أبي رجل عسكري نرجسي .. إلخ.

سلام عليكم
 
والدي رجل عسكري ذو شخصية نرجسية ولما قرأت بالموضوع أكثر لقيت أن كل صفات ثالوث المطلم منطبقة فيه ويستخدمها، أنا عندي ٣٢ سنة ويتحايل علي في كل شيء من صغري علشان يستخدمني، واللي خلاني أطالب أنه يقف عند حده أنه سوء لي علاقتي مع أهلي علشان يظهر هو اللي صح مع العلم أنه مكشوف لأخواته وأهل والدتي لكن عمرهم ما عرفوا يتصرفوا معاه
 
 وطول عمره يؤذينا وجاب لوالدتي الصرع من ١٥ سنة، حاليا هو بيلوي ذراعي بالهجر وبيستخدم إخواتي علشان ميتقدمش معايا لعروسة إلا لما أشوف طلباته، عاوزني أركع له وأقبل بكل اللي سببه لي
 
 وطبعا هو منطقش بكلمة لكني فاهم كل حيلة وأعمامي يدعمونني أني أثبت لكنهم ميقدروش يقفوا قدامي، وتسبب في خراب عيشة أختي بردوا وتطلقت وأنا الابن الكبير وخلى سيرتنا على كل لسان
 هو كل اللي يهمه نفسه وأنه ياخد فلوسنا سواء أنه ميصرفش عليهم وأنا اللي أصرف ، أو أنه يبخل على البيت بمصاريف الأكل والعلاج حتى لأمي
 
 طول عمري قدمت له وقتي وفلوسي وأنه يقعد يركبني قدام الناس، لحد ما تسبب لي في مشاكل مع أخوالي بسبب خطوبتي وفتحوا علي باب مالوش آخر.
 
 أبويا من النوع اللي لما بينكشف بيعاند ويلوي الذراع وبأساليب الواحد مننا يترفع أنه يستخدمها
 
 أنا بستشير حضرتك
 لو فيه عند حضرتك حل يا ليت أقابلك في القريب العاجل بإذن الله
 17/1/2020