|
| 
|
زحمة حياة ولمسة اكتئاب م
أرسلت صاحبة الاستشارة مرتين متتاليتين في رسالتها الأولى لم نجد إلا علامات استفهام
؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
10/1/2020
زحمة حياة ولمسة اكتئاب
الصح غلط ..والغلط هو الصح !!! من منطلق فننسى أخطاء الماضي ونبدأ أخطاء جديدة !!
مساء الخير د. وائل، حاولت أدخل باسمي القديم وإيميلي معرفتش نسيت الباسورد والإيميل لا يعمل أعتقد المشكلة عندي أو عندكم مش عارفة اضطررت أعمل إيميل وأسجل باسم آخر... أنا صاحبة استشارة زحمة حياة ولمسة اكتئاب لقيتها أخيرا ..بس اسمي إيه نسيت أنا حاسة أني بقيت عجوزة وبقيت بنسى كتير احنا الجيل الذي سيموت بسن العشرينات حاسة أني بموووت بموت مخنوقة بأحلامي وطموحاتي أهو أنا داخلة على السنة 5 بتركيا ولسه مفيش دولة تقبلنا بس فيه صواريخ بتقع على أراضينا عاااااااادي يا ليت كانوا سابونا نموت على الأقل كنا استريحنا بدل الموت البطيء ده !!
كنت أعيط وأكلم نفسي بعدين فجأة حضرتك جئت على بالي وقلت طب ما أستشيره !! أطمئنك هي مش كانت لمسة بقت مصيبة قررت قرار هو مصيبة بس معنديش خيار آخر لازم أعمله وأخلص ومش عارفة بعد قراري ده هل حضرتك هتقبلني بمجانين ثاني أو أستشيرك ثاني أو يكون وداع نهائي ويمكن مش هترضى تكلمني بعد ما تعرف قراري مش عارفة وحتى ابن بطوطة مش عارفة إذا هيكلمني تاني ويمكن هنزل من نظركم بعد قراري !! ابن بطوطة = ابن عبد الله ما أنا مجنونة بمجانين بقى !! عموما ده قراري ولازم أستحمل !!
ببعت لحضرتك لسببين السبب الأول شكوى لربي من خلالكم يمكن يسمعني المرة دي يمكن يأخذ بيدي ويمد لي يده المرة دي وكمان عشان تكون شاهد علي أني حاولت أوصل له بكل مكان ولو سألتني ليه عملت كده هأقوله ناديتك يا ربي كثير ومسمعتنيش ومنجتنيش أنا وأولادي وعائلتي خلاص انتهت كل طاقتي بالصبر وأنتظر منك والمرة دي عاوزة إشارة لي يا ربي عشان أفهم مش عاوزة حاجات عامة وعاوزة دولة تقبلنا يحصل تحرك يطمن قلبي شيء يطمن قلبي شيء ملموس أعرف أنه هتتحل يا ربي وأعرف أنك جانبي وجانب أولادي وعائلتي سامحني يا ربي لو أنا بتكلم بطريقة زي ما ماما تقول لي الي أنت عارفها بس أنت مش بس ربي أنت ربي وأبي وأمي وأخي خالي عمي ودنيتي وكل شيء هو أماني وآسفة لو أنا تعبت أصبر ومش قادرة أفهم الغاية من وضعي هنا
عارفة يا ربي أني أنا اخترت أجيء هنا بس مش أنا التي اخترت أهد كل شيء فوقنا أنت عارف كل شيء بس أنا عارفة ومؤمنة أنك رب الأرباب ولا رب لي سواك وعارفة أنك القادر بلحظة تعمل لي كل شيء ربي عاوزة تحلها تعبت لازم بسرعة حل ربي أنت عارف قراري بس أنت عارف ليه قراري ده ساعدني بسرعة يا ربي
والسبب الآخر أطلب من حضرتك دكتور وائل أنك تحكم أو تصحح لي أفكار أو مفاهيم تحصل بيني وبين ماما وكمان قد يكون عندك فكرة أو حل أو طريقة تعلمني ياه أتعامل بها مع ماما وهاكتب لحضرتك هي عاوزة مني أعمل إيه وردي ورفضي لها وأفكاري يجوز أنا اللي غلط على الرغم من أني مش إنسانة مرنة تقبل تغير رأيها بسهولة لكن ثقتي بحضرتك وباعتدال تدينك ولا يزكي الأنفس إلا الله بس أعتقد زي مبتقولوا عندكم بمصر عارف ربنا يا ليت كانت جدتي الله يرحمها جمبي كانت لقت لي حل وخلت ماما تساعدني من غير ما تتدخل بحياتي كده
قرررت .................
