|
| 
|
وسواس في بدايات العلاج : خلف جدران الزواج م17
وبعدين في حالتي ذي
عزيزي دكتور وائل. السلام عليكم ورحمة الله اقتربت من عام لم أرسل لك رسالة .تعبت. تعبت يا د. وائل خلاص أصبحت تعسا كئيبا جدا . على حد وصفك حالتي وسواس قهري أو اضطراب وسواس أقسم لك بالله أنا مش عارف أعيش تعاطيت الفافرين جرعة كاملة 4شهور وكررت الجرعة التانية نصفها فقط لأني زهقت وتعبت وزادت علي مصاريف العلاج الفافرين نوعا ما غالي شويه عن غيره.
المهم أني يئست من شرائه. دكتور حالتي غير مطمئنة خائف جدا من بكره لتزداد علي الأعراض لدرجة أني أنسى كل شيء أهلي وناسي وشغلي صدقني والله تعبان وأحاول أبعد كل الأفكار كعلاج سلوكي لنفسي أتعرض للخروج من الواقع المحيط بي وبيجي علي وقت مبعرفش أتصرف في أمور حياتي كمشكلة ما مثلا في عملي أو بيتي أو أخوتي مثلا مبقدرش أتصرف أو أتكلم مش عارف أقول إيه أو أعمل إيه كأن الحاجة ذي أول مرة أعرفها أو أتعرض لها ومعرفهاش وكأن لا لي عقلٌ أفكر به أو أتصرف.
التفكير بقى في كل أمور حياتي كأني أتعامل لأول مرة معها. كركوب المترو مثلا الذهاب لعملي. أركب إيه أروح إزاي تخيل حضرتك والناس بقت تلمح علي ده يعني مثلا لما آجي أكلم أحد أي أحد .لازم أحط يدي على بطني أو فخذي وأضغط 3 أو 4 مرات حركات كأنها لا إرادية أقول لك إيه بس وغيرها وغيرها.
مش عارف أعيش الواقع أحيانا بل أكثر يومي أهرب للنوم عشان أنسى. أقف أشتغل على سلم مثلا مش عارف هو شايلني إزاي وكأني أول مرة أعرفه أو أقف عليه وخذ من ذا في كل حاجة. كل حاجة إن مشيت إن قعدت إن أكلت إن لبست إن. وإن وإن.
مع ده أعراض صداع شديد أحس أن مخي يتحرك هيطق من الصداع وخلل وضغط يعلى جدا.. مش عارف أعيش حياتي الطبيعية ولا أمارس أي حاجة من الطقوس اليومية. كأنها غريبة علي وبشفها لأول مرة أركز أوي مع ده. أعمل إيه تنصحني بإيه أنا ممكن أذهب للعلاج مع التأمين بتاعي وهو ممتاز. بس أروح أقول إيه. نفسية وعصبية ولا أقول إيه وهل لو مخي حصل فيه تغيرات تبان في الأشعات كالرنين مثلا أو المقطعية خائف يا دكتور من بكره لتروح مني خالص.
أنا خائف أتجنن بسبب حالة الخروج من الواقع والوصف ده كله.. خائف أجن خائف أتدمر يجيئني زهايمر أو ذهان أو شيء ينسيني حياتي وأهلي وديني قل لي بالله عليك أعمل إيه.. أكرر الفافرين ثاني وأتعاطي قرصين أو ثلاثة في اليوم ..أم تغير لي العلاج بنوع آخر.. أو أتوجه لطبيب تخصص إيه وأعمل أشعات هل حالة المخ طبيعية وهل ممكن تبان في أشعة لو في خلل قل لي آخذ إيه أروح فين… يا خبر إسود……….
آسف للإطالة وأرجو الرد والاهتمام كما عودتني….
طارق التعس
16/3/2020
رد المستشار
الابن الفاضل "طارق" أسعدك الله وأهلا وسهلا بك على مجانين وشكرا على ثقتك، ومتابعتك خدمة استشارات مجانين بالموقع.
لا داعي لليأس فحالتك قابلة للعلاج كل المطلوب هو الصبر على العلاج...... عليك أن تطرق باب التأمين الصحي طالبا تخصص الطب النفسي أو طبيب النفسية والعصبية وتشتكي له من كل ما تعاني من أعراض قهرية وسوف يسمعك ويصف لك العلاج اللازم مع ضرورة أن تتذكر الصبر على العلاج.
لا تظهر الأشعات المعتادة في الممارسة العيادية للطب النفسي أيا من التغيرات الكيميائية الموجودة في دماغ مريض الوسواس القهري، فلا تضيع وقتا ولا مالا في مثل تلك الفحوص إلا إذا طلبها الطبيب المعالج، واطمئن فلا علاقة لحالتك هذه بسبه ألزهيمر.
ومرة أخرى أهلا وسهلا بك دائما على موقع مجانين فتابعنا بالتطورات.
ويتبع >>>>>>: مثلي يختفي خلف جدران الزواج م19
تعليقات الأعضاء