زحمة حياة ولمسة اكتئاب م3

زحمة حياة ولمسة اكتئاب م2
 إلى الدكتور ..وائل .... مع خالص تحياتي !! 
 
 أبو هندي المحترم .. الشكر موصول لك للرد ..وسماع شكواتنا ومشاكلنا ..وبعد .. في البداية جعلتني أندم لأني تكلمت معك بصراحة ووضوح ثم بعد ذلك قلت لأ ..لمَ الندم !! أنا عارفة نفسي وربي من فوق يرى ويعلم وهو آعلم .. لكن سأرد عليك وأخرج ما في قلبي حتى تنظف روحي من كل السلبيات ولا يبقى إلا الحب والسلام .. رغم أني قد ذكرت لك في سابق برقياتي هنا بمجانين بمختلف أقسامها بين حين وآخر .. تميهدا لهذا اليوم ومستعدة له مادمت لم أغضب ربي فلا أهتم لغيري بدون ضرر لهم طبعا، عن ندمي عن بعض زلاتي مع حضرتك رغم برائتها إلا أنها تبقى أغلاط !! وما كان لندمي إلا ما عهدته عليك يا أبا طارق من رقي أخلاقك وكرمك وطيب روحك مع من تصفهم بـ "أولادك وبناتك" وأنا واحدة منهم ...تطبطب علينا كما لو كنا أولادك بصدق وتسمعنا وتتقبل حماقتنا ومهما نخطئ تبقى حنونا رقيقا بكلماتك معنا وهذا ما لا نجده بواقعنا آي مع أهالينا ومع من حولنا !! فما حصل يا ترى !! لتكون كلماتك علي كالسكين "سكينة تلمة" !! أقصد ردك الأخير في الفيس ! وأستغرب آمرك أيها الطبيب ..الطيب... ترى ماذا تظن ببناتك وآبنائك ...يا آبوجلامبو؟؟ أيعقل ... أن تزرع مع صاحبك وطاقم مجانينك ..المجانين المبدعين ... تزرعون كل الخير ...من رحمة، وحب، وإنسانية، وعلم، وتسامح، ووعي، وطيبة ....... الخ .....فتحصد شرا...؟؟؟!! ... لا تجرح روحا تدعو لك بالخير يا دكتور فيسمع الله وما كنت لتضيع عملاً ربما تكن معه رفيقا للحبيب عليه الصلاة والسلام !
 
 ولعلي عرفتك بمراهقتي !! ولا تظن للحظة إني أشعر بالندم لما فعلت معك من حماقات وجنونات !! لا والله العظيم ..بل أشعر بالفخر ومنتهى أقصى درجات الغرور .. فأنا رغم حرماني من أشياء كثيرة شاء الله أن يأخذها ولعل أولها لم أعش بين أب وأم والحمدلله على ذلك بل ممتنة له لذلك لأن جدتي وعمتي وجدي رحمهم الله كانوا لي نعم الأهل والسند بعد ربي رحمهم الله وأكرم مثواهم وجزاهم عني رفقة النبي الحبيب عليه الصلاة والسلام وجمعني معهم بالفردوس الأعلى ...آميين ! بل بفضلهم عشت طفولة أكثر أماناً من أن أعيشها مع أمي وأبي . ولعلها كانت الأساس لتُبنى شخصيتي ...ولا أخجل ولا أشعر بثقل ما أخذه الله مني ولم أعد أرفض وآقعي مهما كان وما سيكون ..وإن شاء الله دوما الخير ..إلا إني محظوظة أيضا... فقد حظيت وقتها بمعرفة كبير الموسوسيين وزعيم الوسوسة.. والرائع الملهم صاحبه ..وكنتما معي في أكثر وقت تحتاج أي بنت من يكون بمكانكما وشاء الله ذلك ورتبه وعشته، وشاء أيضا أن تكون عائلتي أوف لاين ....وقتها !! ولن أستفيض معك بالشرح فقلبك دليلك ...!! ..........
 
