|
| 
|
التشتت وعسر الإدراك والوسواس قهري
السلام عليكم.. أنا طالبة في كلية طب، اتشخصت من 4 شهور بـ "mixed anxiety and depression" مع طيف "ocd" وباخد "لوسترال 50 مجم" من 4 شهور، وتحسنت تحسن ملحوظ بس غير تام، لسه في وساوس مختلفة مش بس وسواس في موضوع واحد بس بقدر أطلع منها إلى حدٍ ما، والاكتئاب قلِّ خالص.
مشاكلي حالياً:
1- التشتت: مبعرفش أقرر بسهولة أو أخد رأي في موضوع جدلي، وباخد وقت كتير وبفضل أفكر في الموضوع كتير وأكرره أكتر من مرة ومش بوصل لقرار حاسم، بفضل أفصل في كل أبعاد الموضوع بشكل مُلح وده بيخليني متضايقة أني فاشلة ومليش رأي، وبشوف نفسي بصورة متدنية.
2- صعوبة إدراك واستيعاب لبعض المواضيع (ودي أكتر حاجة تعباني) خصوصاً اللي بسمع عنها أو بقرأها لناس معرفهمش، وبالتالي مش بلاقي تعاطف معاها، يعني مثلاً من كام يوم قرأت علي السوشيال موضوع اغتصاب، الطبيعي أني أتعاطف و أتوجع للبنت لكن الحقيقة أني مش مدركة أو مش حاسة الموضوع على الرغم من علمي ببشاعة الحادثة، ولازم أقعد أتخيل علشان ألاقي جوايا تأثر أو استيعاب للموضوع، وده بيبقى صعب ومُوَتِّر ومحبط لما بفشل لأني بواجه صعوبة ف التخيل وبحس بتبلد، بس لو بابا أو ماما تعبوا بتأثر ليهم وأتعاطف معاهم.
3- الـثقة في النفس: مش عارفة أثق في نفسي وأشوفها كويسة ومش شريرة، دايماً عندي شك في مدي صدق نيتي في عمل خير مثلاً أو غيره، ومش واثقة في نفسي خالص.
4- مبادئي وآرائي أصبحت هشة مش زي الأول، أي رأي مخالف بيوترني وبيشتتني ويشككني في رأيي، وبقيت شاكة في كل حاجة كانت محسومة جوايا، وقضايا مختلفة المفروض مفيش فيها جدل، وبفضل عندي "overthink" فيها بشكل موتر ليّا.
5- كسلانة في المذاكرة ومعنديش هدف في حياتي غير أني أرجع كويسة.
سؤالي بقي: أنا محتاجة إيه علشان أرجع كويسة وليا رأي ومبادئ واضحة؟ أنا خايفة أفضل كده طول عمري، وهفضل آخد الدواء طول عمري؟
وخايفة لما أبطل الدواء أنتكس، خايفة أكون إنسانة هشّة دايماً وأي حاجة صعبة في الحياة توقعني وتغلبني،
وخايفة من أي مرض نفسي تاني يكون عندي.
31/7/2020
رد المستشار
شكراً على مراسلتك الموقع.
هناك أعراض مترسبة من قلق واكتئاب وربما وسواس قهري استناداً إلى التشخيص الذي وصل إليه الطبيب المشرف على علاجك.
بعد أربعة أشهر من بداية العلاج لا بد من مراجعة جرعة العقار الذي تستعملينه، وربما معايرته إلى الأعلى. هذا هو قرار طبيبك المشرف على العلاج وحده، والذي قد يوصي بعلاج معرفي سلوكي بالإضافة إلى مراجعة الجرعة أو قد يكتفي به.
رحلة العلاج لا تقل عن عام واحد بعد الاستجابة الكاملة للعقار، والغالبية العظمى يتعافون من هذه الاضطرابات.
في نفس الوقت هناك حاجة لمراجعة جدولك اليومي والحرص على نشاط بدني يومي وطعام صحي.
وفقك الله.
ويتبع >>>>>>: التشتت وعسر الإدراك وسواس قهري م
تعليقات الأعضاء