أني أبقى مسيحية أيوه مسيحية ناس كتير عملوها وسافروا عن طريق الكنيسة من غير فلوس بس لازم تغير دينك وعموما أنا فكرت بكل شيء لو طلبوا مني أشرب أي شيء هرمي من فمي من غير ما يلاحظوا ولو طلبوا آكل لحم الخنزير على جثتي طبعا سأقول لهم أني نباتية وسأعلم أولادي طبعا وعموما هم بس هيقرونا الإنجيل الذي صدمت صدمة كبيرة أوي لما عرفت أنه شبه سور القرآن الكريم !! بس طبعا محرف أو مش متأكدة من ده مع أننا بنقول أننا نؤمن بكل الكتب السماوية ازاي نؤمن بشيء لم نقرأه ! وعموما أنا أحب ربي والله أحبك يا ربي سامحني يا ربي وقلبي بين يديك وعارف أنا مؤمنة بك أنت وحدك ربي ومؤمنة بنبيِّ محمد صلى الله عليه وسلم وسامحني يا ربي
دكتور وائل أنا مش قررت القرار ده لأني مكتئبة أنا مش مكتئبة ومش هأروح لدكتور أنا مش محتاجة دواء !! أوكي ممكن أكون مكتئبة بس أنا مكتئبة لأني مش بسافر عاوزة أسافر يعني اكتئابي ده مش ناتج عن خلل بكيمياء المخ !!
لسة بعيط لما بخاف أعيط وأعيط بقوة وبفترات متباعدة لما أحس بخوف من بكره أستخبى لوحدي وأعيط مش لازم حد يشوفني وبالذات زوجي لما يشوفني منهارة وبعيط بيجي يعيط جمبي وينهار أكثر بدل ما يقويني أو يشجعني قال إيه عشان باخد قوتي منك !! وحاجة ثانية بتخليني أعيط لوحدي أتضايق جدا جدا لو بعيط وحد حضني أنا بحب الحضن عادي بس لما أكون قوية معرفش بحس ...................................................................
في شيء كذبت على حضرتك فيه أو أخفيته عليك نفسي أتكلم مع حضرتك بصراحة بس خائفة من صراحتي أفضل أكون مخفية خلف حروف كلماتي ولا مش خايفة مممكن جدا حضرتك ترفض أني أبعث لمجانين ثاني عشان كده هي بايظة بايظة بصراحة يا دكتور وائل أنا مش سورية يا ليت يا ليت أكون سورية كان زمان بقى حظي حلو كل حاجة لهم بصراحة وبكل الدول مش بس هنا مسموح لهم يشتغلوا ويدرسوا ومساعدات مالية ويتنقلوا بين المحافظات بسهولة والجنسية يحصلون عليها بسهولة ده غير السفر السريع كل الدول تقبلهم كندا أستراليا فرنسا ألمانيا وغير وغير زوجي كان بيحكي لي النهاردة كانوا واقفين هو وصديقه قدام باب مدرسة الأولاد جاء رجل سوري مثلنا مقدم على اليوان سأل زوجي وصديقه بعد ماشفاهم عرب زيه أنا زيكم يوان وعندي استيطان دولة فرنسا بس الأمنيات كلموني على جنسية يا ترى يؤثر عل ملف اليوان !!! محتار يا عيني ربنا يرزقني حيرتك يا شيخ فيه كده يا ربي ليه يعني ليه هم يا حرام يا عيني عندهم حرب وبيموتوا واحنا إيه مش بشر مش عندنا أولاد وعائلات طب شوية عدالة نقسمها بين الكل حلو برضه والله مش يوقف الكون بالعكس هيعمر بينا وآه آه أنا بنق على السوررين ليه ليه هم أقصى فترة سنة أو اثنتين يسافروا غير الجنسية !! احنا كمان بشر زيهم وألم وبس !!