 ((رجاء اختيار اسم والثبات عليه وكفى لخبطة أنت "مفقوسة مفقوسة"!! بأسلوبك لا اسمك ولا بريدك الإليكتروني.))
 
 أما نشوف هاتعترض إزاي على الإسم ده "منجاااية مجنونة" المرة دي يادكتور !!...ممكن تبص فوق ..فوق يادكتور في التصنيفات تصنيف الاستشارة هتلاقي كل مرة أنت تغيرها والتصنيفات دي لها أسماء طبعا والأسماء مختلفة ! بس كلها بترجع لشيء واحد وثابت "استشارتي أنا" أو "لمجانين" يعني شيء معروف فمش فاهمة ليه معترض على الاسم ما دام عارفني وأنا مش بنكر ده؟؟وليه أنا بس ! عادي تغير الاسم هو وصف لنوع استشاراتي ومش بالضرورة القصد ...تغيير اسمي ولخبطة حضرتك.. ولا بلعب معاك أنا مخصماك حاليا أساساً !! فهمتني ؟؟ ولا لسة متلخبط ؟!!! الحاجة التانية ..في إيه يادكتور ؟؟ في إيه ؟ أنا عارفة إنك فاقسني!! وعشان مفيش داعي مضيعة وقتي ووقتك ولإني عارفة إنك هتعرفني فقلت خلاص مفيش داعي أتكلم بوضوح وصراحة وكمان معنديش رغبة زمان إني ألعب معك وأعمل مقالب وحكايات زي ما أنت شايف حياتنا مش ناقصة لخبطة محتاجين نفهم نتعلم بهدوء وبوضوح وبصراحة .. مفيش وصف تاني غير "فاقسني" محسسني إني بيضة وفقستها !! وماما شايفاني بطة بتزغطها !! بجد فيه إيه ... !! أنا يادكتور التي جئت لك وبكامل قوايا العقلية وقلت لك أنا فلانة الفلانية !! فأنا عرفتك بنفسي وعارفة إنك عارفني ..أقولك استنى هاطلع على الجبل أصحي الناس كلها يانااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااس حد يقول للدكتور وائل ..إني عارفة هو عارف أنه عارفني أو فاقسني ههه...خلاص !
 
 ـساعات الواحد يعيش جزء من عمره وهو رافض لواقع عايش فيه زي ما حصل معي أنا واعية وعارفة أنا مين بس ساعات برفض حاجات كتير زي اسمي / بلدي / ماما / بابا / زواجهما / طلاقهما / .... حاجات كتير كنت برفض أحكيها وبرفض أصدقها .. تعلمت إزاي أبقى أقوى وأوعى بالدنيا وأتقبل المطبات دي وأستسلم لها ...ومن طبعي بحب أواجه وأغوص بعمق الألم وأفضل أبص لصورة الشيء المؤلم وأفضل أتألم لغاية لما أتعود ويبقى الألم راح .. قررت أتصالح مع كل ما ينقصني وآسيبه بمكانه أنا من النوع اللي مبتعلمش بسهولة ومبتعلمش من المرة الأولى ومبستسلمش من أول مرة أفضل أخبط بالحيطان بالبيبان بالناس وبنفسي ...لغاية لما تعلمت "أستسلم" بقيت لما أعلن استسلامي التام لقدر ربنا أرتاح ما زلت طبعا مقتنعة بـ "لاتفكر لها مدبر" وأحاول أطبقها أكتر وبفكر نفسي بها دايما لما بحس بالخوف والضعف يحاصرني .. بعض من واقعي الأليم المؤلم كل الرجالة اللي في حياتي قرع !! أه قرع.. جدو الله يرحمه أقرع بس قمر حبيبي ربنا يرحمه بابا أقرع خالو أقرع أخويا أقرع زوجي أقرع وملهمي كمان وطبعا بعد كمية القرعان الي كنت ولا زلت عايشة فيها أكيد حظي كمان أقرع !! إنت بس اللي مكنتش أقرع ..!بس عادي قررت أستسلم إستسلالا لام تام
 
