مشاكل أسرية أبي وأفكاري السوداوية

تعبت

سلام عليكم من وأنا صغيرة أشعر بالوحدة بابا كان دايما يعزلنا عن الناس مانخرج ولا نروح إخواني متعقدوش زي أختي اشتغلت وبتخرج إخواني الأولاد طبعا برا البيت أغلب الوقت مكنش لي أصحاب أزورهم ويزروني مشكلتي بابا يهزئ أمي دايما ويشتم أهلها ويعصب عليها وكلام زي السم أنا كنت صغيرة بس كل ما بكبر بتعقد منه أكتر أنا بخاف بخاف أوي وبعمل نفسي مش فارق معايا لما بواجه مشكلة ما أعرف أتكلم بتلخبط وبعصب لحد ما صرت عصبية أوي حتى على بابا هو يزعق وأنا كمان بكرهه أوي آه صرت أكرهه وبأدعي عليه حرمني من كل حاجة بحبها أي حاجة أطلبها بيرفضها ماكانش راضي أكمل دراستي ودخلت كان بيحطمني ولا مرة شجعني وتخرجت ورفض أني أشتغل بيسمعني أنا وأمي دايما كلام مش كويس مع أننا إحنا اللي بنخدمه بنشوف طلباته

هو ما بيتحركش من مكانه كباية الماية بتجي لحد عنده بيتوضأ في مكانه وحمام في مكانه هو مش عاجز بس بيتعب من المشي كل حاجة بيطلبها بنعملها أنا صرت أساعد ماما لأنها هي كبرت كمان وبتتعب معاه بس هو مش بيقدر دا بيعاملها معاملة وحشة أوي هو مش راضي يجوزني أنا وأختي بيرفض من غير ما يقول لنا بس أنا بحب شخص وتقدملي ورفض بس حيتقدملي تاني وتالت هو وعدني مش حيسبني وهو اللي مصبرني على حياتي

أنا من شوية متخانقة مع بابا عشان ماما هما الاتنين نامو بس أنا مش قادرة أنام قلبي بيوجعني أوي حاجة بتنغز في قلبي على فكرة بابا مش بيحب ماما تنام معاه وهي كمان بترتاح من إزعاجه لما تنام عنده بيفضل يتكلم كلام مش حلو أو يعلي صوت التلفزيون على الآخر ماما بتدعي أوقات عليه أو عليها إن ربنا يريحها منه بتدعي على نفسها أنا ضايعة أوي وحبيبي واقف جمبي هو الوحيد اللي بثق فيه وبتكلم معاه عن كل حاجة تصير معايا بس أنا خايفة بابا يرفض تاني هو متفائل وأنا محبطة أنا كلامي ملخبط إن شاء الله تفهموني

أنا أوقات بخرج عن شعوري وبعصب عليه بس هو بيفضل يزعق وبروح أقفل على نفسي الحمام وأعيط نفسي بيروح وأفكر بأني أنتحر أنا معملتهاش بس حاسة إني حعملها يوم محكنش في وعي...
أنا تعبت أوي
8/3/2019