عموما أنا يا دكتور من دولة ربنا غضب علي فخلاني أتولد بها أنا أكره البلد اللي أنا اتولدت فيه مش موجودة على الكرة الأرضية متحاولش تدور عليها أنا من حدائق السفانا المطلة على جنوب شرق غرب الأهرامات من ناحية كوكب الوطن العربي المظلم البائس بنت كنغر أغا عيلة مشهورة هناك تحسهم كده بني آدمييين وعندي ...
أنا عندي مملكة صغيرة على قدي وعندي شعب جميل وعندي جيش بس معنديش موارد مالية صفر بمعنى صفر خلصت ما هو حتى لو تل يخلص 5 سنوات وممنوع الشغل لينا وعلى المصريين اليوان بس مصريين غير اليوان مسموح ما علينا برضه بتصرف علي دولة ماما هانم متكفلة بكل مصاريفي وطبعا لازم أكون زي ما ماما عاوزة وإلا تتقطع المعنوات المادية وده السبب الأول اللي خلاني أفكر بأني أعمل اللي أعمله هي سبب خلينا نشوف لما تعرف هتقدر تعمل إيه وهتحميني إزاي ست ماما ما علينا أنا تزوجت بسن 15 سنة وخلفت بوجي وطمطم أقصد عبد الرحمن الكبير وطه الصغير وعندي ليلو أرنوبة رفيقة الدرب وعندها 3 أخوات بس ماتوا بالطريق لما جئنا هنا وكان وجع لقلبي جدا وتجربة قاسية جدا وعندي ماكس قط والمدام بتاعته تركية الأفندي تعرف عليها هنا ماسة هانم وعندهم 4 أولاد "توتو ولولو وأناناس ومشمش" وعندي أربع سلاحف مايكي ودونا وليو ورافا وبس دول شعبي ومملكتي الصغيرة ... أنا بحب عائلتي جدا ونفسي أرجع أحس بالأمان ثاني والاستقرار أنا إنسانة مبعرفش أعيش من غير ما أستقر مش مهم أكون مرفهة بتأقلم بسهولة مع حدود استقراري بس أستقر أهم حاجة عندي وأنا مش مستقرة خالص خايفة مرعوبة من بكرة وعلى أولادي ومن أني أكبر بسرعة من غير ما أحقق أحلامي
لما تزوجت فرحت جدا أني هاسيب الدراسة وسبتها لكن بعد ما خلفت قررت أرجع أكمل دراسة بتسموها بالمصري من منازلهم المهم نجحت من أول دور الحمد لله وأخذت الثانوية العامة ومعدلي كان يدخلني حقوق أحب أحلل الأشياء وأستنتج وأتوقع وأحب أساعد الناس المظلومين ومبخافش من أي حد أقول ما في قلبي وده سر خلافي مع بقية عائلتي اللي مش عاوزة أتكلم خااالص وبحب الصحافة والإعلام أكتب يعني أحلام هبلة وعندي مدونة للبنات بس كنت بكتب فيها عن المكياج والعناية واللبس والشنط عالمي الجميل الثااااااااااااااااااااااااني آاااااااااااااااااااه تصدق اشتاقت له جدا جدا من 7 شهور وأنا بعيدة عن القناة والمكياج ده غير صحيت الصبح قصيت شعري ولادي ومش عارفة مضربش نفسي ليه عملت كده معرفش بس ده مش اكتئاب وأحتاج دكتور أنا زي ما قلت
المهم أنا كنت أعيش مع زوجي بمحافظة بعيدة عن المركز ماما وجدتي الله يرحمها عايشة هناك فرحت هناك عندهم أذاكر وأمتحن وكمان ولادتي هناك فلازم أمتحن هناك المهم في الآخر لا دول قبلوني ولا دول قبلوني أقصد المركز ولا المحافظة اللي عايشة فيها مكانش قدامي غير الجامعة الأمريكية وربنا أكرمنا وجدتي الله يرحمها معارفها وواسطة واشتغل زوجي مدير قسم الاستشارات الهندسي فالكل ساعدني وأنا ساعدت نفسي ومن قبلها ربنا سهل لي أموري تعرفت بالصدفة على أمازون وبقيت أصمم تيشرت نسائي ورجالي وأطفال وبقيت أكسب وأخذت كورسات بالبيع بالتجزئة وبقيت قائد المجموعة ده غير كورسات التنمية البشرية اللي مش نافع ولا حاجة إيجابية معي دلوقتي