 بالمناسبة المقولة اطلبوا الحوائج بعزة الأنفس هي حلوة كمعنى إيجابي أنا قلتها لزوجي حاولت أهديه وأخليه يبطل يفكر ويسيبها على الله أنا كمان ساعات بقع بنفس دوامة الفكر دي وبحاول أوزن شوية ..ادعي لنا يا دكتور بجد أحتاج دعوات كتير..المهم أنا بحثت عنه لقيته حديث ضعيف جدا! بس حلو شغال كمعنى تحفيزي للسكينة..فاضل كلمة "خنفشارية" لا إله إلا الله يا دكتور صلي على النبي بس واطمئن لستُ عفراء يا طيب كنت ناوية ألعب معك شوية وأقولك إن دي أنا أعمل إيه أدي آخرة الصراحة والعقل منا كنت مجنونة وطايشة كنت مدلعة آخر دلع أنا اللي أستاهل أنا اللي جبته لنفسي كان لازم أتكلم بصراحة وأعترفلك!! كان المفروض أكذب عليك وأحكي حاجة مش بتاعتي وأتجنن وأتصرف بأسلوب شطحاوي وأكمل جنان.... ساعتها كنت طبطبت علي ووواستني !! أما عن كلامي معك عبر الهاتف كنت بطلب حضرتك تقريبا يوميا والله عشان تصدق إني محظوظة وقتها بوجودكم بحياتي تقريبا الساعة 10 أو 11 مساءا وأظن ده موعد نهاية العيادة بتاعة حضرتك وكنت بتلعب معاية بابا جدتي رحمها الله لم تكلمك للأسف لم أرتب لفعل ذلك هي شبه هدى سلطان جدا أما عمة رحمها الله أخت جدي رحمه الله فشبه سُدادك بالملي تحاورت معه وأحبه كثيرا وأحترمه شبه عمة من حيث الشكل شعرها أبيض كله كله وملامحها حادة كما هو سبحان الله والجدية الحادة الناعمة في قوة الكلمة والتفكير وموازنة الأمور وتحليلها وجرأءة تنفيذها حتى لو صعبة.
 
 أما جدي رحمه الله أكيد عارف شبه مين !! مع إنه عسكري أنا لما بفتكر بسجد لربي شكر إزاي رتب حياتي كده أنا حياتي صعبة وقاسية نوعا ما بس هو رتبها وخلاها هينة ولينة علي الحمدلله على كل حال ..عشان كده بحس إني هافضل طول عمري مديونة لحضرتك بطيبة قلبك وجدعنة موقفك المصري اللي الحمد لله مفيش ولا حد مصري عرفته لغاية الأن من آصحابي إلا وكان مصري أو مصرية جدعان ودي نعمة برضه بس لو هتخنقني ولا تتصور تصورات أخرى ...خصام مفيش كلام وإلى الأبد .. نَودُ من يَودُنا ومن كان وَدُه وِدَنا ممدودٌ له الود مننا ....متسألنهيش مقولة إيه دي أنا معرفش هي طلعت كده !
 
 (("ماما" لا تدعو لك إلا بالخير.... فإن كان الخير في السفر فدعوتها لن تصيبك وستسافرين وإن كان الخير في غيره فدعوتها تقيك ما لا تعلمين!!... أما كيف ذلك ؟ فالإجابة أنها "ماما" ولن أزيد وأنت تفهمين.... وطول عمرها لها تحكمات وآراء ومواقف لا تعجب جنابك لكن من النضج -وقد نضجت حسب الشرع والقانون- أن تتجنبي الصدام معها ما استطعت....))
 
