاف من الشخص ده ومش بتثق في ولو عاوزة ترجع كانت رجعت بشروطها قبل كده، وهي معتبرة إنها كانت غير ناضجة وبتندم على القصة دي كلها.
ولا هي فعلا متعرفنيش كويس وعاوزة وقت أكتر؟
أنا عاوز أعرف آراء حضراتكم إي لأني فعلا مشوش ومش قادر آخد قرار نهائي.
وشكرا جزيلا.
3/1/2018
رد المستشار
السلام عليكم ورحمة الله وبركاته
أهلا بك وشكرا على شهادتك للموقع جزى الله القائمين عليه (د. وائل) خير الجزاء عنا وعنكم،
أستغرب بعد كل ما قيل عن العلاقات عبر الانترنت على موقع المجانين على الأقل الاستمرار فيها، ذكرت شعورك بوجود حاجز بينكما وهو فعليا موجود وهو حاجز التفاعل غير المباشر عبر الانترنت؛ كي تأخذ قرارا مهما في حياتك كالارتباط يجب أن يبنى على الواقع.
لم تذكر عمر فتاتك ولعل عمرها له تأثير في قدرتها على اتخاذ القرار بتحمل مسؤولية علاقة جدية في الواقع، لم تذكر بلدها الأصلي ولعل عادات بلدها ترفض الارتباط بغير أهله مما يجعلها مترددة، كونك لست أول علاقة لها عبر النت يضع احتمال أن تكون عابثة تكتفي بحب المصريين العاطفيين بما أن العلاقة السابقة كانت مع مصري أيضا، كونها كانت متعلقة بآخر لا يجعلها صاحبة ماضي، وما المقصود في أذهان الشباب بكلمة ماضي التي لن تأخذها على كرامتك، هل شبابنا الحالي أكثر رجولة من سيد الخلق عليه أفضل الصلاة والسلام الذي تزوج أمنا خديجة وهي من سبق لها زيجتان وأبناء.
إن كنت جادا في ارتباطك بهذه الفتاة لابد من أن تنقل العلاقة إلى أرض الواقع، أخبرها أنك ذاهب في تاريخ للتعرف عليها ضمن أسرتها واطلب عنوان منزلها وهاتف والدها أو ولي أمرها، زيارة التعارف لا تحتم الارتباط، أصر أن يكون التعارف ضمن أسرتها كي لا تقع عزيزي ضحية استغلال من جانبها، وكي تتأكد من جديتها.
احزم أمرك سريعا كي تلتفت لمرضاك رعاك الله فالعيش في حالة القلق والحيرة يضر بك مهنيا ونفسيا، إن استجابت كان بها وإلا
إذا المرء لا يرعاك إلا تكلفا فدعه ولا تكثر عليه التأسفا
ففي الناس أبدال وفي الترك راحة وفي القلب صبر للحبيب ولو جفا
فما كل من تهواه يهواك قلبه ولا كل من صافيته لك قد صفا
واقرأ أيضًا:
استشارات عن الحب على النت
تعليقات الأعضاء