|
| 
|
وسوسة وخوف من التلوث والجراثيم
السلام عليكم.. من حوالي سنتين ومع بداية الالتزام الديني بدأ معي وسواس في كل حاجة لها علاقة بالدين (الصلاة.الوضوء.الاستنجاء.العقيدة...) ومرحتش لدكتور نفسي ولا حاجة بس كنت بتغلب على دا كله لوحدي مع إنها كانت وسوسة شديدة باقي من دا كله وسواس العقيدة بس والذي أحاول أتغلب عليه دلوقت، بس أنا عايزة أسأل على الوسواس الجديد وسواس النظافة التلوث أيا كان اسمه إيه بس دا فعلا أكثر حاجة مرهقة ومتعبة مرت علي...
أنا أغسل يداي بالديتول في كل مرة أدخل فيها الحمام وممكن أكثر من مرة أحط صابون يكون مغطي كل يدي مبتبقاش باينة لدرجة إن يداي بقت شكلها وحش جدا مبقتش إيد بنت أصلا من كثرة استخدام الديتول والصابون العادي مش فاهمة يعني دا المفروض يحصل المفروض عشان ألمس حاجة ممكن يكون فيها جراثيم أو أدخل الحمام أعمل في يديّ دا كله؟
بابا أوقات يدخل الحمام مبيغسلش إيده أصلا وأوقات بيفضي الزبالة وبعدها بيعيش عادي ولا كأنه عمل حاجة وبيلمس كل حاجة في البيت والجراثيم بتتنقل لكل حاجة هو مسكها... أنا بقيت يا بحط ديتول أو مثلا لو هفتح لبابا أو أطفئ النور بعده أمسك منديلا عشان ملمسش الحاجات التي نقل لها الجراثيم بيديه
أنا مش عارفة أعيش في البيت براقب كل حاجة عشان أشوف إيه اللي بقى ملوث عشان لو لمسته أغسل يدي، وفي البيت يتصرفون عادي والحاجات دي مش مهمة عندهم خالص أنا بس اللي "مأروفة" وممكن مجنونة!!
طيب إيه الحل يعني الجراثيم بتتنقل إزاي زي النجاسة كدا لو حاجة مبلولة بس بتتنقل ولا لاء؟
المفروض أتصرف إزاي عشان دا مفيش سيطرة عليه كل حاجة فيها تلوث وجراثيم يعني كدا أعيش في أوضة مقفولة ومخرجش ملمسش أي حاجة؟
حتى وأنا برا الناس بتلمس حاجات بيبقى باين قوي إن فيها جراثيم كثيرة وبعدها ممكن حد يلمسني
أو الأطفال اللي بتطلب فلوس وبيبقوا تقريبا بيمسكوا كل الزبالة اللي في الشارع وجسمهم كله متوسخ أوقات بيلمسوني لو هديهم وبعدها بفضل مجنبة إيدي اللي لمسها ومبستخدمهاش خالص لحد ما ألاقي صابون وأغسلها
المفروض دا الطبيعي؟؟؟؟؟
أنا صح؟ لو معملتش كدا كل الأمراض هتجيلي؟
أنا تعبتتتتتت والله
ممكن حد يقولي أعمل إيه لما ألاقي حاجة متأكدة أو حتى بشك إنها ملوثة أتصرف إزاي لازم أغسل يديّ؟
أنا تعبت من كثرة الصابون الذي أستخدمه ويداي اتبهدلت من كثرة غسلها، مفيش حل؟
ممكن الدكتور اللي هيجاوبني يقول لي الحاجات التي سألت عنها أتصرف فيها إزاي؟
وبعدين لو معرفتش أنا هروح لدكتور!
أنا آسفة لو كتبت كثير.
آخر حاجة.. ممكن الرد يتبعت على الإيميل لو سمحت.
جزاكم الله خيرا.
1/5/2019
رد المستشار
الابنة الفاضلة "Amal" أهلا وسهلا بك على مجانين وشكرا على ثقتك، واختيارك خدمة استشارات مجانين بالموقع.
و.ت.غ.ق (وسواس التلوث الغسيل القهري) هو أحد أكثر أشكال الوسواس القهري انتشارا في مجتمعاتنا، وهو في حالتك أحد تجليات اضطراب الوسواس القهري الذي بدأ معك بأعراض ذات علاقة بالعبادات والتهيؤ لها أي بأعراض دينية ثم استطعت كما تقولين أن تتغلبي عليها!! وإن بقيت الوساوس المتعلقة بالعقيدة معك.... وهذا معناه أن لديك مشكلة ستبقى مستمرة ما لم تعالج لأن المكافحة الشخصية للوسواس القهري كثيرا ما تخدع
هناك مقالات مفصلة على الموقع تناولت و.ت.غ.ق بالشرح والتفصيل وصفا للأعراض ولطريقة العلاج ستجدين فيها الإجابة على كل أسئلتك وأنصحك بقراءتها بتمعن:
وسواس التلوث والتنظيف
وسواس النجاسة التطهير القهري
وأما بخصوص سؤالك (أعمل إيه لما ألاقي حاجة متأكدة أو حتى بشك إنها ملوثة أتصرف إزاي لازم أغسل يديّ؟) ... فإن الهدف بعيد المدى الذي أدرب مرضاي عليه هو عدم الحكم على أي شيء بأنه متسخ أو ملوث إلا في حالة واحدة هي وجود وسخ أو تلوث ظاهر (مرئي) أو مشموم!! ومعنى هذا ألا مكان للأخذ بالشك هنا يعني ما هو ملوث يكون ملوثا بشكل يراه أو يشمه أي إنسان، وغير ذلك يتم التعامل معه بطريقة عادية كما يفعل كل الناس.
وأما بخصوص الشحاذين وأطفال الشوارع الذين تتجنبين لمسهم لأنهم كما ترين ينقلون لك الجراثيم فهؤلاء في الواقع أفضل وأصلب مناعة منك ولا يصابون بأي من الأمراض الناتجة عن التلوث وانتقال البكتريا والجرلاثيم والأمراض بشكل عام ليس إطلاقا بالشكل الذي تتخيلين وحصول العدوى لا يكون نتيجة التعرض للجراثيم المؤذية بقدر ما يكون بسبب خلل المناعة والذي يزداد مع الأسف نتيجة للإسراف في الغسيل واستخدام المنظفات والمطهرات!! هذه عبارات صادمة لك لكنها الحقيقة فالوسواس يخدعك ويجعلك أكثر إرهاقا وتعبا ونظافة كما تتصورين لكنك في الوقت نفسه تصبحين أقل مناعة وأضعف في مواجهة ما تخافين... اقرئي الارتباطات التي أحلتك إليها وستعرفين كيف!.
ومرة أخرى أهلا وسهلا بك دائما على موقع مجانين فتابعينا بالتطورات .
تعليقات الأعضاء