على العتبة الزورانية : أفكار انتحار !

أنا مش فاهمه فيه إيه ؟؟؟‎
 
 السلام عليكم، دكتور أنا كنت أعاني من رهاب اجتماعي كنت أخاف لما أتكلم مع أحد وأعرق ويدي ترتعش و .....
 
 المهم أنه الآثار ذي كلها راحت بس أنا كنت خلال الفترة ذي (التي امتدت لسنين) كنت كل ما أكلم أحد أحاول أهدئ صوتي شوي، وأخاف أنه يتسمع وكنت أرتبك جدا لما آجي أتكلم ففيه ناس كانوا يستهزئون بي ويضحكون علي معرفش ليه.
 
 بس بجد لغاية دلوقتي المواقف ذي كل ما أشوف أحد يضحك أفتكره يضحك عليّ أنا وكل ما أحاول أتكلم أحس كأن فيه حاجة ماسكة لساني مخلياه مش عايز ينطق بكلمة لا هو مش مش عايز هو مش قادر وأقعد أفتكر نظرات الناس وهي تضحك علي واللي لغاية دلوقتي معرفش إيه سببها
 
 والمشكلة أنه الموضوع مش مستمر يعني أنا مبقتش فاهمة أوقات أكون تمام فيها وأحس نفسي تمام ومفيش أي مشكلة وأوقات أكون مش قادرة أتكلم (غصب عني مبقدرش أتحكم في الشعور ذا) وأكون خلاص شويه وعايزه أعيط ومن كثر ما أنا تهت وخلاص مبقتش قادرة يا دكتور
 
 أنا بقالي ٥ سنين كده كل يوم كده أنا زهقت لدرجة أني فكرت كثيرا أني أنتحر طبعا هو كان مجرد تفكير ومجربتش الحمد لله بس مجرد التفكير بس قالقني ونفسي أخلص من القرف ده وأبقى طبيعية وكل ما أتكلم مع حد يقول لي أنت over أوي، أنت ليه بتضخمي المواضيع بس بجد مش عارفة أعمل إيه والمشكلة أني مش فاهمة نفسي أصلا.
 
 وطبعا يا دكتور أنا منعدمة الثقة بالنفس تماما
 أنا عندي ١٥ سنة حضرتك متخيل أن ٥ سنين منهم راحوا في الأفكار ذي وفي الخوف ده و.... !!!
 20/11/2019