|
| 
|
زحمة حياة ولمسة اكتئاب م3
لا أفهم !!
كتبت كم مرة ومسحتها لإني كنت عصبية جدا ومش عاوزة أكتب كلام وبعدين تعالي يا أنا برري لك !! الحمدلله نوعا ما هدأت مكنتش ناوية أجي أكتب بس اتخنقت كل حاجة زفت زفت زفت بحاول أهدأ أهووو ودي مشكلتي عصبية أنا امرأة برج الأسد أول طباعي عصبية جدا حتى مع نفسي ومع اللي حولي طبعا بس ده حاليا بس بعد ما تشقلبت حياتي كل الذي تعلمته في معهد التنمية البشرية وكورسات تطوير المهارات وإدارة الوقت وضبط الانفعالات كله شلته وحطيته بالدرج وقعدت أنوح ..............هي مش بتظبط ليه ؟؟لا بجد مش بتضبط ليه يا رب بجد قولي يا دكتور ليه مش بتضبط ليه ؟؟؟
حياتي ليه متشقلبة كده ليه بقالي ساعة ببص تصدق أنا مش عارفة أجاوب إذا أنا حياتي ومش عارفة أرد هتعرف حياتي إنت إزاي وترد تقول إيه !! مكنتش أحب تشوفني وأنا بضعفي كده أنا حتى مش عارفة ألعب معك ولا لي نفس أهزر معك زي ما بحب دائما أقعد أألش على الظروف المرة دي دورها هي بقى بتألش عليّ
إزاي أبقى بشكل هُمه عاوزينه وأبقى أنا بنفس الوقت إزاي أنا معرفش أبقى اتنين عشان أرضيهم أنا أعرف أبقى أنا وأرضى هو بس قصدي الله أعمل إيه أنا عاوزة أخرج من اللي أنا فيه أنا عاوزة أهرب أنا اكتشفت أن كل حياتي غلط كل حاجة غلط بتيجي غلط بوقت غلط بمكان غلط بزمان غلط مع ناس غلط ياريت أقدر أعرف أعملها بس للأسف أنا خوافة وجبانة جدا وكمان أنا بحب الحياة بس ليه بيحصل كده
معقول هم صح وأنا غلط معقول ربنا بيعاقبني عشان قلعت الحجاب بس !! معقول أنا مش عاوزة أصدق الكلام ده بس بدأت أفقد ثقتي بنفسي حاسة أني زي ما أكون متنومة وبروح برجلي أرجع أقتنع بآراء أنا عارفة إنها غلط محدش بيحبني منهم غير بس جدتي وعمة وجدو الله يرحمهم فينيك تيجي تشوفي حالي أد إيه كنت قوية بيهم الله يرحمهم يا ليتهم جمبي كانوا عرفوا إزاي يساعدوني
عندي مشكلة إني مبعرفش أعيش بوسط كئيب لازم يكون طاقي وإيجابي وإلا أنتكس النهارده زوجي بدأ يقول شكلها مفيش سفر يا ليلي بس للسورين قرار ترامب بوقف السفر تماما وبقية الدول عارفة مفيش طيران في كل الدول بسبب كورنا بس فيه إجراءات بتحصل قبل ما توصل مرحلة السفر حتى دي وقفت قلبي وقع من طولي قصدي جوه نفسي فقدت كل طاقتي حاولت أطمن نفسي معرفتش ومقدرتش
أنا بكره ضعفي ده بكرررررررررررررررررررررررررررررررررررررررررررررررررررررررررررررهه أنا عارفة إني قوية ومش هاسمح للظروف دي تهزمني بروف أنا جاءت في دماغي حاجة أقوى من الشذوذ وتغيير الدين يمكن تسفرني بسرعة أنا بفكر أكلم حد في الماسونية !! اهي واحد على الظروف بنت البوبي مش هتاخد ضحكتي دكتور وائل أنا بحب مجانين أوي وبستريح لما بجي أحكي فيها .شكرا
هأقوم أصلي وادعي يا رب يا رب يا رب آه أنا افتكرت أنا صليت أساسا
أنا هأقوم أنام أحسن.
28/4/2020
رد المستشار
الابنة الفاضلة "Lyly" أولا تلاقي الخير في نومك ثانيا صباح الخير أو مساء الخير فأنا لا أعرف متى ستقرئين الرد.... ثالثا أهلا وسهلا بك على مجانين وشكرا على ثقتك ومتابعتك خدمة الاستشارات بالموقع.
الحقيقة أن ما تمرين به من شخبطة ولخبطة في حياتك ... ليس إلا جزءًا من المتوقع أن يصيب حياة من تعرض لجزء مما تعرضت له.... وصورة حياتك كما أخمن أفضل كثيرا مما تشعرين.... أنا أعرف أن أحلامك كبيرة وقيمك ومثلك قاسية.... وهنا يجب أن يكون العمل يعني بعض التهذيب لأحلامك وبعض التلطيف لمثاليتك في تطلبين من الدنيا.... ثم يمشي الحال.
كذلك من المهم ألا تزيد صلابتي عن الحد الذي يكفي لمنع الناس من عصري (يعني يعملوني عصير يا "Lyly" ويشربونني!!)... لأن زيادة الصلابة عن هذا الحد قد تسهل عليهم كسري !! (وأنا مكسر جاهز والله يا بنتي)..... قيسي على ذلك لتحلي إشكالية إلى أي حد أسمح بأن أكون كما يريدون.... ولاحظي أن الواو والنون في يريدون تعود على أكثر من يحبونك في هذا العالم!!
أما موضوع الماسونية فلن أتكلم فيه لأنه موضوع كبير وخارج التخصص.... وأنا شخصيا أخاف أتكلم في الأمر.... بالتالي عقلك برأسك وانظري ماذا ستفعلين لكن رجاء لا تقولي لهم شيئا عن مجانين يا بنت الناس الطيبين .. تحياتي ودعواتي لك بالفرج القريب.
ومرة أخرى أهلا وسهلا بك دائما على موقع مجانين فتابعينا بالفضفضات.
ويتبع >>>>>>: زحمة حياة ولمسة اكتئاب م5
تعليقات الأعضاء