المهم ومن هنا على شوية من زوجي لأننا أسرة برضه وفي احتياجات ونظام معين للعيشة آه آه افتكرت حياتي المهم وشوية من جدتي الله يرحمها ومن سميراميس عمتو "أخت جدو" الله يرحمهم وماما دفعت أقساط الجامعة السنة الأولى كانت لازم أتعلم إنكليزي وأمتحن التوفل وامتحنت ونجحت من الدور الأول طبعا كانت جدتي جمبي هي وسمسراميس عينهم على أولادي وزوجي وعليّ وقبلت بقسم إدارة الأعمال ولسه ببتدي ابني اتخطف وكوزي ..................... المهم
جينا هنا ........... وكل حاجة راحت قلت نبدأ من جديد شكلها مفيش جديد
ولما جيت هنا كل الحاجات الوحشة حصلت جدتي ماتت حبيبة قلبي ماتت من غير ما أشوفها وأحضنها وأبوس يديها وأموت معها ولما عرفت قلبي وجعني جدا ومن قبلها سميراميس قلبي اتوجع جدا عليهم بس دي إرادة ربنا الله يرحمهم دكتور وائل أنا بكره الموت أوووي وبخاف منه ومش عاوزة أموت ولو أموت عاوزة أموت مع أولادي كلنا الأربعة وحيواناتي كمان أنا مقدرش أعيش من غيرهم بس مش بكره لقاء ربنا لكن بعد العملة المهببة اللي أنا ناوية أعملها مش عارفة إذا هيسامحني ولا لا بس أنا تعبت
..............................................................................................................
هاكتب لحضرتك بعض من أفكارنا أنا وماما وحضرتك احكم أو صحح لي : أنا إنسانة أحب الحياة وأحب السلام وأحب أكون إنسانة مش مؤذية لمن حولي أساعدهم لو أقدر أحب أصحابي جدا وهم مصريون وأغلبهم أولاد بعضهم متزوج وبعضهم لا وبنات وعائلتهم طبعا "عبر النت" لي سنوات معهم وكلهم بصراحة جمبي وأحكي لهم عن عمايل ماما ودعمهم لي وأنا كمان أدعمهم، أحب ديني بس مبحبش الشيوخ أحب إبراهيم الفقي الله يرحمه وتعلمت منه كثيرا ودرست كلامه وحاليا أحمد عمارة مبحبش أفهم ديني بشكل عميق وأبحر فيه ومش مطلوب مني أفهم ديني كله ممكن مع الوقت أفهم مش عارفة إذا فهمتني أقصد حكاية "الحلال والحرام" مين قال حلال ومين قال حرام ميمكن حلال أو العكس ليه لازم أعرف كل واحد وظروفه أنا مش ربنا أنا عبدة وهو عارف ده مش صبورة خاااااالص عجولة جدا لكل شيء ما هو مفيش وقت بحب أشوف وأعرف ربنا خلق إيه كمان نفسي أكتشف أشياء جديدة أنبهر من جمالها وروعتها وأتعرف على ناس جداد وأتعلم أشياء جديدة
ماما بقى شايفة أني عورة المرأة الجميلة بتغري الرجل والمرأة مينفعش تناقش لازم تقعد بالبيت مش وقرن في بيوتكن أنا مش حافظة الآية بس هي قالت لي الآية عشان متجلبش النظر ليها لازم أقعد بالبيت حرام أتعلم حرام أعمل لا يجوز شرعا المرأة تعمل حرام الاختلاط والله دي أفكارها حتى اليوتيوب شايفاه حرام وأني لازم أتحجب ولازم ألتزم بالصلاة ومينفعش فيه كلمة قالتها آه أجهر يعني أعلن أو أعرف الناس بقلعي للحجاب إذا بليتم اعملوا ستار أو بمعنى استروا أنفسكم أنا عارفة هي نص آية بس أنا نسيته هي حافظة فأحاول أشرحه لحضرتك العائلة متعرفش أني قلعت الحجاب جدتي الله يرحمها بس وماما وأخي وطبعا ضد فكرة سفري لأني هنحرف وقالت لي أنا الكلام ده ميعجبنيش هترجعي تتحجبي وتلتزمي بالصلاة ...طبعا تهديد واضح وصريح يعني لو معلتيش اللي عاوزاه ممكن أقطع الإمدادات !!
