|
| 
|
شذوذ جنسي
أنا عمري 27 سنة من وقت ما كنت طفلة في 2 حضانة مثلا كان عندي حاجة زي هوس أو مش عارفة إيه بالضبط إحساس غريب بالنسبة لحقن العضل لما كنت آخذ حقنة كنت محبش حد يعرف من إخواتي أبدا أحس بإحراج حتى مرة أخذت حقنة وأنا صغيرة ولسه كنت فاكرة شكل الصيدلية وماما كانت معي وكانت تحاول تلفت نظري عشان محسش بالحقنة كل ده تفاصيل غريبة بس فاكراها كويس
ولما أكون لوحدي وأنا صغيرة أتخيل أني آخذ حقن وأجيب إبرة حادة بس مش بتجرح وأعمل كأني بدي حقنة لنفسي.... فضل الموضوع كده لحد ما كبرت وأنا عموما الوحيدة بين إخواتي كنت لما أتعب دائما الدكاترة يكتبوا حقن كنت الوحيدة اللي آخذ حقن فيهم وأول ما آجي عند الدكتور ماما تقولهم أني أخذت حقن وطبعا آخذها كذا يوم وكل يوم يكونوا عارفين أني نازلة آخذ حقنة وده كان بيضايقني جدا
بعدين لما كنت في ثانوي تعبت وأخذت حقن البنسيلين فترة وجربت أعمل بحث عليها في النت بالصدفة ظهر لي فيديوهات لناس تأخذ حقن عضل هنا المشكلة بدأت تزيد بقيت بتفرج على الفيديوهات ذي كثيرا جدا وأحس بإثارة وتنزل مني إفرازات وقتها كل شوية أقول مش هتفرج ثاني وللأسف حلفت كتير متفرجش بس برجع أتفرج ثاني
الموضوع بيهدي معايا فترة ممكن شهور أو سنة مفكرش في موضوع الحقن ده بس لما يحصل وأتعب وآخذ حقن الموضوع يزيد جدا وأتفرج على فيديوهات وأفضل أفكر فيه بطريقة متواصلة أحس أني مش قادرة أكمل حياتي ولا أشتغل وأكون عصبية.
أفكر طول الوقت في الحقن أتخيل أني آخذ حقن كثير وتكون بتوجع هقول حاجة غريبة أنا بتضايق لما الحقنة متوجعنيش بيكون نفسي الحقنة توجع جدا وتكون تأخذ وقتا ! أنا عارفة أنه غريب بس أتمنى آخذ حقن كثير وتوجع من غير ما أكون تعبانة طبعا الموضوع وصل معايا لدرجة أني بقيت أجيب سرنجات وأديها لنفسي بدخل السن بس وأخرجه وأعمل كذا كذا مرة بس طبعا بعد ما عرفت طريقة إعطاء الحقن مش بدخلها غلط
ودلوقتي بقيت أروح آخذ حقن فيتامين من غير ما أكون محتاجة وأختار النوع اللي يوجع وآخذه من غير ما حد يعرف في البيت كده بكون مستمتعة أني أخذت حقنة وبتوجع ومحدش يعرف وأكرر الموضوع، زمان لما كان دكتور يكتب لي على أدوية فيها حقن كنت أقوله يبدلها بأدوية أقراص، دلوقتي العكس أنا بطلب يكتب حقن دي المشكلة كلها ...
نفسي أخف من الموضوع ده أنا حاسة إني غريبة جدا نفسي أكون طبيبعة زي باقي الناس ..
آسفة على الإطالة
9/2/2020
رد المستشار
الابنة الفاضلة "رانيا أحمد" أهلا وسهلا بك على مجانين وشكرا على ثقتك، واختيارك خدمة استشارات مجانين بالموقع.
هناك كثيرات يجدن نوعا من الإثارة الجنسية من الحقن في العضل ومن اللبوس ومن الصفع على المؤخرة وهذا كله واقع ضمن نطاق المثيرات الجنسية الطبيعية، لأن المؤخرة هي إحدى المناطق المثيرة للغريزة الجنسية والسبب في ذلك يعود إلى قربها من الأعضاء الجنسية. ولأنها تشترك مع الأعضاء الجنسية في القطاع الجلدي الحسي في المنطقة العجزية ويمتد ذلك من المؤخرة إلى خلف الفخذين وخلف الساقين. وهو ما يفسر الشعور بالإثارة الجنسية عند تلقي الألم الخفيف الناتج عن وخزة الإبرة وكذا مداعبة هذه المناطق، ولكن درجة هذه الإثارة لا تصل نفس درجة الإثارة الجنسية التي نحدثها استثارة الأعضاء التناسلية.
لا داعي لأن تشغلي نفسك كثيرا بهذا الأمر لأنه ليس مرضا ولا علامة على مرض... أنت أنثى طبيعية ولكل أنثى خصوصية فيما يثيرها جنسيا إضافة لما هو مشترك بين الإناث.
اقرئي على مجانين:
الضرب على المؤخرة والحقن واللبوس
أحب الحقن ونفسي أروح في ستين داهية
استرجاز وإدمان الحقن واللبوس وصفع المؤخرة
ومرة أخرى أهلا وسهلا بك دائما على موقع مجانين فتابعينا بالتطورات.
تعليقات الأعضاء