|
| 
|
اكتئاب ولا طبيعي !!اكتئاب ومزمن كمان !
عايزة حل !!
أنا عندي مشاكل كثير أوي مع أهلي على طول خناق ومشاكل حاولت انتحر مرتين والمرتين هما يلحقوني حاليا مش بفكر في حاجة غير أني عايزة أموت أو انتحر بكره حياتي وعيشتي
أنا الحمد الله بصلي وبقرا قرآن كثير ويحاول أقرب من ربنا بس هما على طول حوارات ومشاكل سواء معي أو مع أخواتي أو مع بعض أنا لي 3 أخوات أكبر مني وبابا مسافر يشتغل بره مستوانا الاجتماعي والمادي كويس جدا بس أنا فعلا مبقتش شايفة منهم أي حاجة غير أنهم مصدر فلوس وبس,
من كثر المشاكل لما بشوف حد يتكلم عن أهله غصب عني بزعل وقلبي بيوجعني بسبب الحوارات الكثير ودلوقتي مش بفكر في حاجة غير إني أموت وبس بأي طريقة حتى لو هنتحر وعارفة إن ممكن يكون حرام بس ربنا شايف كل حاجة وشايف اللي بيحصل وإني مش قادرة أستحمل وربنا مش بيفرجها مع إني مؤمنة جدا إن هو قادر يفرجها وقادر يغير كل ده بس مفيش حاجة بتتغير غير للأسوأ وبس وتعبت من كتر التفكير في الموت والانتحار وحالياً عايزة انتحر بس مش لاقية طريقة تخليني أموت أنا مرة انتحرت بـ 86 حباية من أنواع مختلفة ومحصليش حاجة ومرة بالسكينة وبردو لحقوني في المرتين وحاليا بفكر في طريقة ميلحقونيش بيها!!
فقدت الأمل في كل حاجة حتى دراستي مهما حاولت وتعبت مبعرفش أجيب تقدير هما على طول شايفني أقل من إخواتي وعلى طول شايفني فاشلة وأنا فعلا صدقتهم مع إن هم السبب لأني كان نفسي أدخل كلية هندسة وأمي مرضيتش وفضلت أحلف إن دا مش هيحصل وفي الآخر أنا فعلا مكنتش بذاكر عشان أنا في الأول وفي الآخر هكمل حياتي في حاجات أنا مش بحبها بس هما بالنسبة ليهم أنا فاشلة لأن الناجح بينجح حتى لو في اللي هو مش بيحبه عشان يثبت للناس أنه ناجح.
بس أنا مش عايزة أثبت لحد إني ناجحة أنا عايزة أكون مبسوطة ودي حاجة أنا تقريبا مش بحسها في حياتي خالص أنا بعيط كتير أوي عشان بس صعبان عليّ نفسي لحد لما أروح في النوم تعبت من كل حاجة
ومحتاجة حل وإن حد يرد علي بعيدا عن الدين عشان ممكن أكون صابرة بس عشان مؤمنة بربنا وواثقة فيه إن هو حاسس بي وإن ده كله لو ربنا رايد يخلص على خير هيخلص.
21/9/2018
رد المستشار
الابنة الفاضلة "M" أهلا وسهلا بك على مجانين وشكرا على ثقتك ومتابعتك مع خدمة الاستشارات بالموقع.
من الواضح يا ابنتي أن خللا مزمنا يكمن في علاقاتك الأسرية وقد أثر بالسلب على التفاعلات داخل الأسرة ورغم أنك لم توضحي لنا ما يكفي من التفاصيل عن المشكلات داخل الأسرة إلا أن من البيِّن أن اختلاف الآراء والتوجهات هو الأساس إضافة إلى ما أخمن أنه حساسية مفرطة من جانبك لآرائهم المخالفة لرأيك ويبدو أن كثيرا من الصراعات أو النقاش بينك وبين أحد أفراد الأسرة غالبا ما يؤدي بك إلى انفعالات شديدة تدفعك إلى محاولات الانتحار المتكررة.
في ردي الأول عليك استشعرت وجود الاكتئاب المزمن منذ مدة ويبدو أن لديك كذلك حساسية مفرطة للنبذ ولعدم رضا الآخرين عنك... والحقيقة أن تكرار محاولات الانتحار هو أحد أهم وأخطر الأعراض النفسية التي تستوجب اللجوء إلى الطبيب النفساني لتلقي العلاج اللازم والعاجل.
كذلك من المحتمل جدا أن لديك سمات شخصية مضطربة وهو ما يستلزم علاجا كلاميا قد يطول، وإن كنا بحاجة لتفاصيل أكثر لتحديد ما يمكن أن يمثله تجمع هذه السمات المضطربة من اضطرابات الشخصية.
عليك إذن أن تسارعي بطلب العلاج من الطبيب النفساني وأهلا وسهلا بك دائما على موقع مجانين فتابعينا بالتطورات .
تعليقات الأعضاء