|
| 
|
هوسٌ شخصي
والله حضرتك كان عندي نفس المشكلة لحالة عندك قريتها بس بشكل أصغر شوية. الحقيقة أنا عندي هوس بالشكل والوسامة والحاجات دي. أعتقد إنها جتلي بسبب الحيرة. يعني مثلاً ناس غير أهلي يقولولي أني وسيم جداً وحلو.
مثلاً أنا فاكر من سنة ونص أو سنتين كنت داخل أعمل علاج لحاجة معينة في المستشفي فكنت قلقان شوية فالدكتور جابني عشان يتكلم معايا شوية ويعديني ففي كلامه قالي "طيب شاب ماشاء الله وسيم زيك ميعرفش أي بنات قول بقي". مرة تانية أبويا وداني مع صحابه فواحدة منهم شابة أجنبية متجوزة قابلتلني فقالت ماشاءالله ابنك وسيم.
مرة تانية كنت قاعد مع ابن خالتي جايب صحابه ولاد وبنات قاعدين وواحدة منهم قاعدة تبحلقلي نص ساعة وفجأة تكلمني مع أني أول مرة أشوفها، غير بقي صاحبات أختي يقولولها أخوكي جوزيهُلنا وبعتله request معملش accept وكدا.
كل اللي فات بقي ده يا دكتور كوم واللي جي ده كوم تاني صحابي بقي يشوفوني مش حلو خالص بالذات إن من عيوبي عندي حبوب في وشّي، اه مش كتيرة بس برضه باينين بحس نفسي كمان فالصور وحش أوي بالذات الحبوب مطلعاني شكلي جربان، وحش أوي . غير كدا من الحاجات اللي مبحبهاش شعري هو اه مش أوحش حاجه يعني ومش مفلفل، بس فيه لف بسيط وبحسه ناشف مش ناعم. كل يوم بقعد أكتر من ربع ساعة صبح وليل أسرحه، أودي يمين شمال قدام ورا، الموضوع داخل جنان.
آه الموضوع ممكن شكله يبقي تافه ونسائي أكتر وإن الرجال بالشخصية وكدا
أنا عارف بس أنا بقي هوس يومي، طول الوقت أفكر في الموضوع ده.
17/3/2020
رد المستشار
شكراً على مراسلتك الموقع.
الصراحة ليس هناك في محتوى الاستشارة ما يشير إلى أنك تعاني من اضطراب نفسي أو عقد نفسانية أو اضطراب تشوُّه الجسد.
المراهقة مرحلة حرجة في حياة كل إنسان يبحث فيها عن تكامل شخصيته فكرياً وعاطفياً واجتماعياً. أنت تدرك بأن تركيزك على مظهرك والولع بوسامتك أصبح عبئاً عليك، وما عليك إلا الانتباه إلى تحديات الحياة الأخرى مثل توسيع ثقافتك والانتباه إلى تعليمك والتوجه صوب أهدافك.
وفقك الله.
تعليقات الأعضاء