رجال ؟! أم ذكور ما بعد الإباحية ! ؟!

 عاوزة أعرف هو بيعمل كدا إزاي؟ وليه؟ وأتعامل معه إزاي ؟؟
 
في واحد دخل حياتي من 3 شهور، دخلها فجأة، أنا حياتي ملخبطة وأهلي تصرفاتهم غريبة ودائماً فيه ضغط عصبي، أنا وصلت لمرحلة الانفجار النفسي، حبيته وتقدم لي وطلب مني أنه نفسه يشوفني في حضن راجل تاني، طلبها الأول بعد ما نتجوز وينام معي والولد الثاني ينام معي قدامه برضو، رفضت كتير بعدين ابتدأ يقنعني أنه نشوف حل وسط لأني ماكنتش عاوزة أبعد عنه ودا شرط ضروري جداً عنده، قال لي هنختار حد أنت اللي هتختاريه وهتعملي علاقة معه وتتصوري لي فيديو لأني مش هستحمل حد يلمسك بعدي _ بعد الجواز يعني _ لكن دلوقتي آه، فعملت كدا، واللي عملت معه كدا أخد باله أني بصور وأنا شخصياً كنت قرفانة من الموضوع أنا مش من البنات دي.
 
 أنا في واحد حبيته 7 سنين واغتصبني غصب عني واللي حبيته دا أخد باله من شكل جسمي أنه مش جسم بنت وكان بيضغط عليّ بطريقة ذكية لحد ما حكيت ولمّا المرة دي باظت جاب اللوم عليّ وكنت مخنوقة وحاولت الانتحار بس الموضوع فشل.
 
بعدين عدت فترة شهر ونص خلاني أكررها وقعد يقولي مافيش مشكلة لو قُلتي له كلام حب أو اتمايصتي عليه واعترضت وكنت مخنوقة بس عاوزة أرضيه، وفي نفس الوقت أنا بخاف من ربنا وكنت بقعد بيني وبين ربنا أشتكي وأعيط وأنا بصلي، وتكررت لتاني مرة امبارح والفيديو اتمسح لوحده من غير ما أجي جنبه، ولما عرف قال على نفسه لفظ مش كويس وإنه هو اللي غلطان إنه سمحلي بكدا وقعد يقولي إنتي ضحكتي عليّ وإن إنتي وهو أخدتو شهوتكم، هو أصلاً بتاع بنات كدا لدرجة رهيبة تفوق العقل، منع الجنس بقاله سنتين ولما حصل كدا النهاردة قالي كل واحد يدور على شهوته.
 
طبعاً صعب أحكي أي حاجة من دي، وأنا مش فاهمة. هو قال لي النهاردة كل اللي عدّو عليك في حياتك استفادو منك ماعدا أنا، قلت له معنى كلامك إن اللي مزعلك إنك ماعرفتش تاخد مني حاجة وهو كان بيخليني أعمل معاه علاقة في الفيديو كول وأستخدم أدوات أو أنواع خضار ولما عرف إني اغتُصبت قال لي مش هقرب منك غير بعد الجواز ودا وعد، بعدين الكلام تطور ورجع في كلامه بسبب أسلوبي معاه إني عاوزة حاجة زي كدا بس أنا مش عارفة ولا فاهمة أي حاجة ومش عارفة أعمل إيه.
 
أنا لو قعدت أكتب من هنا لأسابيع مش هعرف أوصف. لو سمحت محتاجة حد يفهمني وينصحني،
أنا ساذجة جداً وبتعامل مع الناس بقلبي.
24/2/2020