ساعات أرد عليها بهدوء بس المشكلة أنها شايفة إنها صح وأنا غلط ولازم أعترف وأتبع أحسن القول وتكتفي بأولي الأمر بس أما مخها مبتفكرش فيه بتتبع بس وبتنفذ بس وإيه مين ولي الأمر ده اللي لازم أسمعه وأتبعه شيخ عنده ذقن مرعبة وخارج يهدد ويتوعد ويحكي كلام وقصص كلها رعب وخوف وقبر وعقارب إيييه ليه أتبعه مين قال كلامه وقصصه صحيحة مش يمكن محرفة أو مؤلفة ليه أتبعه واخد توكيل من ربنا ؟؟ يحدد ده حرام وده حلال ده يخش الجنة وده يخش النار ؟؟ ومصدقة نفسها كلنا عارفين الحلال والحرام وبنروح نعمل الحرام ومبنعملش الحلال أبدا
وتطلب مني ألبس اللبس الشرعي اللي اسمه بالمصري إيه جلباب وممكن جيبة أو جيب أو سكيرت احنا بنقولها تنورة نقي اللي يعجبك بقى بس عريضة عشان أقع أتكفي على وشي قال عشان أستتر مكونش إغراء للرجل وفتنة وعورة !! طول عمري ألبس الجييز وألبس تيشيرت طويل بس هنا وبالعند فيها بقيت ألبس قصير كنت أشوفهم برمضان صايمين لكن لابسين كات وبرمودا ومعندهمش حروب ولا عندهم قتل ولا عندهم اللي حضرتك بتسميها إيه آه ملوخية مازوخية ومثلية ومحارم ليه وسألتها مكة بتتملي بملاييين الناس يعيطوا لربنا ويلبسوا لبس شرعي ويدعوا بحرقة ومع ذلك مفيش أمان ولا سلام بس موت ودم احنا دمار وهم عمار !!
سنيين بيكرروا علينا حرام حرام حرااااااااااااااااااااااااااااااااااااااااااااااااااااااام ومحدش بيعمل غير الحرام
أنا بلبس الجيينز لأنه عملي وسهل وسريع ساعات أحتاج أنزل بسرعة أعمل مشواير وهنا أحتاج أمشي كثيرا معاملات شهرية ويومية واحتياجات البيت الطرق بتكون ساعات عبارة عن تلال تخيل بقى كده واحدة بتمشي ولابسة جيبة وقعت كده تبقى إيه اتسرت تبقى بث حي عربي مكسيكي مدبلج بينما الجيينز والله أستر وأشيك كل أذان وله وقته وقتنا كده وعموما الرجل العربي المتأسلم مش بيقف قدامه لا جيبة ولا جينيز الرجل يقدر يحدد تفاصيل جسد أي ست تعدي من قدامه وده كلام الاولاد نفسهم يبقى أتستر ليه !! ما هو معقد ومكلكع بيطلع عقده على أمه وأخته وعلى الستات الجهلة اللي مصدقين أولي الأمر
كل المشاكل اللي عندنا بيسبوها وبيمسكوا بالمرأة جسد المرأة عورة العورة رائحة المرأة وكله حرام ... أخي عمل ذقن وبقى يدرس بالمسجد فقه الفقه اللي هو كله حرام حرررررررررررررررررررام لا يجوز وأنا أخوك أكبر منك وأعرف منك وأنصحك وقرأت حرااااااااااااام لا يجوز شرعاااااااااااااااااااااااااااااااااااااااااااا
أخوي دكتور تحليلات مرضية على نفس العيلة المنيلة بستمائمة نيلة وبيشتغل وبيدرس عاوز يجيبني مصر عشان الأزهر اللي لا أحبه ولا أطيقه وعلى جثتي آجي مصر لأن ده معناه مفيش لا حرية ولا أحلام لازم أسافررر لازم لازم مفيش حل تاني