 تصدق يا دكتور وائل كانت لحظة مهببة لما كتبت فوق سني واتكلمت معك بشكل ناضج وواعي لسه فيه سنتين كمان يعني ممكن أغير رأيي وأجنن عليك هنا بمجانين !! لاحظ إنت بتخنقني زي ماما .. !! بالدور يا دكتور بالدور ادخل بالطابور مع ماما وعيلتي ...هو فاضل بس أنت حاليا ! ليه يادكتور ما أنت كنت كويس هتبقى زيهم !!! وعلى فكرة هتدفعني بخنقك لي ذي أتخلى عن النضج وأرجع عيلة وأنت المسؤول لإنه هيطلع هنا بمجانين ...ارحمني يا دكتور عارفة والله عارفة إني نضجت عارفة ...هو النضوج عندك بالعافية يا دكتور وائل !!! الشرع والقانون الي حضرتك بتجيبهم لي مثال هم نفسهم اللي تخلى كل واحد منهم عن قوانينه ـ وأحكامه .. ووافقوا على زواجي وأنا بالسن لا يسمح بذلك لولا الواسطة!! فآي قانون وآي شرع بعيد كل البعد عن شرع ربنا !
 
 فالنضوج مش بالغصب ولا بالقوة النضوج بالخبرة والتجارب وأنا لسه ببدأ ...وجزء من نضوجي هذا جزء صغير فتفوتة كدة لك ولأصحابك فضل علي به !! والباقي هـأ أنا طبعا وبلا فخر اشتغلت على نفسي...بهزر بهزر ...لكما نصيب كبير أكيد وربنا يجزيكم الخير عني أيضا ...ولمجانين التي علمتنا فيها بوضوح وبصراحة كل حاجة وخليتنا أوعى وأقوى ...والجزء الأهم هي رحمة ربنا ولطفه بعباده يأخذ شيء ويعطي شيء والحمد لله ...ولسه لسه بدري علي أوي وصف النضوج لسة بتعلم ...فكفاية أنا أتخنقت !!إنت مش بتديني حريتي هنا بمجانين وأنا أحب أكون على حريتي مش كفاية خنقة الواقع والحياة وماما وظرفي الحالي قد يطول أو يقصر لكن حاليا مخنق ليه بس لازم أفضل بحالة إيجابية والحل تديني مطلق الحرية هنا فاسمح لي أتجنن براحتي وعلى فكرة أنا الطفلة التي جواي بتحب أوي أوي تلعب معك وتحكي لك حبيت آكون مخفية عشان أكون بحرية حضرتك فقستني ... وهي حاليا نائمة لإنها حاسة إنها أخذت حقها واكتفت فدخلت مكانها ونامت بهدوء وسلام فمتخنقنيش إنت كمان وتمنع جناني بالقوة وبحيلة النضوج أنا عارفة نفسي أكتر ما أنت عارفني وعارفة أساليبك النفسية مش دايما تضبط أو على الأقل معي أنا بالذات .
 
