|
| 
|
مساء الخير
لو سمحت يا دكتور كنت عايز أتواصل مع حضرتك. لو أعرف آخد رقم حضرتك عشان أتواصل مع حضرتك.
أنا واقع في مشكلة كبيرة جدا. أنا عندي 27 سنة وتخرجت من حقوق الزقازيق في 2010 ومن ساعتها وأنا في هم وزعل وضيق شديد... وللأسف لما فقت لقيت فيّ مضاعفات حصلت مش عارف هي إيه ولا تشخيصها وعلاجها إيه. هحكي لحضرتك باختصار
أنا عشت أسعد 24 سنة من ساعة لما ولدت .وكان أبويا وأمي مثاليين معي تقريبا، المشاكل كلها حصلت بعد التخرج، أبي صدمت فيه لما اكتشفت أنه مش بيساعدني في عمل الشقة أو فتح محل، وأمي بدل ما تقف في صفي. مكنتشي فاضية غير للتزعيق على أهيف الحاجات لغاية ما انشغلت عن حلمي الأساسي وهدفي في الحياة وهو أني أتجوز على 26 سنة بالكثير أوي. وطبعا قبلها لازم أكون اشتغلت وطورت من نفسي. للأسف لا حصل ده ولا ده.
وطبعا في الأول بعد التخرج كنت لسه في بداية المشكلة وكنت أخرج وأقابل أصحابي من حين لآخر.... ولكن مع زيادة الهم والتزعيق قل الخروج جدا جدا بالتدريج، وطبعا في البيت أقعد على الفيس وعملت العادة السرية من ساعة ما تخرجت حتى الآن.
المشكلة دلوقتي أني انقطعت عن أصحابي والخروج مدة كبيرة. تقدر تقول آخر سنة هي الأكثر شدة. بعد ما حصل يوم كئيب هوه الذي هدني بجد ومن ساعتها وأنا زي ما يكون أعاقب في نفسي
فدلوقتي بتواجهني صعوبات في الخروج والأصدقاء والتحولات التي حصلت... أعمل إيه يا دكتور؟ هو آه ممكن أخرج وكل حاجة بس واهم نفسي أن ممكن أتعب أو ظهري يوجعني من العربيات العربية تخبطني قبل ما أتجوز وحاجات كده... مش عارف يا دكتور أبدأ إزاي،
ألف شكر يا دكتور
عايز أتواصل مع حضرتك لو سمحت. أنا عايش وكأني ميت والله.معدتش بعرف طعم الضحك ولا السعادة
18/12/2019
رد المستشار
أهلا ومرحبا بك
أخي الكريم، إن أولى خطوات العلاج هي الرغبة الصادقة في مساعدة الذات لا أن نطلب حلولا جاهزة لمشاكلنا وبما أن ما تعاني منه يعيقك عن تأدية مهامك وأدوارك في الحياة إذن أصبح العلاج النفساني ضرورة.
سيفحصك الطبيب ويشخص حالتك وعليها يضع خطة العلاج المناسبة التي سيصاحبك فيها واعلم صديقي أن رحلة العلاج النفساني أنت بطلها الأول.
أتمنى أن لا تتكاسل وأسأل الله لك دوام العافية.
وأخيرا بالطبع يمكنك التواصل والحجز مع سكرتير عيادة د. وائل أبو هندي.
تعليقات الأعضاء