|
| 
|
عقدة ديانا...
الموضوع بخصوص صديقة من صديقاتي لدرجة إن أنا بلشت أعجز أعرف الطريقة ياللي بدي أتعامل معاها بداية القصة هي في مشاكل مع الأب والأب عند عقدة بنت ممنوع تطلع ممنوع تدخل فهذا السلوك وكتير تحكم الوالد بالشخص بسبب عند الإنسانة نوع من الرفض، حترفض أي شيء بينطلب منا حتى لو كان طلب تافه حتى لو كانت بدها تعمل الشغلة على سبيل المثال لو كانت عطشانة وبدها تشرب ماء وأنت حسيت قلت لها اشربي ماء حتبطل تشرب
فكرةالشخص أنا حرة ما حدا دخلو فيني حتى لو حكيت بموضوع إليك دخل مستعد تطلع مليون سبب لتطلعك مالك دخل يعني لو شخص طلب منك طلب أنت تطلب منا ورحت طلبت حتقلك هذاك الشخص من حقه يطلب مني لأن موضوع يخصه بس أنت لا يا عيني هوه ياللي طلب مني وقتا حاكيكي فيه لا مالك دخل كمان نفس الشيء إذا حبيت تطلب منك طلب بتطلبه بعدها بتسحب طلبها وبتقلك ما دخلني حابب تعملوا عميل ما حابب أنت حر
والموضوع هذا زاد بالفترة الأخيرة يمكن لأن أنا صرت أحرج أنه ليش عم ترفض مطلبي وليكك أنا عاملك نفس الشيء
بس هالطريقة بالتعامل ما بس معي
عندها نوع من الرفض للمجتمع وللعالم كلها ما بتحس ما بتحث عند أي نوع من الأنوثة لا بالعكس بتحب تورجي العالم أنو هي قوية وقد حالها شو ما صار معها لا بتبكي متل البنات حتى
كمان ما بترقص ولا بتحب تحط أي نوع من مستحضرات التجميل وهالشيء من الصغر مع أن أنا متأكد 100% أن البنت ما عندها شذوذ جنسي بالعكس بتحب الشباب
بس أن رفقة ما مستعدة تجرب أن تحب أو ترتبط وعندها رفض لفكرة أن تتجوز ما مستعدة تسألك عن شيء بحياتك برأيها هاد حشرية ولا حتى تعيد سؤالها أكتر من مرة خلص جوابت جوابت ما جوبت ما حتسأل لأن إذا سألت مرة تانية صارت هي حشرية كمان عصبية كتيير فوق حدا وتكبيير للمواضيع
سبق عند ارتباط قديم بحياتها من حوالي ال 4 أو 5 سنين ما بتحب تسمع كلمة حلوة يعني إذا قلتلها كلمة حلوة بتضايق
أولاً أنا حابب أعرف ياللي قلت طبيعي ولا أنا عم كبر الموضوع مع ،وأعز رفيقاتها اعترفت أن التعامل معاها صعب كتير وخاصة الفترة الأخيرة
ثانيا إذا معها شيء نفسي (مثل عقدة ديانا) شو هو وكيف أنا بقدر ساعدها مع العلم أن لا حتقبل نصيحتي تروح دكتورأو دوا
بس ممكن حاول معها
وكيف ممكن أتعامل معها لأخفف عنها الموضوع؟ ويا ريت بياناتي أتم سرية
وجزآكم الله ألف خير وعافية
11/1/2019
رد المستشار
صديقي
لماذا أنت مهتم بإصلاحها لهذه الدرجة؟؟
من الواضح أن لديها مشكلة نفسية ولكنك لست مؤهلاً لحلها إن كان هناك حل تعرفه.. احتمال أن لديها شخصية حدية أو شخصية متمردة على طول الخط..هي تخاف من الرفض وتخاف من أن تكون ضعيفة وبالتالي فهي متناقضة في أسلوبها وتبعد عن احتمال أن تكون في موقف من الممكن انتقاده ولكنها تفعل ذلك بشكل مبالغ فيه.
أنصحك بأن تترك لها الاختيار في أي شيء.. إن رفضت ما تريد عند السؤال مثل أن تريد شرب الماء ولكن تنكر أنها تريده عند سؤالها إن كانت تريده أم لا، فدعها تشرب أو لا تشرب... هي أيضا من ينبغي أن تختار إن كانت سوف تطلب العلاج أم لا... كرس وقتك ومجهودك للأصدقاء الذين يريدون العلاقات الطبيعية المسالمة السلسة.
وفقك الله وإيانا لما فيه الخير والصواب
تعليقات الأعضاء