 ((تتجنبي الصدام معها ما استطعت....))
 أنت وصديقاتي كلكم بتطلبوا مني أتجنب الصدام معها !! بتطلبوا مني أنافق ! أنافق ماماتي ...دي أمي المفروض أكون معها أكثر حرية ومصداقية من غير خوف من غير حساب لكلماتي، أنا مبعرفش مبعرررررررررررررررررررررررررررفش عارف سعاتك أنا عملت إيه عشان كلكم بتتطلبوا مني ده قررت أبعد ومتكلمش معها وكلمتني فجأة رديت ...بخير عاوزة حاجة !! شفت ردي كان جاف وتلم وغلس وغتتت وصديت الست بأسلوب سخيف ورخم ...أنا كان قصدي منتحاورش ولا نتكلم هي خلف خلاف لكل شيء ولما نختلف نتخانق ومكنتش حابة نتخانق فده كان ردي لما بتحدد بغلط طبيعي فتسمح حضرتك تقول لي أعمل إيه ؟؟؟؟!! يعني مش معقول كل اتصالنا مع بعض أقولها صح صح صح صح حاضر حاضر كدة يبقى غلط ونفاق وكدة رأيي يموت ومتعلمش ولا أفهم ولا أتعلم ...لو تكمت عن الأولاد ماما بتعترض كل أسلوبي في الحياة وأنا أم سبورتية جدا بحب لأولادي اللي بحبه لنفسي أنا اللي بعلمهم إزاي يبقوا أقوياء ويجربوا وأنا اللي بخليهم يجربوا ونغامر سوا ونجنن سوا ودي ليها أسئلة تانية ليك بخصوص أولادي أعمل إيه أنا أم مبتدأة حاليا بعلمهم وبتعلم معهم أد إيه مفتقدة جدتي وعمة مفتقدة حكمتهم حنيتهم وعقلهم الله يرحمهم ..وساعات بكتشف إني بقلد أفكارها جيناتها بدمي ودوغري بعمل ستوب !! وببص لنفسي من فوق وبقول لا لا كدة هبقى هي وأغير الأسلوب والطريقة !! بس بشكل عام أنا شبه جدتي وعمة وجدو الله يرحمهم كل واحد فيهم ليه علامة بتمشي بدمي وبتطلع للواقع بشكلي الحالي ده ..
 
 إستنى استنى ...إمسك دي عندك وسجلها بالسجل العقاري المدني حضرتك قلت إيه ...((ثم تعالي هنا ما لي أراك بلا أي ضبط لشطحاتك الفكرية؟؟؟)) لأ ..لأ... ودي تيجي حضرتك تعال تفضل اقعد على الكرسي ده هأعملك شاي بلبن معتبر ...! إيه مبتحبوش!! ...ماشي نعملك عصير منجااااااا بالهنا ...!! حضرتك فوق بتقولي شطحات فكرية !! أومال هرست مخ أمي من الصبح ناضجة ناضجة ناضجة نااااااااااضجة نااااضجة نااااااااااااااااااااااااضضضضضضضضضضضجة !! إزاي دي تيجي إزاي !! مش غريبة !! يا ترى ليه كنت بتتعمد عامدا متعمدا تكرار كلمة النضوج على مسامعي وهنا تقولي كده !! وطبعا قصدك الاستشارات السابقة !!! أفهم ؟؟؟ عندك رد ؟؟ إيه إحساسك ؟!! كش ملك !
 
 ((بدأنا بتغيير الدين!! ثم بالتهديد بالانحراف!! وأخيرا الشذوذ...))
 شوف ...والله العظيم حقك علي وأنا آسفة والله طلعت مني بلحظة غضب ..عصبت وانقهرت من ماما وطلعت غصبا عني ..حقك علي ووقتها حتى زوجي مش فاكرة يمكن كان جمعة فكان بالصلاة أو خارج لشيء المهم كنت لوحدي وإتخنقت والله يا دكتور الدموع كانت متجمعة بعيني من دعوتها لإني بخاف من الدعاء جدا .. عارفة طبعا مع أي حد لو مأذيتوش بالتأكيد دعوته لن تصيبني ...لكن أعرف دعوة الأم مستجابة ..!! ويا سلام والله ريحت قلبي بكلماتك إن شاء الله ربنا يبعد عني وعن عائلتي الشر ويرزقنا الخير ..آمين ..والجميع ! ودي مجرد كلمة كنا لما نتجمع كلنا نقول بينا وإحنا كلنا كبار طبعا وعندنا أولاد من التهريج والاستخفاف بالوضع الحالي نقول مفيش غير نقلب شاذيين !! لإن للأسف الشاذين بيطلعوا بشكل أسرع !! وعاوزة أحكي لك بصراحة أكثر بس مترددة من مهاجمة أفكاري وإنك تخنقني زي ماما بس هاجرب هديلك الفرصة الأخيرة وبعدها لن أرسل لمجانين ثانية إنت وردك !! ولن أتنكر... اطمئن ... هههئئ ئ ئ لإني عارفة عارفة "هتفقسني" بس مقلتليش عيون ولا خفق هع هع هع ..! فكرت أطلب طبيب غيرك بس بصراحة خفت منك ومحبيتش أزعلك ومبحبش حد يعالج جناني غير حضرتك وبس وربنا يستر متعقلني و... مش هاقولك !.
 