ماما لبست الميني جيب وكانت بتحط مكياج ووبتصيع ومحدش كلمها وعاشت واتبسطت وخالاتي كمان ليه أنا حرام !! عاوزاني أقطع علاقاتي بكل أصحابي على النت وهنا اتعرفنا مع مرور الوقت هنا على شلة كلنا لاجئئين وعوائل وعموما ساعات نخرج نعمل بكنك صغيرة نفرح الأولاد ونشم هواء ونفك عن نفسنا بدل البؤس والحرمان اللي إحنا فيه عشان بس متحررين !! لازم تعرفي أنت من عائلة محافظة مش متحررة !! أوكي مفيش اعتراض وعمري عمري ما عملت شيء يدل أني مش من عيلة محافظة علاقاتي بأصحابي بحدود الأدب وكلهم إخوة لي بعضهم أكبر مني وبعضهم أصغر تعرفت عليهم على النت بس جدعان مش من إمبارح أعرفهم من سنوات وأي حد يعمل حاجة مش عاجبني أسنكحه أو أطيروا بلوووك وخلصنا !! وزوجي عارفهم كلهم وعارفينه !!
مبخرجش هنا من غير زوجي إلا ما ندر لو فيه عندنا مشواير كثيرة ووقتنا محدود بنعمل أنا وهو كل واحد شيء وبنتفق نتقابل فين زوجي تعبان ولازم يحس إني أنا جنبه وأنه يقدر يعتمد علي هناك ممكن كل حاجة تكون عليه هو طب إزاي نسيب البيت يضيع الحياة صعبة أهلي كانوا بيخافوا عليّ جدا وممنوع نخرج وحتى جدتي حبيبة قلب قلبي الله يرحمها كانت بتخرج هي وتتعب هي وماخرجش أنا اكوزت وأنا مش فاهمة أي مسؤولية ستر ربنا بس أني قدرت أقف على رجلي ومعرفتي بحضرتك وابن بطوطة كانت نقلة كبيرة بحياتي ومجانين وأشياء أخرى ..
عاوزة أحفظ القرآن ليه أحفظه ! مفيش نص قرآني لا حديث قال لازم نحفظ القرآن إيه الفائدة من أن أحفظه !! آيات قرآنية إعجاز علمي بليغ نحوي فصيح صعب ليه أحفظه !! هي بتحفظه حاليا سابت شغلها قدمت على المعاش المبكر وقعدت تحفظ أوكي حلو بس أنا ممكن أقرأه بس أو أسمعه بركته تحل علي وعلى البيت أعمال كثيرة لو عملتها ممكن ترضي ربنا علي وممكن يرضى لو قرأته أو حفظته اختار أي واحدة وكلها هيقبل بها ليه لازم أحفظه ؟؟ بسبب زنها بالحكاية ذي بطلت أقرأ قرآن والله ولا أسمعه بقيت بقيت أتنرفز لما أسمعه ولما قلت لها ماما ارحميني كفاية تكرري الكلام زهقت وبقيت أتضايق قالت لي أنا لازم آجي وأدور لك على شيخ يبقى مصيبة تكوني راكبك عفريت !! ده تفكيرها إزاي وليه بقت متزمتة جدا
أنا لا يمكن أتحجب ثاني لا يمكن ولا يمكن آجي مصر دي خطر علي برضه وكده هبقى طول عمري تحت رحمتها أنا طول عمري كنت جمب ماما وعمري محاسبتها على أعمالها حتى لما حصل طلاق بابا وماما اللي فضلت فترة طويلة رافضة أقتنع بي وكنت أعيط وأحس روحي بتتخنق بس مكنتش بجرحها أو ألومها أنا وأخي كنا جمبها ولا سألتها ليه لأنه أسبابه نوعا ما أعرفها ورفضت وجود بابا بحياتي ثاني وقطعت علاقتي به من وقتها حتى ميعرفش أنا فين وإيه