|
| 
|
أختي
أختي أكبر مني بعامين و7 شهور ..... تعرضت لحادث سيارة في سن التاسعة من عمرها أدى ذلك إلى ضمور في المخ وضعف في الإبصار ..... مستمرية على العلاج بعد العملية وبعد وفاة الأم كنت أبحث عن دكتور مخ وأعصاب كويس لكي يتابع حالتها لأن كان ينتابها نوبات صرع ونادرا حالات تشنجات...... كان يساندني أبي إلى أن توفاه الله منذ أكثر من 6 سنوات المشكلة أن أسلوبها وحش جدا مع الناس بتتعامل بتعالي وعجرفة لها أخوة ذكور أكبر منها زوجات الأخوات مش بيستحملوا معاملتها لهم ولا ولاد خالاتها وأولاد خالاتها لا يطيقون التعامل معها....
هي مش شايفة أنها غلطانة في حاجة وأن هما اللي أسلوبهم وحش وشايفين نفسهم حتى لما بتمشي في الشارع بتمشي ببطئ شديد جدا ولو حد كان واقف في الشارع على نفس الخط اللي ماشية عليه بتزقه وتشتمه حتى معايا أنا أختها بتتعامل معايا أنا شغالة عندها مش عاوزة تعمل حاجة ولا تقوم من مكانها وعلى طول نايمة وعلى طول بتقول أنها تعبانة كنت بصدق في الأول وأعرضها على الدكاترة وألاقي الرد أنها مفيهاش حاجة وإن ده دلع حتى الدكتور المخ والأعصاب اللي بتابع معه بيقولي متجبيهاش أنا مش عاوز أعالجها في اللي عاملة في نفسها كده وأنا مش عاوزها تيجي مش عاوزة تاخد عالجها بانتظام ومش عاوزة تتحرك من مكانها حتى في شغلها بتعمل خناقات وكتير رفضوا أنها تشتغل معاهم لأنها مش عاوزة تعمل أي حاجة.......
في البيت الأكل يجيلها لحد عندها هي متقومش تجيب حاجة ولا تشيل حاجة.... حتى لما عملت حادثتين وآثروا على رجلي فترة يوم الحادثة أكون تعبانة وبتوجع وهي تقولي بطلي تمثيل وقومي اعملي أكل أنا مش هعمل حاجة وغصب عنك هتقومي تعملي...... أنا تعبت أنا استحملت المعاملة ديه من بعد وفاة الأم من 10 سنوات ولما بنزور أي حد ونقعد يوم واحد الكل بيضايق منها جدا هي مش متجوزة ولا أنا......
وأنا رافضة الزواج علشان هي بتتهمني إني أنا السبب في عدم زواجها لحد دلوقت لأنها هي اللي شايلة مسؤوليتي وده مش حقيقي..... بتعاملني إن المفروض أنا أعمل كل حاجة وهي لا أنا اللي أشيلها هدومها وأنا اللي أعملها أكلها وهي متشلش إي حاجة..................
غير أنها مش بتهتم بالنظافة الشخصية وإن عندها تبول لا إرادي ومش بتغير هدومها والهدوم ريحتها بتكون وحشة جدا ولازم خناق علشان تغير وبرضه ساعات مش بتغير هدومها
26/1/2019
رد المستشار
شكراً على استعمالك الموقع.
من الصعب تقييم احتياجات الأخت الفاضلة بدقة عن طريق الاستشارة، ولكن من الممكن الاستنتاج بأنها مصابة باضطراب الشخصية العضوي بسبب إصابة الدماغ وربما الصرع وعلاجه أيضاً. سلوك الإنسان أيضا لا يخضع فقط لعوامل طبية وعضوية وله علاقة مؤكدة بالظروف الاجتماعية والنفسية قبل وبعد إصابة الدماغ.
معالجة هذه الحالات يتطلب ما يلي:
١- تقييم الاحتياجات الطبية النفسية من قبل استشاري في الطب النفسي العصبي الذي سيتكلف بوصف العقاقير التي تستهدف الصرع والحالة الوجدانية والسلوكية.
٢- تقييم من قبل معالج مهني Occupational Therapistلقدرتها على العناية بنفسها فعاليات الحياة اليومية القدرة على التصرف المادي والحياة بمفردها.
٣- أخصائي في علم النفس العصبي لتقييم القدرة المعرفية وتفاعلها الشخصي مع الآخرين.
سيتكلف الفريق الطب العصبي النفسي تقييم القدرة العقلية Mental Capacity على اتخاذ القرار المناسب في شتى مجالات الحياة.
ما هو واضح من استشارتك بأن سلوكها له تأثيره السلبي على عافيتك النفسية ولابد من اتخاذ الخطوات بتسليم رعايتها إلى الجهات الطبية والاجتماعية على المدى البعيد. هذا القرار يتطلب مشاركة ومساندة جميع أفراد العائلة، وذلك أفضل ليس لك فحسب بل لها أيضاً.
لكل مجتمع ظروفه وخدماته ولابد لك من استشارة الجهات الطبية الاجتماعية الحكومية للتدخل في رعايتها. لا توجد حلول سريعة ولا عقار سحري وإنما هناك عملية تأهيل تستغرق عدة أشهر على الأقل وفي غالبية الأحيان عدة سنوات وأحيانا لفترة طويلة جدا.
وفقك الله.
تعليقات الأعضاء