 وبعدين يمكن تمنعهم من الرد لي ! فعلى إيه اللفة دي ..أقول اللي في قلبي واللي يحصل يحصل عندكم مثل مصري بحبه "شيل ده من ده يرتاح ده عن ده" لو مش هتكلم براحتي وبصراحة على إيه بجي وبكتب أروح موقع تاني وعادي ولا إيه ؟ أنا هتكلم بس أرجوك يا دكتور وائل متقليش ناضجة دي تاني كرهتها خلاص على أد ما كنت طايرة بوصفي بيها منك كرهتها لإنك بتخنقني بها ابعدها من القاموس خلاص أنا فخورة بوصفك وشهادتك دي وعلى رأسي من فوق قولي كلمات تانية لإننا بنتناقش أو نتحاور بشكل متحضر بسيط وبحتاج أتناقش معك ..من أجل أن أتعلم وبنفس الوقت أفضفض وهاحكي لك حاجة بس قبلها ..خلينا نتفق على ...أنا واعية وعارفة بعمل إيه مش بعك أنا ! ومسؤولة عن تصرفاتي ! والكلام اللي حأحكيه حصل على النت! يعني مش هيطلعوا يأكلوني من النت ! صح ؟ ولا أنا لا أنا شاذة ! ولا هنحرف ! ولا نيلة ! وميولي طبيعية ومش مهم تصدق ومش مهم تقولي إنك مصدق أو مش مصدق ! الغاية التوعية والإرشاد لو تاهت مني نقطة أوكي وفي كلامي ده بس بحكيلك عادي مفيش عندي آي مشكلة ولو شفت الموضوع عادي لو تحب تعقب عليه أوكى لو محبيتش عادي مجرد بحكي لك أو يمكن بختبر تصرفك وأسلوبك هيكون إزاي !!
 
 المهم الموضوع هو من فترة بدأت أتخيل إني عايشة بأمريكا فعليا وبتخيل كل كل التفاصيل وأنا بغسل الصحون وأنا بطبخ وأنا بكتب لك وأنا بفيس وحتى ساعات نتكلم أنكليزي في البيت وحتى اللحظة دي هتكرر وأنا هأكون هناك إن شاء الله وبكتبلك .....وهكذا ...يعني بتصرف طبيعي بس كأني هناك وده نوع من أنواع تشغيل العقل الباطن المهم كأني عايشة هناك ولي جيران وصديقات أجانب طبعا وأتعامل معهم فزودت مدار أو نطاق تخيلي خليته كالواقع كده تعرفت على مجموعة بنات على النت على مواقع التواصل الاجتماعي في البداية مكنتش عارفة إنها بنت شاذة ! سحاقية ! بعدين هي قالت لي وطبعا استغربت الموقف واستغربتني أنا شخصيا ..أنا فين بالضبط ! وبنفس الوقت مبسوطة جدا من الحرية المحدودة نوعا ما بس أحسن بكتير منما كنت عند ماما يااااااااااااااا كنت انتحرت أكيد بس عارف يا دكتور وائل والله همة طبيعين بإنسانيتهم جدا جدا وبسيطين أوي أوي مش عارفة أوصف لك عارف إحنا العرب عندنا دهاء ومكر وخباثة رغم خيبتنا بس عندنا حتة الشيطنة دي هم عندهم غباء عبطي وصراحة قوية وبساطة كده ! إنت فاهم !! بليز قولي فاهمني !! وبقيت أقرب أشوف عادتهم كأجانب حياتهم طريقة تفكيرهم بيقضوا الوقت إزاي تابعت برامج وأفلام من عندهم بتحكي عن بنات شاذات أفلام عادية اجتماعية كوميدية عادي أفلام مش إباحيات بتتكلم عن حياة بنات كدا !!! على الرغم من إنه عادي موجود من وقت ما تكوزت كان الأوربي موجود وطبعا شفت وتفرجت عادي مفيش حد حاسبني ولا أنا حسيت بلوم أو تأنيب ضمير وكان إحساس بالحرية حلو أوي وكنت بشوف البنات العرب هنا إزاي ضميرهم بيوجعهم لمجرد المتابعة !! ليه!! أول ما شفته انشديت له عادي وبعدين خلاص بقيت مهتمش له ولا بتأثر له !! كل ما يتعمل حراسة وموانع الموضوع يترغب به أكتر وكل ما تكون الأمور طبيعية ومعلنة الأمور تعدي عادي ده اللي حصل معي !!
 