أخباري ولا شاف أحفاده يمكن عرف بهم سأل حتى لما أمه ماتت طلب أروح أشوفها قبل ما تموت ورفضت وماتت ومرحتش كل ده عشان مين عشانها وبنفس الوقت خلافاتي مع بابا لا عارفة أفهمه ولا هو عارف يفهمني أنا عاوزة بابا بنكهة جدتي الله يرحمها يقبل ويوافق على أي حاجة أعوز أعملها ويسمح لي أجرب أي شيء في الدنيا إن شاء الله أقتل أو أحب أو أسرق أو أي حاجة تيجي على بالي أعملها من غير ما يعترض عارفة عارفة مش موجودة غير بكارتون عارفة فعشان كده مفيش داعي لوجوده بحياتي وأكتفي بكارتون مع أن شكل البابا ده موجود بدول برااااا عادي وهم أسعد ناس وعموما بابا مش مشكلة خالص بحياتي أنا بس فكرتها بوقوفي جمبها فكرتني بالمبالغ التي صرفتها وتصرفها !! يبقى الحل أسافففففففففففففففر أسافر.
بقالي فترة أحس بصداع جامد صاحبتي قالت لي ده جيوب أنفية بسبب البرد عندنا برد قااااااااااااااااااارص مع العلم عمري ما اشتكيت من ده وعندي ألم ببطني مزعج بصراحة لو حضرتك فتحت يديك راحة اليد فوق منطقة الصرة طبعا بمجرد أحط يدي بتوجع ده غير مليش نفس آكل ولو أكلت أشبع بسرعة والألم عامل كده زي إيه بيمشي بيروح للظهر بينزل لنهاية الفقرات وذي أول مرة أشتكي من ده !! عارفة عارفة مفيش تشخيص كده بس أنا مش هاروح لدكتور يا دكتور حضرتك دكتور وعارفة والله حضرتك طبيب نفسي وعندنا الطب بتدرسوا كل حاجة وبعدين تتختصوا فخلاص حاول تعرف ما هو أنا بصراحة أخاف أروح لدكتور وتطلع مصيبة وآه أنا عندي القولون ممكن يكون هو يمكن صح ؟ أهو شخصت ولا مشختص يا دكتور ؟؟ من حوالي شهرين كده كنت عملت رنين مغناطيسي مش اسمه كده برضه البتاع ده اللي بيدخلونا فيه المرعب ده المهم أعتقد قلته صح كامل من بداية رأسي للرجل والحمد لله مفيش حاجة وقعوا قلبي برجلي أولاد .................... قلت العيال هتتتيتم وطلع التهاب بسبب شعر ست ليلو بيدخل بفمي ونزل لجسمي ونصحوني أطلعها بس بقيت أقلل قربي منها وساعات كانت تنام جمبي هم كلهم ينامون جمبي ساعات أحتاج نفسهم وروحهم معي وخصوصا القطط لو عيطت يحسوا والله ويضحكوا وزوجي بينام بالهول وعندهم بيوتهم دول أحسن مني مستقرين أحسن مني عنهم أوضه خاصة لهم وبيون ملك محدش يجرؤ يخرجهم مش زينا ..
أنا نعست جدا الساعة 4 ليلا بكتب من 1 لغاية دلوقت وعندي صحون بالمطبخ ولازم أطبخ يلا مش هاطبخ هاعمل إضراب مفيش وطن مفيش طبيخ أو نعمل بيض خفت تتقفل صفحة الاستشارات لو فضلت لبكرة وملحقش أكتب ويمكن دي آخر مرة أكلم حضرتك وابن بطوطة يعني بسبب قراري لو أنتم قررتم متكلمونيش ثاني مش عارفة مش خايفة أتمنى أنكم.................................................................................
