|
| 
|
أريد التكلم مع أحد
أنا مش عارف أبتدي إزاى، بس أنا كنت رياضي أو اتولدت لقيت نفسي رياضي، كنت بلعب كاراتيه وسباحة من وأنا عندي أربع سنين لغاية ما كبرت، بس مبطل بقالي كتير، ودخلت كلية مكنتش عايزها بس أنا اللي قصرت، أنا مبقتش عارف أفكر مع إن عندي طموح لمستقبلي كبير جداً.
أنا أبويا وأمي دكاترة بس مش عايزىن يساعدوني، من ساعة ما اتولدت وهما بيضايقوني في البيت وحتى قدام الناس بطريقة التريقة والتقليل من أي حاجة بعملها.
مش عارف أقول إيه تاني من كتر منا عندي كلام كتير عاىز أقوله، ومش أى كلام بتخيله دي مواقف حصلتلي وأثرت في.
أنا مش ضعيف لا من جوا ولا من برا، وعندي قوة تحمل رهيبة ودي آذتني نفسياً أكتر من أبويا وأمي، هما مش وحشين وأنا لو أطول أبوس رجليهم أبوسها، بس أنا محتاج أتكلم مع أي حد فاهم، أنا بقالي 3 سنين وأكتر بكتير من وأنا صغير وأنا مسجون ومانع عن نفسي حاجات كتير.
أنا عارف إن اللي راح مبيرجعش، بس أنا عندي خطط لمستقبلي أكتر من اللى كان أبويا وأمى محددنها، بس أنا مبقتش فاهم الناس وبخاف أتعامل معاهم،
أقصد إني بخاف من إنى أتخانق مع شخص ومدافعش عن نفسي. وفي كلام مش عارف أقوله إزاي.
29/6/2020
رد المستشار
صديقي
ما هذه الحالة المذعورة التي صنعتها لنفسك؟ اهدأ وخذ كل مسألة على حدة:
- يمكنك أن تعود للرياضة إن أردت، لماذا لا تريد؟ ما الذي يمنعك؟ متى سوف تعود؟ لماذا؟
- ماذا كنت تريد أن تدرس؟ لماذا؟
- ماذا يمنعك من أن تدرس ما تريد الآن؟
- ماذا تريد الآن؟ لماذا؟
- لماذا تلوم والديك؟ ماذا فعلت؟ لماذا لا يعطيانك ما تقول أنك تستحقه؟ لماذا تستحقه؟
- ما هي المساعدة التي تريدها منهما؟ لماذا؟
- هناك الكثيرون الذين يودون الاستماع إليك وأنا منهم، فماذا تريد أن تقول؟ لماذا تريد أن تقوله؟
- لماذا سجنت نفسك؟ من المستفيد؟ لماذا هو مستفيد؟
- ما هي خططك للمستقبل؟ ما الذي يمنعك من تنفيذها أو البدء فيها؟ يمكنك البدء في أي جزء منها لا يحتاج إلى أي شيء غير المجهود الذاتي، لماذا لم تفعل؟
- لماذا تفكر في الشجار أو احتمال العدوان عليك وعجزك عن الدفاع عن نفسك؟ لماذا لا تعود للكاراتيه؟
وفقك الله وإيانا لما فيه الخير والصواب.
واقرأ أيضًا:
استغاثة وحيد
أحمد عايش وحيد تعال لمجانين م2
وحيد.... يبحث عن الحنان
تعليقات الأعضاء