 المهم ده يمكن سبب دفعني أقول كلمة الشذوذ طلعت مني لما تعصبت يمكن نطبعت بعقلي الباطن ويمكن بسبب إصرار ماما على استخدام الكلمة دي لو رحت هناك هابقى كده !! إزاي !! إذا الأساس مخوخ !! ممكن !! لكن إذا الأساس قوي ومتين ورصين من عاشر المستحيلات !! ولو لا قدر الله حصل عادي !! متأكدة هيكون برغبة التجريب مني مش أكتر !! لكن مستحيل وربنا يحفظني ويحفظ أولادي وكل أمة محمد يا رب ... و على رأيك الشذوذ والانحراف وكل الشطحات موجودة بعالمنا العربي عموما علاقتي بهم على النت فقط عارف حاسة بإيه عارف لما تبص لحاجة إنت عارف كويس إنها تافهة وسخفية وغلسة ومؤذية وكدة بس برضه بتروح تشيلها تمسكها بأيدك وتمسكها وتفعصها وتفهمها وتفضل متنح تبص عليها وبعدين .. طوووب ترميها ..بس ده اللي حاساه.
 
 ومع ذلك حقك عليا ربنا يعافينا ويسلمنا أنا آخري أجننك أخضك علي أرعبك شوية يعني على أدي ... بس اطمن والله أنا بخير وأفكاري متزنة وتربية جدتي أهلى كانوا من أخيار الناس ولا أخيرهم عن حضرتك وتربية مجانين متقلقش واطمئن دي كانت لحظة عصبية ..وزوجي وأولادي بالدنيا مليش غيرهم ربنا يحفظهم لي ويكرمني بهم وأنا آسفة لو قلقتك .. وكل الشطحات إلى سلة المهملات واللي ربنا كاتبه لي ولعائلتي إن شاء الله كله خير ربنا عالم بما في قلبي أما موضوع التغير فحاليا كل شيء واقف ومش هاعمله خلاص أنا مسلمة فخورة بإسلامي وربي هو حياتي ده كان خيار سريع لكن زي ما أنت شايف توقف كل شيء لإعادة الهيكلة والبنية !! كفاية هو سمعني وطبطب على قلبي وكل الوجع راح وطاب برحمته يبقى ردي له أن أرضيه وربنا يعيني ويثبتني ملتزمة بالصلاة يا دكتور الحمد لله وأقرأ البقرة يوميا ورقة أو ورقتين أو بين يوم ويوم وبقرأ الأذكار الحمد لله نفسيتي أحسن ورجعت ثقتي بربي ومدام سمعني هنا وبعتلي رسايل يبقى مش هيضعني أنا وعائلتي إن شاء الله وربنا يلطف.
 
 وكده خلصت مشاكلي مفيش مشكلة أحكيها لك تاني !!
 ولا لأ لسة إلا لو سألتني أو لقيت أسئلة في ردك لي يخليني أرد عليك تاني لمجانين.
 14/4/2020