بين بنتين : السحاق بدءًا من العنق !

تعبت من تأنيب ضميري
 
أولا أنا آسفة لأن مشكلتي والله غريبة جدا جدا فوق ما تتخيلوا ومش لاقية حد أحكيله علشان مينفعش أحكي أصلا وتعبت بجد أنا هحكيلكم بالتفصيل وأرجوكم تستمحملوني وتسمعوا الوجع اللي جوايا،،،، أنا بنت من القاهرة في تاني سنة في كلية التجارة ومعايا واحدة صاحبتي أوي أوي عرفتها من 3 سنين بس بنحب بعض جدا وبنروح عند بعض البيت بس مش كتير أوي بس أهلي بيعتبروها بنتهم وأهلها نفس الكلام فينا من بعض كتير أوي بحس إننا توأم في الروح والله وهي دايما حنينة أوي علي وبنحضن بعض كتير زي أي أصحاب وبنحب بعض جدا بعتبرها أختي بجد وربنا يشهد بس هي من أول ما دخلنا الكلية علاقتنا زادت أكتر ببعض وقربنا أكتر من بعض وتقريبا بقينا طول اليوم مع بعض نخلص كلية ونروح البيت عندي أو عندها.
 
المشكلة بقى إني كل ما أروح لها البيت تقعد تقرب مني وتحسس على رقبتي بطريقة بتخليني أستغرب حصلت كتير وقلت عادي يعني لغاية ما اتعودت أصلا على كدا إنها كل ما نقعد مع بعض تلف إيدها على كتفي وتحسس على جنب رقبتي كتير وبعد كدا على رقبتي كلها ومبتسبش حته فيها إلا لما تحسس عليها وساعات تشدني أو تقرصني بالراحة منها، أنا كنت ساعتها فعلا بستغرب بس كنت بتكسف أقولها هو إنت بتعملي إيه أو حاجة كنت حاسة إن الموقف غريب ومحرج أصلا فكنت بقول لنفسي عادى يعني أكيد مش قصدها حاجة خصوصا أنها دايما من زمان علاقتنا مع بعض فيها تلامس كتير يعني بس مكنش بالطريقة دي طبعا..
 
بس بعد كدا الموضوع تطور شوية ولقيتها بقت تبوسني بردو من رقبتي وزعقتلها وخرجت من بيتها بس رجعت تصالحني وأنا بحبها أوي مقدرش أصلا أزعل منها بعد كدا حصل تاني بعدها بحوالي أسبوع نفس الكلام بردو وزعقتلها تاني زعلت مني جامد فاضطريت أسكت بعد كدا وقولت عادي دي بوسة يعني بس لقيتها طلعت مش بوسة واحدة دي بتبوسني كتير ورا بعض من رقبتي وأنا ساكتة علشان محرجهاش بس وصلت لمرحلة إني خلاص مقدرتش أمسك نفسي كنت هزعقلها واللي يحصل يحصل بس لقيتها بتقولي أنا بحبك أوي يا رنا فضعفت ساعتها قولت إزاي أزعقلها وهي بتقولي بحبك مسكت نفسي وسيبتها تكمل بوس بس بعدها ضعفت بجد لأنى ابتديت أستسلم ليها باستني كتير أوي ورا بعض وغصب عني دي رقبتي يعني والله غصب عني استسلمت ليها وحسيت إني فقدت وعيي من كتر منا انسجمت معاها بعدها لقيت نفسي أنها نيمتني على ضهري وهي فوقي وكل دا وأنا مكنتش حاسة من كتر ما الموقف كان غريب بالنسبالي حتى والله مش فاكراه كويس كل اللي فكراه كلامها وهي بتقولي بحبك وعماله تقولي رقبتك ناعمة وطويلة أوي يخربيت جمالها وكلام تاني زي دا كتير خلاني غصب عني تحت تأثيره خلاني استسلم ليها..
 
