خفة دم ويمكن قلق لكن وسواس لا ؟

 #عاجل دكتور وائل لوسمحت أفكار مزعجة مش بتنيمني
 
 هاي شكرا ليكم للموقع نصحتني بيه صديقة قالت لي دكتور وائل هو متخصص موسوسين هحاول أختصر لك مشكلتي أنا موسوسة ومرحتش لدكتور مش مقتنعة إني موسوسة خالص أنا أكره الوسواس ده لأنه غلس وسخيف وحاجة مقرفة عاوزة أخف منه من غير دواء عاوزة يختفي
 
 يلا نبدأ .... سني 22 مخطوبة بس بفكر أفركش نمت صحيت لقيتني مش مقتنعة به من كل حاجة حرفيا ده اللي حصل اكتشفت إننا مختلفين في كل حاجة !! هو مش متأكدة إذا فيه وسواس بمسألة الارتباط الفكرة إني مش عارفة أوصلها بصراحة مش عارفة إزاي دكتور نفسي يعرف يعالج نفسي من غير ما أكون أنا نفسي عارفة أفهمني مش عارفة فاهمني دكتور وائل ؟؟ هحاول أفهمك بس أرجوك افهم اللي بقصده بحس أن الكواز وساخة.
 
 أنا بخاف من السكينة بحس أني سأرتكب جريمة قتل أو أقتل أحد من أهلي لما أمسك السكينة وأساعد ماما أنا بعرف طبعا أستخدمها فلما بامسكها بحس هاقتللللللللللللها هاقتل أمي هو بيجي يقولي كذا وبحس مش بسيطر على نفسي فبخاف فبرميها لكن ساعات مبستسلمش للفكرة وأحاول وأنجح... ساعات أزقها بعيد أو أفكر بحاجة ثانية بنفس اللحظة التي تجيئ الفكرة الزفت الهباب ذي أنا أكرهها حقيقي أكرهها ذا صعب ومخيف حقيقي بس قلبي بيدق وبستغرب نفسي وبخاف مني وأخاف أستسلم.... لا لا لالا ... طبعا ده جنووون
 
 أنا بخاف من كل حاجة تقريبا مثلا لو فيه لقطة بالفيلم فيها موت مثلا أبو البنت يموت أبوها في الفيلم أقول بعقلي أو يعني الفكرة تيجي وتقول بعقلي أنت كمان هتعيشي اللحظة ذي وبابا هيموووت وطبعا أخااااااف جدا وأقعد أعيد وأكرر لا لا لا ده فيلم مش هيحصل والغلس الجبان العبيط بيرد علي قصدي الوسواس بيفضل يعاندني يقول لي لا هيحصل وأنا أقول له لا ....عبيط أوي وغلس ساعات بسيبه يعدي يروح بس بيضايقني طبعا كل الأفكار بتيجي مع أي أفلام وطبعا فيه عني مثلا هأموت وأنا بولد بنت خال ماما حصل فيها كذا بتيجي فكرة غلسة تقول لي أنت كمان هتموتي ليه ليه ابعدي يا زفتة خلاص مش هتكوووز .
 
أخاف من القبر بخاف من المووووووت مش عاوزة أموت بموووت رعب من فكرة التراب يتحط علينا ليه مبندخلش في صندوق وندخل القبر ليه لازم تراب أنا مبحبوش مش هنحس بيه يعني مش هنبقى حاسين باللي حوالينا بس مبنقدرش نتحرك !! مرعب مرعب أوي ؟؟؟ إزاي يا ربي مش عاوزة أموت ويتحط علي تراب بخاف من العقارب أو الحية التي تطلع في القبر ليه نتعذب في القبر ليه ؟
 
قلبي بيدق جامد وبحس بحرارة ويدي تعرق ورجلي وأخاف من الأمراض التي تجيئ للناس خالتي عندها كانسر ربنا يشفيها ساعات بتجي الفكرة المشؤومة ذي وبترعب موت وأبعدها بس بتفضل وبقيت أقول لها خالتي بقى فيها كانسر فداء ليه عشان أنا ميجنيش وبخاف من كل الأمراض أنها تيجيني بخاف منها وخالي كمان أصيب بالكانسر لكن توفي الله يرحمه فبقيت أقول هم جاء لهم الكانسر عشان أنا ميجليش معرفش ساعات يروح وساعات يرجع يعند معي وبرد عليه بأفكار تكون إيجابية يعند ويرد لا لا لا هيجرالك بقيت أخاف من الإصرار ده!! ممكن يحصل ؟؟؟ لو هو أصر أقصد الفكرة التي تدور وصوتها الزنان الغلس ممكن هو ينتصر علي ؟؟؟ لوسمحت يا دكتور جاوب على سؤالي ده ؟؟؟ عشان مش بنام
 
 بالفترة الأخيرة قلبي فجأة يدق جامد أوي بطريقة مؤلمة جدا وساعات بكون مثلا رافعة يديّ بشكل عكسي وأنا نايمة فأحس أنها متخدرة تماما وقلبي بيدق ومنطقة الصدر بتؤلمني ونفسي بيتكتم وفجأة تيجي الأحاسيس ذي مؤلمة ومزعجة بنفس الوقت بحس بموت.
 
 بقرف من كل شيء حتى من نفسي بكره البريود جدا جدا جدا جدددددددددااااااا مقرفة إحساس وساخة وساخة بكرهك يا مقرفة يا غلسة يا مستفزة وأكره نفسي لما تيجي البريود ببقى عصيبة وبتنرفز ماما بس التي تفهم حالتي ذي إحساس لا يوصف ومش عارفة إزاي هتفهمني معقول قرفي ده وسواس كلنا بنكرهها غبية مزعجة وجعها مؤلم جدا جدا ومقرف جدا بحس أني بكتريا فايروس بيمشي لو أنتم الرجال عندكم بريود كنت فهمت إحساسي مبحسش أنه وسواس لأنه وساخة أنا بغسل نفسي طبعا بعد ميروح الوجع بغسل بماء ساخن بس طبعا محتمل... شوية تكون حرارته قوية لكن أتحمله وبعمل ده كل ما أغير.
 
 صاحبتي قالت لي ده وسواس قلت لها لا مش وسواس.
 شكرا. باي.
 4/2/2020