بس عموما مش مهم أنا مش هازعل عارفة اني اللي بعملوا غلط وله نتيجة بس لازم أكمل وأحقق حلمي لازم أكمل
د. وائل كنت عاوزة أطلب من حضرتك طلب وأستحلفك بربنا لو حضرتك شايف أني بكفر وأني مينفعش تظهر استشارتي على مجانين عادي حقك مش هتضايق ولو حسيت أن حضرتك غضبت عليّ وده عشان دينا عادي حقك بس أرجوك أرجوك لطفا بلاش تكون قاسي بكلماتك علي مش مستأهلة أنا عارفة أنه غلط ممكن متردش وخلاص.
10/1/2020
رد المستشار
الابنة الفاضلة "LE LE EEE" أهلا وسهلا بك على مجانين وشكرا على ثقتك، ومتابعتك خدمة استشارات مجانين بالموقع.
أوحشتني كتاباتك يا ابنتي من زمان يمكن 9 سنوات وأنت قليلة الكتابة لمجانين...... أنا طبعا عرفتك وعرفت بلدك الجميل الذي تمنيت زيارته ولم تتحقق أمنيتي بعد...... لكنني واثق أن الله لن يحرمني زيارتها...... وتذكري أنك دعوتني أنا وابن عبد الله لنزوركم ولكن ذلك لم يتيسر...... وأنت هربت مع الهاربين من الحرب الضروس التي ما تزال طبولها ترن !! رغم انتهاء الحجج.
لا أظن اضطرارك للكذب بشأن ادعاء دين غير دينك في مثل ظروفك جرما كبيرا وشخصيا وإن لم أكن أهلا للفتوى أحسبه يجوز في ظروف معينة أن يظهر المسلم غير ما يبطن...... وإن أحزنني أن الدول الأوربية تفعل ذلك رغم ادعائها العدل والمساواة في الفرص...... وقد كانت السعودية قديما كانت تفعل نفس الشيء عند استجلاب العمالة من بلاد جنوب شرق آسيا...... لكن السعودية لم تكن تدعي أيامها لا عدلا ولا مساواة وإنما كانت تعلن أنها تفضل المسلمين...... هذا لا تفعله دول أوربا فهي تعلن قيما ومبادئ وتنفذ غيرها.
السؤال المهم الذي يجب أن تتأكدي من إجابته هو إلى أي مدى سيكون الحال بالنسبة لك ولأعضاء مملكتك الصغيرة في بلد المهجر الأوربية أفضل مما هو الآن في تركيا ؟؟؟ هل تأكدت من خبرات السابقين أي الذين هاجروا هناك خاصة من أهل بلدك ؟ هل هم سعداء أم لا ...... هل يجدون تمييزا ضدهم أم لا؟؟ أرجو أن تتأكدي من هذا.
وما يزال الصراع القديم بين "........." وأمها "............" والذي بدأ على صفحات الفيس مستمرا إذن !! "ماما" هي "ماما" ...... لكن يبدو أن ما تعرضت لها عائلتكم من مآسٍ متتالية قد أورثها مزيدا من التشدد في الدين والذي لا يستقيم معه مرحك وانطلاقك رغم أنه تهذب كثيرا عن ما كان...... بصراحة أستغرب أن هناك من ما يزال يعتبر الملابس قضية كبرى ووقود صراعات خاصة بعدما هجرتم من بلدكم وأصبحتم تعيشون في بلد منفتح كثيرا وقليلا ما يهتم الناس فيه بمدى مطابقة زي المرأة للمشهور أنه شرعي وكأن ما عداه باطل كله بلا مناقشة....
"ماما" هي "ماما" ولا أتوقع أنها ستتغير أو تغير رأيها وأنت الآن امرأة ناضجة عليك أن تكوني أكثر دبلوماسية معها يا ابنتي
ومرة أخرى أهلا وسهلا بك دائما على موقع مجانين فتابعينا بالتطورات.
ويتبع >>>>>: زحمة حياة ولمسة اكتئاب م1
تعليقات الأعضاء