 اليوم عدى وروحت عيطت جامد جدا في بيتنا ووصلت لأني مش هكلمها تاني ولازم أبعد عنها وبعدت عنها فعلا كام يوم وبقت تكلمني ومردش بس بعد فترة وحشتني فلما كلمتني رديت وقولتلها اللي حصل دا غلط مينفعش قالتلي حاضر أنا آسفة وعدى فترة مش كتيره وروحتلها تاني كذا مرة ومحصلش حاجة بس بعد كدا حصل تاني وتالت ورابع وكل مرة كنت بسيب ليها نفسي بس أول مرة سيبت نفسي عشان مزعلهاش لكن باقي المرات كنت بسيب نفسي عشان بقيت بستمتع بدا أصلا.. لدرجة أنها وصلت بي المرحلة أني لما ألاقيها مبدأتش تعمل حركاتها دي بقيت أنا اللي أقعد أظهر رقبتي وأحركها قدامها وأرجع دماغي لورا فتاخد بالها إني عايزة كدا بس مكسوفة وأبدأ أشوف في عنيها ضحكت فرحة الانتصار إنها قدرت تخليني أحب اللي هي بتعمله معايا وبعد كدا ألاقيها تروح زقاني على السرير وتقولي يخربيت جمال رقبتك وتقعد تبوس فيها وتتغزل فيها وفي جمالها وكالعادة الموضوع تطور أكتر وأكتر وبقت تبوسني بطريقة شهوانية جدا فوق الوصف كأنها بتاكل رقبتي مش بتبوسها..
 
 أنا والله عارفة أنه غلط ولما بقول لنفسي عادي دا كل اللي بينا أنها بتبوسني من رقبتي يعني مش من شفايفي ولا قالعين هدومنا ولا حاجة ولا هي علاقة كاملة أصلا بقعد أضحك على نفسي علشان أرضى ضميري بس تعبت بجد والله تعبت وحاولت أكلمها وأقولها يا مي يا حبيبتى ملهاش لازمة ألاقيها تقولي أعمل إيه بس رقبتك حلوة أوي مبقدرش أمسك نفسي أنا مجنونة برقبتك يخرب بيت جمالها فأنا أقولها بس غلط تقول لي ليه يعني هو أنا ببوسك من شفايفك ولا من حته تانية عشان تقولي لي أنه غلط أقولها متضحكيش على نفسك تقولي لا إنت مكبره الموضوع صدقيني مش مستاهلة، حتى وأنا والله لسة مخلتصش كلامى معاها أصلا لقيتها بتحضن رقبتي بإديها الاتنين وبتقرب وتبوسني وتبدأ تقولي الكلام بتاعها فأاضعف تاني أاسيبلها نفسي بردو وهكذا لحد دلوقتى ولسة دا بيحصل بينا ورغم أني أوقات ببقى مش عايزة بس بضعف وبستسلم وأنسجم معاها وأبقى عايزاها تفضل تبوسني ومتبطلش تقولي كلامها دا اللي بيخليني أسلملها نفسي.
 
حاولت منقعدش مع بعض في بيوتنا ابتدت تاخد بالها والمشكلة أنها بتعملي كدا في الجامعة وفي أي مكان مجرد ما نبقى لوحدنا ألاقيها بتقرب مني وبتفكلي دبوس الطرحة وتقعد تبوسني وأنا أسيب نفسي وأسيب نفسي وأسيب نفسي بقيت أحس إن الموضوع دا بقى شيء أساسي بينا أصلا أنا تعبت وربي تعبت وخايفة الموضوع يتطور أكتر من كدا وتبوسني من أماكن تانية غير رقبتي أو أنها توصل أنها ممكن تبقى علاقة كاملة أو حاجة أنا تعبت تعبت من تأنيب ضميرى تعبت من حبي لها وأنا مقدرش أخسرها أو أعيش من غيرها،، نفسي في حل والله نفسي في حل أنا بحكي الموضوع وأنا بعيط والله أنا صعابنة علي نفسي..
 
عايزة أي حل بس يكون غير إني أبعد عنها عشان حاولت ومقدرتش
ومش هقدر أصلا لأني فعلا بحبها جدا دي أكتر من أختي دي عشرة عمري.
25/5/2018